Washim News: राष्ट्रीय लोकअदालतीत ५९४ प्रकरणे निकाली; १९ कोटीहून अधिक रक्कमेची तडजोड

Washim National Lok Adalat 594 Cases Settled: वाशिम जिल्ह्यातील जिल्हा व सर्व तालुका न्यायालयांमध्ये शनिवारी राष्ट्रीय लोक अदालतीचे यशस्वी आयोजन करण्यात आले.

• राष्ट्रीय लोकअदालतीत ५९४ प्रकरणे निकाली
• १९ कोटीहून अधिक रक्कमेची तडजोड
• अशी आहेत निकाली काढलेले प्रकरणे

वाशिम: राष्ट्रीय विधी सेवा प्राधिकरण, नवी दिल्ली आणि महाराष्ट्र राज्य विधी सेवा प्राधिकरण, मुंबई यांच्या निर्देशानुसार शनिवारी वाशिम जिल्ह्यातील सर्व तालुका तसेच जिल्हा न्यायालयांमध्ये राष्ट्रीय लोक अदालतीचे यशस्वी आयोजन करण्यात आले. या लोक अदालतीत एकाच दिवसात ५९४ प्रकरणांचा निपटारा करण्यात आला. यावेळी एकूण १९ कोटी ७० लाख ५० हजार ७११ रुपयांच्या रकमेची तडजोड झाली. सदर लोक अदालतीचे उद्घाटन उपस्थित पक्षकारांच्या हस्ते करण्यात आले.

Buldhana News: कोवळ्या पिकावर वन्यप्राण्यांचा ताव; पिकाच्या संरक्षणासाठी शेतकऱ्यांची रखवाली, संकटात आणखी भर

याप्रसंगी जिल्ह्याचे पालक न्यायमूर्ती तथा मुंबई उच्च न्यायालयाच्या नागपूर खंडपीठाचे न्यायमूर्ती एन. एस. देशपांडे यांची प्रमुख उपस्थिती होती. लोक अदालतीदरम्यान मोटार अपघात दावा प्रकरण क्र. ४०/२०२२ हा तडजोडीने निकाली काढून न्यायमूर्तीच्या हस्ते संबंधित पक्षकारास ९५ लाख रुपयांचा धनादेश सुपूर्द करण्यात आला. तसेच उच्च न्यायालयाने विहित मुदतीत निकाली काढण्याचे आदेश दिलेले २ दिवाणी दावे तडजोडीने पूर्ण झाल्याने, त्या दाव्यांचा लोक अदालतीचा ‘निवाडा’ न्यायमूर्तीच्या हस्ते पक्षकारांना प्रदान करण्यात आला.

अशी आहेत निकाली काढलेले प्रकरणे

एकूण विचारार्थ प्रकरणेः प्रलंबित ४ हजार ६२० आणि दाखलपूर्व ६ हजार ४८८,

निकाली काढलेली प्रकरणेः ५१९ प्रलंबित आणि ७५ दाखलपूर्व (एकूण ५९४ प्रकरणे)

एकूण तडजोड रक्कमः १९ कोटी ७० लक्ष ५० हजार ७११ (एकूण १९ कोटी सत्तर लाख पन्नास हजार सातशे अकरा रुपये)

ही राष्ट्रीय लोक अदालत यशस्वी करण्यासाठी वाशिम जिल्हा वकील संघ तसेच जिल्हा पोलिस दलाचे मोलाचे सहकार्य लाभले.

Washim News: ‘त्या’ शिक्षकाला दोन दिवसाचा पीसीआर; काटी जिल्हा परिषद शाळेतील मुलींशी दुष्कृत्याचे प्रकरण