Washim News: जिल्ह्यातील सर्व जि. प. शाळांमध्ये सीसीटीव्ही बसवा, भीमसंग्राम संघटने दिला आंदोलनचा जिल्हा प्रशासनाला इशारा

Washim ZP Schools CCTV Surveillance Measures: वाशिम जिल्ह्यातील जिल्हा परिषद शाळांमध्ये अल्पवयीन मुली व विद्यार्थिनींच्या सुरक्षेसाठी सर्व शाळांमध्ये सीसीटीव्ही कॅमेरे बसवावेत, तसेच गरज असलेल्या शाळांमध्ये महिला सुरक्षा रक्षकांची नियुक्ती करावी, अशी मागणी डॉ. माया वाठोरे यांनी केली आहे.

• जिल्ह्यातील सर्व जि. प. शाळांमध्ये सीसीटीव्ही बसवा
• भीमसंग्राम संघटने दिला आंदोलनचा इशारा
• विद्यार्थिनींच्या सुरक्षेसाठी मोठे पाऊल

वाशिम: जिल्ह्यातील जिल्हा परिषद शाळांमध्ये शिक्षण घेणाऱ्या अल्पवयीन मुली व विद्यार्थिनींच्या सुरक्षिततेच्या दृष्टीने सर्व शाळांमध्ये सीसीटीव्ही कॅमेरे बसवावेत तसेच आवश्यक त्या शाळांमध्ये महिला सुरक्षा रक्षकांची नियुक्ती करावी, अशी मागणी भीमसंग्राम सामाजिक संघटनेच्या महाराष्ट्र प्रदेशाध्यक्ष तथा सामाजिक कार्यकर्त्या, तरुणी पुरस्कारप्राप्त डॉ. माया वाठोरे यांनी केली. याबाबत त्यांनी जिल्हाधिकारी, जिल्हा पोलिस अधीक्षक, जिल्हा परिषदेचे मुख्य कार्यकारी अधिकारी तसेच शिक्षणाधिकारी यांना निवेदन सादर केले.

Washim News: मुलींसोबत दुष्कृत्य; शिक्षकाला अटक; काटा जि. प. शाळेतील प्रकार; विद्यार्थिनींच्या तक्रारीने गैरप्रकार उघड

जिल्ह्यात अल्पवयीन मुली व महिलांवरील लैंगिक अत्याचार, छेडछाड आणि गैरप्रकारांना प्रतिबंध करण्यासाठी शाळांमध्ये प्रभावी सुरक्षा व्यवस्था असणे आवश्यक असल्याचे डॉ. वाठोरे यांनी निवेदनात नमूद केले. सर्व जिल्हा परिषद शाळांच्या परिसरात आवश्यक ठिकाणी सीसीटीव्ही कॅमेरे बसवून त्यांचे रेकॉर्डिंग सुरक्षित ठेवावे व नियमित निरीक्षणाची व्यवस्था करावी, अशी मागणी त्यांनी केली. तसेच शाळेत विद्यार्थिनींच्या सुरक्षेसाठी आवश्यक त्या शाळांमध्ये महिला सुरक्षा रक्षकांची नियुक्ती करावी, विद्यार्थिनींमध्ये गुड टच-बॅड टच, स्वसंरक्षण व लैंगिक अत्याचार प्रतिबंधाबाबत जनजागृती करावी आणि तक्रारींच्या तातडीच्या निवारणासाठी प्रभावी यंत्रणा उभारावी, अशी मागणीही निवेदनातून करण्यात आली. विद्यार्थिनी व महिलांच्या सुरक्षेचा प्रश्न गांभीर्याने घेऊन प्रशासनाने तातडीने कार्यवाही करावी.

Buldhana News: ३१ ऑक्टोबरपर्यंत विशेष मोहीम; पीएम किसान लाभासाठी KYC करा, जिल्हा अधीक्षक कृषी अधिकाऱ्यांचे आवाहन