२३ मार्चपासून जलवाहिनी स्वच्छतेचे काम हाती घेण्यात आले. जायकवाडी धरणातील जॅकवेलपासून नक्षत्रवाडी जलशुद्धीकरण केंद्रापर्यंत सुमारे ३८ किमी अंतरावर ही भव्य जलवाहिनी टाकण्यात आली आहे. बुधवारी दुपारी जॅकवेलवरील दोन्ही पंप सुरू करण्यात आले होते; मात्र ३७०० हॉर्सपॉवर क्षमतेतील एक पंप पंपाच्या साहाय्याने सायंकाळपर्यंत अचानक ट्रिप झाला. तरीही उर्वरित एका कौडगावपर्यंत पाणी पोहोचवण्यात यश आले. येथे बसविण्यात आलेल्या स्कोअर व्हॉल्व्हमधून दूषित पाणी बाहेर काढून जलवाहिनी स्वच्छ करण्यात आली. गुरुवारी दुपारपासून कौडगावपासून पुढील भागात पाणी सोडण्याची प्रक्रिया होणार आहे. नियोजनानुसार १४ एप्रिलपूर्वी सुरू नक्षत्रवाडी जलशुद्धीकरण केंद्रापर्यंत पाणी पोहोचवण्याचा प्रशासनाचा प्रयत्न आहे. या टप्प्यानंतर शहराच्या पाणीपुरवठ्यात सुधारणा होण्याची अपेक्षा व्यक्त केली.
न्यायालयाच्या आदेशानुसार स्थापन करण्यात आलेल्या समितीने बुधवारी या योजनेचा आढावा घेता विभागीय आयुक्तांच्या उपस्थितीत झालेल्या बैठकीत जलकुंभ उभारणीस गती देणे, प्रलंबित वसाहतींमध्ये नवीन जलवाहिन्या तातडीने टाकणे आणि नक्षत्रवाडी केंद्रातून शहरात पाणी लवकर पोहोचवण्यावर भर देण्यात आला.
कामकाजात अडथळे येत असल्याची कबुली जीव्हीपीआर कंपनीने बैठकीत दिली. निधी वेळेवर मिळत नसल्यामुळे कामांवर परिणाम होत असल्याचे कंपनीचे म्हणणे आहे. नवीन जलवाहिन्या टाकण्यासाठी रस्ते खोदावे लागत असून, त्यासाठी आवश्यक परवानग्या मिळण्यात अडचणी येत आहेत. रस्त्यांच्या दुरुस्तीसाठीही निधीअभावी विलंब होत असल्याची तक्रार करण्यात आली.
पाणीपुरवठा योजनेच्या अंमलबजावणीत तांत्रिक अडचणी आणि प्रशासकीय अडथळे असले, तरी चाचणी प्रक्रियेत झालेली प्रगती आशादायक मानली जात आहे. १४ एप्रिलचा डेडलाइन गाठण्यात प्रशासन यशस्वी ठरते का, याकडे शहरवासीयांचे लक्ष लागले आहे.
.png "Videos"){kind=small}
