फोटो - सोशल मीडिया
चंद्रपूर : महाराष्ट्रात विधानसभा निवडणूक लक्षात राहील, अशी चंद्रपूर जिल्ह्यातील बल्लारपूर मतदारसंघाची निवडणूक झाली. या निवडणुकीत भाजप महायुतीचे उमेदवार सुधीर मुनगंटीवार यांनी या मतदारसंघातून सलग चौथ्यांदा, तर जिल्ह्यातून सलग सातव्यांदा दणदणीत विजय मिळवला. शनिवारी (दि. 23) लागलेल्या निकालाने भल्याभल्या राजकीय पंडीतांचे अंदाज चुकवून टाकले. जवळपास सर्व एक्झिट पोल्सचे अंदाज चुकल्याचे निकालानंतर दिसून आले.
हेदेखील वाचा : Maharashtra Election: ‘…तर ते यश कसं होऊ शकतं?’ SC नं याचिका फेटाळताना ‘मविआ’ला झापलं
राज्यभर महायुतीची त्सुनामी आली. महाविकास आघाडीसह इतर लहान-मोठे पक्ष त्यात अक्षरशः वाहून गेले. यामध्ये बल्लारपूर विधानसभा मतदारसंघाची निवडणूक लक्षवेधी ठरली. येथून सुधीर मुनगंटीवार यांनी एक नवा विक्रम प्रस्थापित केला. सलग सातव्यांदा आमदार होणारे मुनगंटीवार विदर्भातील पहिले नेते ठरले आहेत. हा विक्रम त्यांनी आपल्या नावावर नोंदवला आहे. महाराष्ट्राच्या राजकारणात विक्रमादित्य म्हणून ओळखल्या जाणाऱ्या मुनगंटीवार यांच्या नावे यापूर्वीही अनेक विक्रम आहेत.
पंतप्रधान नरेंद्र मोदींकडून कौतुक
50 कोटी वृक्ष लागवड, चार लिम्का रेकॉर्ड, दोन गिनीज बुक ऑफ वर्ल्ड रेकॉर्ड, लक्षावधी दिव्यांनी ‘सियावर रामचंद्र की जय’ ही अक्षर साकारल्याबद्दल तसेच ग्रीन भारत माता साकारल्याबद्दल गिनीज बुक ऑफ वर्ल्ड रेकॉर्डही त्यांनी मिळवले आहेत. विक्रमी वृक्ष लागवडीसंदर्भात पंतप्रधान नरेंद्र मोदी यांच्याकडून ‘मन की बात’ कार्यक्रमात त्यांचे विशेष कौतुक झाले आहे.
सुधीर मुनगंटीवर यांच्या मंत्रालयाला पुरस्कार
सुधीर मुनगंटीवार यांच्या मंत्रालयाला देशातील पहिला आयएसओ पुरस्कार मिळालेला आहे. अर्थमंत्री म्हणून त्यांनी केलेल्या कामगिरीसाठी ‘बेस्ट फायनान्स मिनिस्टर इन इंडिया’ हा पुरस्कार सुधीर मुनगंटीवार यांना प्रदान करण्यात आलेला आहे. स्व. अरुण जेटली यांच्या हस्ते त्यांना हा पुरस्कार देण्यात आला होता. स्वातंत्र्यानंतर 11 हजार 975 कोटी महसुली आधिक्य असलेला अर्थसंकल्प केवळ मुंनटीवार यांनी दिला होता.
जे शक्य नव्हतं ते मुनगंटीवारांनी करून दाखवलं
देशातील कोणत्याही अर्थमंत्र्याला हे शक्य झालं नव्हतं, ते मुनगंटीवार यांनी करून दाखवलं. त्यांना गोंडवाणा विद्यापीठातर्फे नुकतीच डीलीट पदवीही प्रदान करण्यात आली आहे. सन 1995 पासून सलग सातव्यांदा विधानसभेत निवडून जाणारे मुनगंटीवार हे विदर्भातील पहिले नेते आहेत. विकासाची दृष्टी असलेला हेवीवेट नेता म्हणून अख्खा महाराष्ट्र आज त्यांच्याकडे पाहतो.
