मुख्यमंत्री, उपमुख्यमंत्री गुरुवारी जिल्हा दौऱ्यावर
बुलडाणा : हिंदवी स्वराज्याचे संस्थापक छत्रपती शिवाजी महाराज यांच्या अश्वारूढ पुतळ्यासह शहरातील महामानवांच्या पुतळ्यांचे लोकार्पण आणि मुख्यमंत्री लाडकी बहीण योजनेच्या सन्मानार्थ मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार गुरुवारी (दि. 19) बुलडाणा जिल्ह्याच्या दौऱ्यावर येत आहे. या कार्यक्रमस्थळांची पाहणी केंद्रीय राज्यमंत्री प्रतापराव जाधव यांनी केली.
हेदेखील वाचा : अकाली मृत्यू, मृत अविवाहित व्यक्ती, विवाहित व्यक्ती… कोणाचे श्राद्ध कोणत्या तिथीला करावे? जाणून घ्या नियम
छत्रपती शिवाजी महाराजांचा अश्वारूढ पुतळा बुलडाणा शहरातील संगम चौकात उभारण्यात आला आहे. या शिवस्मारकासह शहरातीत 26 महामानवांच्या पुतळ्यांचे लोकार्पण होणार आहे. तसेच मुख्यमंत्री लाडकी बहीण योजनेतील माता-भगिनींच्या सन्मानार्थ महाराष्ट्र राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, जिल्ह्याचे पालकमंत्री दिलीप वळसे पाटील, केंद्रीय मंत्री आणि राज्य सरकारचे मंत्री या कार्यक्रमाला उपस्थित राहणार आहेत.
या कार्यक्रमाच्या पार्श्वभूमीवर बुलडाणा येथील विश्रामगृहावर शिवसेना भाजप राष्ट्रवादी युतीच्या घटक पक्षाची आढावा बैठक केंद्रीयमंत्री जाधव यांच्या उपस्थितीत सोमवारी (दि. 16) घेण्यात आली. यावेळी आमदार संजय गायकवाड यांनी 19 सप्टेंबरच्या संपूर्ण कार्यक्रमाची रूपरेषा आणि माहिती उपस्थित पदाधिकाऱ्यांना दिली. त्यानंतर केंद्रीयमंत्री यांच्यासोबत महायुतीतील घटक पक्षातील पदाधिकाऱ्यांनी स्थानिक शारदा ज्ञानपीठ येथील मैदानावर होणाऱ्या मुख्यमंत्री माझी लाडकी बहीण योजनेच्या कार्यक्रमस्थळाची पाहणी केली.
यावेळी आमदार संजय गायकवाड, संजय रायमुलकर, माजी आमदार शशिकांत खेडेकर, शिवसेनेचे जिल्हाप्रमुख शांताराम दाणे, प्रा. बळीराम मापारी, भाजपचे जिल्हाध्यक्ष डॉ. गणेश मान्टे, सचिन देशमुख, राष्ट्रवादीचे जिल्हाध्यक्ष अॅड. नाझेर काजी, महिला आघाडीच्या जिल्हाप्रमुख अनुजा सावळे, शिवसेनेच्या महिला आघाडीच्या जिल्हाप्रमुख माया म्हस्के यांच्यासह युतीतील घटक पक्षाचे पदाधिकारी सदस्य मोठ्या संख्येने उपस्थित होते.
हेदेखील वाचा- तुमच्याही तळहाताच्या या ठिकाणी तीळ आहे का? जाणून घ्या त्याचा अर्थ
.png "Videos"){kind=small}
