Washim Water Conservation
या करारावर जिल्हा प्रशासनाच्यावतीने जिल्हाधिकारी योगेश कुंभेजकर, डब्ल्यू ओटीआरच्यावतीने संस्थेचे कार्यकारी संचालक प्रकाश केसकर यांनी स्वाक्षऱ्या केल्या. मृद व जलसंधारण विभागाचे कार्यकारी अभियंता हरेंद्र वाघमारे, प्रादेशिक व्यवस्थापक शरद भनगडे, प्रकल्प व्यवस्थापक प्रवीण वरकर व विजय बनसोडे, तसेच एचडीएफसी बँकेचे समूह प्रमुख राजकुमार पोजगे आणि जिल्हा व्यवस्थापक राम शर्मा यांची उपस्थिती होती.
विदर्भ जल संवर्धन उपक्रमाचा उद्देश नैसर्गिक संसाधनांचे पुनरुज्जीवन, शेतीची उत्पादकता वाढविणे आणि शाश्वत उपजीविकेच्या संधी बळकट करून ग्रामीण भागातील नागरिकांचे जीवनमान उंचावणे हा आहे. विदर्भातील ७ जिल्ह्यांमधील ९ तालुक्यांतील ५३५ गावांमध्ये हा कार्यक्रम राबविण्याचे नियोजन आहे. यामध्ये ३५० गावांमध्ये शासनाच्या विविध योजनांच्या अभिसरणातून, तर १८५ गावांमध्ये एचडीएफसी परिवर्तनच्या सामाजिक उत्तरदायित्व निधीच्या माध्यमातून विशेष उपाययोजना करण्यात येणार आहेत.
जलसंधारण, भूजल पुनर्भरण आणि शेतीला प्राधान्य या कार्यक्रमांतर्गत डोंगरमाथ्यापासून ते दरीपर्यंत एकात्मिक पाणलोट क्षेत्र विकासाची कामे करण्यात येणार आहेत. पावसाचे पाणी अडविणे, जमिनीत मुरविणे, भूजल पुनर्भरण वाढविणे, जलसाठा संरचनांचे बळकटीकरण आणि जमिनीची पाणीधारण क्षमता वाढविणे यावर भर राहणार आहे. शेतकऱ्यांना प्रात्यक्षिके, प्रशिक्षण आणि सातत्यपूर्ण मार्गदर्शनाच्या माध्यमातून सुधारित कृषी पद्धतींचा अवलंब करण्यासाठी प्रोत्साहित करण्यात येणार आहे.
.png "Videos"){kind=small}
