Washim News: वाशिम जिल्ह्यातील दुष्काळाची पाहणी करा; पालकमंत्री भरणे यांचे प्रशासनाला निर्देश

Washim Crop Survey Dattatray Bharne :वाशिम जिल्ह्यात पावसातील खंड आणि कमी पावसामुळे दुष्काळसदृश परिस्थिती निर्माण झाल्याने पालकमंत्री दत्तात्रेय भरणे यांनी शेतकऱ्यांच्या बांधावर जाऊन पिके, पाणी व चाऱ्याची वस्तुस्थिती तपासण्याचे निर्देश दिले.

• पावसाने दगा दिला, पिकांवर संकट
• वाशिममध्ये दुष्काळसदृश परिस्थिती
• पालकमंत्री भरणेंचे मोठे निर्देश

वाशिम: पावसातील खंड आणि कमी पावसामुळे वाशिम जिल्ह्यात दुष्काळसदृश्य परिस्थिती निर्माण झाली. या परिस्थितीची वस्तुस्थिती जाणून घेण्यासाठी प्रत्यक्ष शेतक-यांच्या बांधावर जाऊन पिके, पाणी व चारा उपलब्धतेची पाहणी करून तातडीने वस्तुनिष्ठ अहवाल सादर करण्याचे निर्देश पालकमंत्री दत्तात्रेय भरणे यांनी जिल्हाधिकारी व जिल्हा प्रशासनाला दिले.

पाटण तालुक्याच्या शिरपेचात मानाचा तुरा; डॉ. दादासाहेब सुभेदार मगर यांना पीएच.डी. पदवी प्रदान

पालकमंत्री दत्तात्रेय भरणे यांच्या निर्देशानुसार जिल्ह्यातील सर्व तालुक्यांमध्ये महसूल व कृषी विभागाच्या अधिकाऱ्यांकडून प्रत्यक्ष पाहणी करण्यात येणार आहे, यामध्ये पिकांची सद्यस्थिती, पेरणीची वेळ, शेवटचा झालेला पाऊस, पावसातील खंड, जमिनीतील ओलावा तसेच पिकांना उपलब्ध असलेले पाणी याची माहिती घेण्यात येईल. यासोबतच गावांमधील पिण्याच्या पाण्याची उपलब्धता आणि जनावरांसाठी चारा व पाण्याची स्थिती याचाही आढावा घेण्यात येणार आहे. पाहणीदरम्यान शेतकऱ्यांशी – प्रत्यक्ष संवाद साधून त्यांच्या अडचणी व परिस्थितीची माहिती घेण्याच्या सूचना देण्यात आल्या आहेत.

उपाययोजनांची गरज सर्व तालुक्यांमध्ये प्रत्यक्ष पाहणी दुष्काळसदृश्य परिस्थितीचे वस्तुनिष्ठ मूल्यांकन करण्यासाठी जिल्हाधिकारी, उपजिल्हाधिकारी यांच्यासह तालुक्यातील प्रांताधिकारी, तहसीलदार तसेच महसूल व कृषी विभागाच्या अधिकाऱ्यांनी आपापल्या कार्यक्षेत्रात प्रत्यक्ष पाहणी करून अहवाल सादर करावा, असे निर्देश देण्यात आले आहेत. कमी पाऊस आणि पावसातील
खंडामुळे ज्या भागांतील पिकांवर परिणाम होण्याची शक्यता आहे, अशा गावांवर विशेष लक्ष केंद्रित करण्यात येणार आहे, पाहणीअंती प्राप्त अहवालांच्या आधारे शासनाच्या निकषांनुसार आवश्यक ती कार्यवाही करून शेतकऱ्यांना मदत मिळण्यासाठी तातडीने प्रस्ताव सादर करण्यात येणार आहेत. शेतकऱ्यांच्या अडचणीचा वस्तुनिष्ठ आढावा घेऊन आवश्यक त्या उपाययोजना तातडीने करण्यात याव्यात आणि शेतकऱ्यांना शासनाच्या मदतीचा लाभ मिळवून देण्यासाठी प्रशासनाने तत्परतेने कार्यवाही करावी, असे निर्देश पालकमंत्री भरणे यांनी दिले.

पावसाने दगा दिला, धाराशिवच्या खरीपावर संकट! जिल्हाधिकाऱ्यांच्या अहवालाने शेतकऱ्यांची चिंता वाढली