Risod Tahsildar Pratiksha Tejankar
सुरुवातीला केवळ रील प्रकरणापुरती चौकशी मर्यादित राहणार असल्याचे चित्र असताना आता त्यांच्या संपूर्ण प्रशासकीय कामकाजाची तपासणी केली जात आहे. शासनाच्या आदेशानुसार ही चौकशी रील प्रकरणासह तहसीलदार म्हणून त्यांच्या कार्यकाळातील प्रशासकीय कामकाजाशी संबंधित विविध बाबींवर केंद्रित आहे. चौकशी पूर्ण झाल्यानंतर अहवाल वरिष्ठांकडे सादर केला जाणार आहे. दरम्यान, त्यांच्या कार्यकाळातील काही महसूलविषयक कामकाज आणि अवैध उत्खननासंदर्भात विविध चर्चा सुरू आहेत. मात्र, या बाबींमध्ये गैरप्रकार झाल्याचे अद्याप चौकशीत सिद्ध झालेले नसल्याने त्याबाबतचा अंतिम निष्कर्ष चौकशी अहवालानंतरच स्पष्ट होणार आहे. तहसील कार्यालयात शासकीय खुर्चीवर बसून आणि कार्यालयीन कामकाजाच्या पार्श्वभूमीवर रोल तयार केल्याचा प्रकार समोर आल्यानंतर या प्रकरणाची राज्य शासनाने दखल घेतली होती. त्यानंतर त्यांच्या प्रशासकीय कामकाजाची विशेष चौकशी करण्याचे आदेश देण्यात आले.
विशेष चौकशी समिती आपला अहवाल विभागीय आयुक्त नयना गुंठे यांच्याकडे सादर करणार असल्याची माहिती आहे, त्यामुळे चौकशीदरम्यान नेमक्या कोणत्या बाबी समोर येतात आणि अहवालात कोणते निष्कर्ष नोंदवले जातात, याकडे वाशिम जिल्ह्यातील प्रशासकीय वर्तुळाचे लक्ष लागले आहे.
अपर जिल्हाधिकारी, सुधीर खांडे म्हणाले की, सध्या चौकशी सुरू आहे, सागणे शक्य नाही चौकशी पूर्ण झाल्यानंतर अहवाल वरिष्ठांकडे सादर केला जाईल, त्यानंतर वरिष्ठांकडून याबाबत माहिती दिली जाईल.
सहाय्यक आयुक्त अमरावती, संतोष कणसे म्हणाले की, आम्ही चोकशी करत आहोत. चौकशीतून नेमके काय समीर येते, हे अहवाल सादर केल्यानंतर स्पष्ट होईल. अहवाल वरिष्टांकडे सोपविला जाईल.
.png "Videos"){kind=small}
