कोरडा दुष्काळ तत्काळ जाहीर करा, शेतकरी मदतीसाठी शिवसेनेचा एल्गार; जिल्हाधिकाऱ्यांना निवेदन

dry Drought Ubt Shiv sena protest Buldhana: बुलढाणा जिल्ह्यात अत्यल्प आणि अनियमित पावसामुळे शेतकरी आर्थिक संकटात सापडले आहेत. या पार्श्वभूमीवर जिल्ह्यात कोरडा दुष्काळ जाहीर करून शेतकऱ्यांना हेक्टरी ५० हजार रुपयांची मदत द्यावी, अशी मागणी शिवसेना उद्धव बाळासाहेब ठाकरे गटाने केली आहे.

• कोरडा दुष्काळ तत्काळ जाहीर करा
• शेतकरी मदतीसाठी शिवसेनेचा एल्गार
• जिल्हाधिकाऱ्यांना निवेदन

बुलढाणा: शेतकऱ्यांसमोरील संकटांची मालिका थांबण्याचे नाव घेत नसून, यंदा जिल्ह्यात झालेल्या अत्यल्प व अनियमित पावसाचा खरीप पिकांना मोठा फटका बसला आहे. पावसाचा दीर्घ खंड पडल्याने सोयाबीन, कापूस, तूर, मका, उडीद, ज्वारी यांसह विविध पिके करपली असून शेतकऱ्यांसमोर आर्थिक संकट उभे राहिले आहे. त्यामुळे जिल्ह्यात कोरडा दुष्काळ जाहीर करून शेतकऱ्यांना हेक्टरी ५० हजार रुपयांची मदत द्यावी, अशी मागणी शिवसेना उद्धव बाळासाहेब ठाकरे गटाच्यावतीने करण्यात आली.

MPSC प्रशासनात खळबळ! सचिव महेंद्र हरपाळकरांशी गैरवर्तनानंतर अधिकारी-कर्मचारी आक्रमक; थेट…

शिवसेना जिल्हाप्रमुख जालिंदर बुधवत व राज्य प्रवक्त्या जयश्री शेळके यांच्या नेतृत्वाखाली जिल्हाधिकाऱ्यांना निवेदन देण्यात आले. यावेळी जिल्हाधिकारी कार्यालयासमोर शिवसेना पदाधिकाऱ्यांनी घोषणाबाजी करत शेतकऱ्यांच्या प्रश्नांकडे शासनाचे लक्ष वेधले. शेतकऱ्यांनी पिकांच्या लागवडीसाठी बियाणे, खते, कीटकनाशके तसेच मशागतीवर मोठा खर्च केला आहे. आधीच वाढलेल्या उत्पादन खर्चात पावसाअभावी पिकांचे नुकसान झाल्याने उत्पादनात मोठी घट होण्याची शक्यता आहे. त्यामुळे शेतकरी आर्थिक संकटात सापडला असून शासनाने तातडीने मदत करावी, अशी मागणी करण्यात आली. शासनाने तातडीने कोरडा दुष्काळ जाहीर करून पिकांचे पंचनामे करावेत आणि कोणतीही अट न ठेवता सरसकट हेक्टरी ५० हजार रुपयांची मदत शेतकऱ्यांच्या खात्यात जमा करावी. तसेच प्रलंबित कर्जमाफीच्या दुसऱ्या याद्या जाहीर करण्यात यावी अशी मागणी केली.

तीव्र आंदोलनाचा इशारा

विद्यार्थ्यांना फीमाफी द्यावी, पशुधनासाठी चारा छावण्यांचा अग्रक्रमाने विचार करावा, तसेच वाढत्या महागाईच्या तुलनेत अपुरा ठरत असलेला प्रधानमंत्री किसान सन्मान निधी वाढविण्याबाबत केंद्र शासनाकडे ठोस शिफारस करावी, अशी मागणीही निवेदनातून करण्यात आली. या मागण्यांवर शासनाने तातडीने निर्णय न घेतल्यास शिवसेनाच्या वतीने तीव आंदोलनाचा इशारा देण्यात आला. यावेळी जिल्हा समन्वयक गजानन धांडे, युवासेना जिल्हाप्रमुख नंदू कराडे, लखन गाडेकर, सुनील घाटे, गजानन उबरहंडे, विजय इतवारे, विजय इंगळे, गणेश रिंढे, सुनील भाग्यवंत, विजय राऊत, डॉ. अरुण पोफळे, संजय शिंदे, रामशंकर सोनुने, रवींद्र पवार, संजय गवळी यांच्यासह महिला आघाडीच्या पदाधिकारी व शिवसेनेचे कार्यकर्ते मोठ्या संख्येने उपस्थित होते.

पुणे जिल्हा बँकेच्या निवडणुकीसाठी इंदापुरात मोर्चेबांधणी; भरणेवाडीत सहकारातील दिग्गजांची संयुक्त बैठक