सोमवार, 9 नोव्हेंबर 2026
Maharashtra Factory Closure ( महाराष्ट्रातील कारखाना बंद होणे )
प्रदूषण नियंत्रण मंडळाने सीजी पॉवरला ३ नोव्हेंबर, तर गुडइयर टायर्सला ४ नोव्हेंबर रोजी उत्पादन प्रक्रिया बंद करण्याचे आदेश दिले होते. पाणी व वीजपुरवठा खंडित करण्याचे निर्देशही देण्यात आले होते. जल आणि वायुप्रदूषण प्रतिबंधक कायद्यांतील तरतुदींनुसार ही कारवाई करण्यात आली होती.
सोजी पॉवरच्या उद्योगाला ३० जून २०२७ पर्यंत उत्पादन सुरू ठेवण्याची संमती आहे. जूनमधील तपासणीत बैंक हमी, सांडपाणी प्रक्रिया प्रकल्पाचे संचालन आणि सांडपाण्याच्या गुणवत्तेबाबत त्रुटी नोंदविण्यात आल्या होत्या. मात्र, बँक हमी जमा केली असून, अन्य तांत्रिक त्रुटींबाबत स्पष्टीकरणही दिले होते. सप्टेंबरमध्ये मंडळाच्या संकेतस्थळावर आढळलेल्या
कारणे दाखवा नोटिशीला दिल्यानंतरही त्याचा विचार न करता बंदीचा आदेश काढल्याचा युक्तिवाद कंपनीने केला.
गुडइयर टायर्सला २४ ऑक्टोबर रोजी ३० सप्टेंबर २०२९ पर्यंत उद्योग सुरू ठेवण्याच्या संमतीचे नूतनीकरण देण्यात आले होते. त्यानंतर अवघ्या काही दिवसांतच उद्योग बंद करण्याचे आदेश बजावण्यात आल्याचे कंपनीने न्यायालयात निदर्शनास आणले. दिवाळीच्या काळात दोन्ही उद्योग बंद झाल्यास त्यावर अवलंबून असलेल्या हजारो कुटुंबांच्या उत्पन्नावर परिणाम होईल.
अंतिम सुनावणीत याचिका गुणवत्तेवर टिकेल किंवा नाही हा वेगळा भाग आहे, परंतु ऐन सणासुदीच्या काळात अशा प्रकारे कारखाने अचानक बंद पाडल्यास त्यावर अवलंबून असलेल्या हजारो कामगारांच्या कुटुंबांवर उपासमारीची वेळ येईल. याचा फटका बसू नये म्हणून न्यायालयाने दोन्ही आदेशांच्या अंमलबजावणीला अंतरिम स्थगिती दिली. सीजी पॉवरतर्फे अॅड. सुबोध शाह, गुडइयरतर्फे अॅड. श्रीकांत व्ही. अदवंत, तर शासनातर्फे सहायक सरकारी वकील अॅड. पी. एस. पाटील यांनी बाजू मांडली.
सीजी पॉवरच्या उद्योगाची संमती ३० जून २०२७ पर्यंत, तर गुडइयर टायर्सची संमती ३० सप्टेंबर २०२९ पर्यंत वैध आहे. दोन्ही कंपन्यांच्या उत्पादन बंदी आदेशांना न्यायालयाने अंतरिम स्थगिती दिली असून, प्रकरणाची पुढील सुनावणी १९ नोव्हेंबर रोजी होणार आहे.
