मोठी बातमी ! आदित्य ठाकरेंच्या ताफ्यातील गाडीचा अपघात, नेमकं काय घडलं?

नाशिकमध्ये आदित्य ठाकरे यांच्या ताफ्यातील एका गाडीला अपघात झाल्याची धक्कादायक बातमी समोर आली आहे. आदित्य ठाकरे यांच्या गाडीमागे असलेल्या कार्यकर्त्याच्या गाडीला दुचाकीस्वारांनी धडक दिली.

सौजन्य - नवराष्ट्र टीम

Follow Us:

Follow Us:

नाशिक : नाशिकमध्ये आदित्य ठाकरे यांच्या ताफ्यातील एका गाडीला अपघात झाल्याची धक्कादायक बातमी समोर आली आहे. आदित्य ठाकरे यांच्या गाडीमागे असलेल्या कार्यकर्त्याच्या गाडीला दुचाकीस्वारांनी धडक दिली. विधानसभा निवडणुकीच्या पार्श्वभूमीवर शिवसेना उद्धव बाळासाहेब ठाकरे पक्षाचे युवासेना प्रमुख आदित्य ठाकरे बुधवारपासून नाशिक दौऱ्यावर आहेत. यादरम्यान, ही घटना घडली.

आज आदित्य ठाकरेंच्या नाशिक दौऱ्याचा दुसरा दिवस आहे. ते आज येवला आणि नांदगाव मतदारसंघांचा आढावा घेत आहेत. यावेळी आदित्य ठाकरे यांच्या ताफ्यातील गाडीला अपघात झाला. अपघातात दुचाकीस्वार किरकोळ जखमी झाला आहे. मनमाड शहरात जात असताना ही घटना घडली. गाडीची काच फुटल्याने दुचाकी स्वाराला किरकोळ दुखापत झाली.

आदित्य ठाकरेंची एमपीएससीच्या कारभारावर टीका

राज्यसेवा आयोग आणि आयबीपीएसच्या परिक्षा एकाच दिवशी असल्याने त्याची तारीख बदलण्यात यावी तसंच कृषी विभागाच्या जागा राज्यसेवा आयोगात समाविष्ट करण्याच्या मागणीसाठी विद्यार्थ्यांनी आंदोलन केलं. अखेर यावर एमपीएससी आयोगाने निर्णय घेतला. ही परीक्षा पुढे ढकलण्यात आली आहे. या परिक्षेची पुढची तारीख लवकरच कळवण्यात येणार आहे. यावर शिवसेना ठाकरे गटाचे नेते आदित्य ठाकरे यांनी टीका केली. महाराष्ट्रामध्ये रोजगार उपलब्ध होत नाही. नोकऱ्या उपलब्ध होत नाहीत. त्यात स्पर्धा परीक्षांचा हा घोळ आहे. किती वेळा मुलं आंदोलन करणार? बेसिक प्लॅनिंग एमपीएससीने करावं. अन्यथा एमपीएससी आयोगवाल्यांनी राजीनामा द्यावा, असं आदित्य ठाकरे म्हणाले.

Web Title: Car accident in aditya thackerays convoy nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com