Child Marriage Free India Campaign : महाराष्ट्रातील शाळांमध्ये बालविवाहविरोधी जनजागृती; शिक्षण विभागाचे निर्देश

Child Marriage Free India Campaign : केंद्र सरकारच्या 'बालविवाहमुक्त भारत' अभियानांतर्गत महाराष्ट्रातील शाळांमध्ये बालविवाहविरोधी जनजागृती केली जाणार आहे. विद्यार्थ्यांच्या वयोगटानुसार विविध उपक्रम, प्रतिज्ञा, माहितीपूर्ण चित्रफिती आणि डिजिटल माध्यमांतून अभियानाचा प्रसार केला जाणार आहे.

• अभियानाशी संबंधित माहिती प्रसिद्ध करण्याच्या सूचना  
• शाळांच्या माध्यमातून बालविवाहविरोधी विचारांची रुजवणूक 
• २७ नोव्हेंबरला विशेष उपक्रम राबवण्याच्या सूचना 

Child Marriage Free India Campaign : छत्रपती संभाजीनगरात बालविवाह ही केवळ सामाजिक अनिष्ट प्रथा नसून बालकांचे शिक्षण, आरोग्य, सुरक्षितता आणि उज्ज्वल भविष्य हिरावून घेणारी गंभीर समस्या आहे. ही प्रथा समाजातून समूळ नष्ट करण्यासाठी आता शाळा आणि शैक्षणिक संस्थांच्या माध्यमातून व्यापक जनजागृती केली जाणार आहे. केंद्र सरकारच्या ‘बालविवाहमुक्त भारत’ अभियानांतर्गत राज्यातील शाळांमध्ये विद्यार्थ्यांच्या वयोगटानुसार विविध उपक्रम राबविण्याचे निर्देश शिक्षण विभागाने दिले आहेत. बालविवाह रोखण्याच्या लढ्यात विद्यार्थ्यांना सहभागी करून सामाजिक परिवर्तनाची मुहूर्तमेढ रोवण्याचा या उपक्रमाचा उद्देश आहे. केंद्र सरकारच्या महिला व बालविकास मंत्रालयाने २७ नोव्हेंबर २०२४ रोजी ‘बालविवाहमुक्त भारत’ (बीव्हीएमबी) अभियान सुरू केले.

 

बालविवाहासारख्या हानिकारक प्रथेविरोधात समाजात जागरूकता निर्माण करणे, नागरिकांचा सक्रिय सहभाग वाढविणे आणि विविध यंत्रणांमध्ये समन्वय साधून प्रभावी उपाययोजना करणे, ही या अभियानाची प्रमुख उद्दिष्टे आहेत. या अभियानाला अधिक गती देण्यासाठी २१ डिसेंबरपर्यंत हे १०० दिवसांचे विशेष जनजागृती अभियान राबविण्यात येत आहे.

अभियानाशी संबंधित माहिती प्रसिद्ध करण्याच्या सूचना

या पार्श्वभूमीवर राज्यातील प्राथमिक आणि माध्यमिक शिक्षण संचालनालयाने शैक्षणिक संस्थांसाठी विशेष सूचना जारी केल्या आहेत. अभियानाचा प्रसार केवळ शाळेतील कार्यक्रमांपुरता मर्यादित न ठेवता डिजिटल माध्यमांचाही वापर केला जाणार आहे. शाळांच्या अधिकृत संकेतस्थळांवर जनजागृतीपर साहित्य, माहितीपूर्ण चित्रफिती, प्रतिज्ञा आणि अभियानाशी संबंधित माहिती प्रसिद्ध करण्याच्या सूचना देण्यात आल्या आहेत.

शाळांच्या माध्यमातून बालविवाहविरोधी विचारांची रुजवणूक

प्राथमिक शिक्षण संचालक शरद गोसावी तसेच माध्यमिक व उच्च माध्यमिक शिक्षण संचालक डॉ. महेश पालकर यांनी राज्यातील विभागीय शिक्षण उपसंचालक, शिक्षणाधिकारी, शिक्षण निरीक्षक आणि महानगरपालिका प्रशासनाला या उपक्रमाची प्रभावी अंमलबजावणी करण्याचे निर्देश दिले आहेत. शाळांच्या माध्यमातून बालविवाहविरोधी विचारांची रुजवणूक करून भविष्यातील पिढी अधिक जागरूक करण्यावर या अभियानाचा भर राहणार आहे.

संगमवाडीतील पाण्याच्या टाकीचे काम दोन महिन्यात पूर्ण करा, अन्यथा…; मनसेचा प्रशासनाला इशारा 

२७ नोव्हेंबरला विशेष उपक्रम राबवण्याच्या सूचना

बालविवाहमुक्त भारत अभियानाच्या अनुषंगाने २७ नोव्हेंबरच्या आसपास राज्यातील सर्व शाळा आणि शैक्षणिक संस्थांनी विशेष जनजागृती कार्यक्रम आयोजित करावेत, असे निर्देश देण्यात आले आहेत. विद्यार्थ्यांच्या वयानुसार बालविवाहाचे दुष्परिणाम, बालकांचे अधिकार, शिक्षणाचे महत्व आणि बालविवाह प्रतिबंधक उपाययोजनांची माहिती दिली जाणार आहे, बालविवाह रोखण्यासाठ केवळ शासकीय यंत्रणेचे प्रयत्न पुरेसे नसू समाजातील प्रत्येक घटकाचा सहभाग आवश्यक आहे. त्यामुळे शिक्षक, क्षेत्रीय अधिकारी आणि नागरिकानी बीव्हीएमबी पोर्टलच्या माध्यमातू बालविवाहविरोधी प्रतिज्ञा घ्यावी, असे आवाहन करण्यात आले आहे.

Dharashiv: “पुण्याहून सणाला घरी आली अन्…” फटाक्यांच्या की शॉर्ट सर्किटच्या ठिणगीने घेतला ६ जणांचा बळी; गावकऱ्यांनी JCB ने…