Sambhajinagar Farmer Relief : दिवाळीपूर्वी २.३९ लाख शेतकऱ्यांच्या बँक खात्यांत ५,००० रुपयांची आगाऊ मदत जमा

Sambhajinagar Farmer Relief : संभाजीनगर जिल्ह्यातील दुष्काळग्रस्त शेतकऱ्यांना दिवाळीपूर्वी दिलासा देण्यासाठी शासनाकडून जाहीर करण्यात आलेली प्रत्येकी ५ हजार रुपयांची अग्रीम मदत २ लाख ३९ हजार ३२० शेतकऱ्यांच्या बँक खात्यात जमा करण्यात आली. ११९ कोटी ६६ लाख रुपयांचा निधी वितरित करण्यात आला. उर्वरित पात्र शेतकऱ्यांनाही लवकर मदत होणार

• मान्यता प्रक्रिया पूर्ण करून मदत  
• सुटीच्या दिवशीही काम 
• रक्कम जमा केल्याचे आकडे असे आहेत  

Sambhajinagar Farmer Relief : छत्रपती संभाजीनगरात दुष्काळी परिस्थितीमुळे शेतपिकांचे नुकसान झालेल्या शेतकऱ्यांच्या बँक खात्यात दिवाळीपूर्वी ५ हजार रुपये अग्रीम मदत जमा करण्याची घोषणा शासनाने करून निधीची तरतूद केली होती. त्याप्रमाणे जिल्हा प्रशासनाने अनुदान प्राप्त होताच सर्व प्रक्रियापूर्ण करुन २ लाख ३९ हजार ३२० शेतकऱ्यांच्या बँक खात्यात अग्रीम मदत प्रत्येकी ५ हजार रुपये जमा केल्याची माहिती जिल्हाधिकारी विनय गौडा जी.सी. यांनी दिली आहे.

राज्य शासनाने संभाजीनगर जिल्ह्यातील सर्व ९ तालुके दुष्काळग्रस्त घोषित केले आहेत. या अनुषंगाने बाधित शेतकऱ्यांना मदतीची प्रतीक्षा आहे. जिल्ह्यातील ५ लाख ९२ हजार २७१ शेतकऱ्यांचा डाटा अपलोड करण्यात आला असून त्यास जिल्हास्तरावरुन मान्यता देण्यात आली आहे. दरम्यान, दिवाळसण तोंडावर असतानाही मदत मिळाली नसल्याची ओरड होत होती. त्यामुळे दिवाळीपूर्वी अग्रीम ५ हजार रुपये खात्यात जमा करण्याची तरतूद शासनाने केली.

त्यानुसार मंगळवारी (३ नोव्हेंबर) जिल्ह्यातील २ लाख ३९ हजार शेतकऱ्यांच्या खात्यात प्रत्येकी हजार रुपये अग्रीम जमा करण्यात आले. दरम्यान, उर्वरित शेतकऱ्यांनाही दोन दिवसांत रक्कम मिळणार. असल्याचे सांगण्यात आले आहे. यात प्राधान्याने अॅग्रीस्टॅक माहितीनुसार पात्र लाभार्थ्यांना मान्यता देण्यात आली. त्यासाठी फार्मर आयडी नुसार डेटा उपलब्ध करुन देण्यात आला. त्यानुसार तपासणी व मान्यता प्रक्रिया पूर्ण करुन ही अग्रीम मदत देण्यात आली.

मान्यता प्रक्रिया पूर्ण करून मदत

अग्रिम मदत करण्यात फार्मर आयडी असलेल्या शेतकऱ्यांना या मदतीसाठी प्राधान्य देण्यात आले असून अशा शेतकऱ्यांना अग्रिम मदत जमा करण्यासाठी मान्यता देण्यात आली. जिल्हा प्रशासनाने शेतकऱ्यांचा संबंधित यंत्रणांकडून डेटा उपलब्ध केला. त्यानुसार शेतकऱ्यांची तपासणी आणि मान्यता प्रक्रिया पूर्ण करून ही अग्रीम मदतजमा करण्यात आल्याचे जिल्हाधिकारी गौडा म्हणाले.

Sambhajinagar News : जिल्ह्यातील ४ हजार ३३ शाळांचे मूल्यांकन; ८ शाळांना राज्यस्तरीय स्पर्धेची संधी

सुटीच्या दिवशीही काम

आत्तापर्यंत जिल्ह्यात ११९ कोटी ६६ लक्ष रुपये मदत आहे. उर्वरीत शेतकऱ्यांनाही लवकरात लवकर मदत मिळावी यासाठी जिल्हा व तालुका पातळीवरील कार्यालये अहोरात्र, सुटीच्या दिवशीही कामकाज करत आहेत. जिल्ह्यातील शेतकऱ्यांना वेळेत मदत उपलब्ध करुन देण्यासाठी जिल्हा प्रशासन कटीबद्ध आहेत. असे जी. सी. (जिल्हाधिकारी) विनय गौडा यांनी सांगितले.

रक्कम जमा केल्याचे आकडे असे आहेत

तालुका शेतकरी संख्या
छ. संभाजीनगर – १७,०३६
गंगापूर – ३२,८५५
कन्नड- ३८,१९१
खुलताबाद – १०,८०४
पैठण – ३२८०५
फुलंब्री – १५,६५०
सिल्लोड – ३१,८१५
सोयगाव – १४,७२३
वैजापूर- ४५,४४१
एकूण- २,३९,३२०

FDA Raids in Sambhajinagar : छत्रपती संभाजीनगरमध्ये FDA ची धडक कारवाई ! २५ लाखांचे तेल आणि तूप जप्त, परवाना निलंबित