Washim News: गणेश मंडळातून ‘श्रीगणेशा आरोग्याचा’; मोफत आरोग्य तपासणी, मुख्यमंत्री वैद्यकीय सहाय्यता निधी कक्षाचा पुढाकार

Washim Shree Ganesha Arogyacha Health Camp: गणेशोत्सवाच्या पार्श्वभूमीवर वाशिममध्ये मुख्यमंत्री सहाय्यता निधी व धर्मादाय रुग्णालय मदत कक्षाच्या पुढाकारातून ‘श्रीगणेशा आरोग्याचा’ हा विशेष उपक्रम राबविण्यात येणार आहे.

• गणेश मंडळातून ‘श्रीगणेशा आरोग्याचा’
• भक्तांसाठी मोफत आरोग्य तपासणी
• मुख्यमंत्री सहाय्यता निधी कक्षाचा पुढाकार

वाशिम: गणेशोत्सवाच्या मंगलमय नागरिकांच्या वातावरणात आरोग्याची काळजी घेण्याच्या दृष्टीने मुख्यमंत्री सहाय्यता निधी व धर्मादाय रुग्णालय मदत कक्षाच्या पुढाकारातून “श्रीगणेशा आरोग्याचा हा विशेष उपक्रम राबविण्यात येणार आहे. या उपक्रमांतर्गत गणेश मंडळांच्या माध्यमातून गणेशभक्त आणि स्थानिक नागरिकांची मोफत आरोग्य तपासणी करण्यात येणार आहे.

या उपक्रमात मुख्यमंत्री सहाय्यता निधी कक्ष, महात्मा फुले जन आरोग्य योजना, शासकीय वैद्यकीय महाविद्यालये, जिल्हा रुग्णालय व जिल्हा आरोग्य यंत्रणा तसेच धर्मदाय रुग्णालयांशी संलग्न तज्ज डॉक्टरांचा सहभाग आहे. गणेश मंडळांच्या मंडपांमध्ये किंवा परिसरात आरोग्य तपासणी शिबिरांचे आयोजन करण्यात येत असून, नागरिकांना विविध शासकीय आरोग्य योजनांची माहिती व मार्गदर्शन देण्यात येणार आहे. गणेश मंडळांशी संपर्क साधून आरोग्य शिबिरांचे आयोजन गणेशोत्सवासारख्या मोठ्या लोकसहभागाच्या उत्सवाच्या माध्यमातून नागरिकांपर्यंत आरोग्य तपासणीची सुविधा पोहोचत असून, अधिकाधिक नागरिकांनी या मोफत आरोग्य तपासणीचा लाभ घ्यावा, असे आवाहन वाशिम मुख्यमंत्री सहाय्यता निधी कक्षाच्यावतीने करण्यात आले.

जागरूकता करणे उपक्रमाचा उद्देश

• नागरिकांच्या आरोग्याबाबत सातत्यपूर्ण जागरूकता आरोग्य तपासणीदरम्यान आजार आढळलेल्या रुग्णांना संबंधित योजनांच्या माध्यमातून पुढील उपचार उपलब्ध करून देण्याची व्यवस्था करण्यात येणार आहे.
• उच्च रक्तदाब, मधुमेह, हृदयरोग, कर्करोग आदी आजारांचे लवकर निदान होऊन वेळेत उपचार मिळण्यास या उपक्रमाची मदत होणार आहे.
• नागरिकांच्या आरोग्याबाबत सातत्यपूर्ण जागरूकता निर्माण करणे, हा या उपक्रमाचा उद्देश आहे.

सांगली बाजार समितीच्या त्रिभाजनाचा फैसला पुन्हा लांबणीवर; कोल्हापूर खंडपीठाकडून १५ दिवसांची मुदतवाढ