Satara ZP मध्ये २० कोटींचा निधी ‘नियमबाह्य’ वळवला? सीईओ याशनी नागराजन यांच्यावर गंभीर आरोप

जवळपास २० कोटींचा निधी गेल्या तीन वर्षांमध्ये वळवण्यात आला असून, मुख्य कार्यकारी अधिकारी यांनी वीस कोटींचा जिल्हा परिषदेला चूना लावला आहे.

Medha ZP Politics: सातारा जिल्हा परिषदेत प्रशासक म्हणून कामकाज पाहत असताना मुख्य कार्यकारी अधिकारी याशनी नागराजन यांनी गेल्या दोन वर्षांमध्ये जिल्हा परिषद सेस फंडाचा गैरवापर केला असून,हा फंड अंगणवाडी इमारतींच्या बांधकामासाठी वापरत चुकीच्या पद्धतीने वापरला आहे. जवळपास वीस कोटींचा निधी हा या कालावधीत वापरला गेला असून हा बेकायदेशीर असल्याचा आरोप शिवसेना शिंदे गटाचे उपजिल्हाप्रमुख संदीप पवार यांनी केला आहे. याबाबत जिल्हाधिकारी यांना शिवसेनेच्या वतीने निवेदन सादर करण्यात आले आहे.

Maharashtra Politics: शिंदे गटाच्या ‘डिनर’ला ठाकरे गटाचे खासदार! ‘ऑपरेशन टायगर’ची पुन्हा चर्चा; राजकीय वर्तुळात खळबळ

सातारा जिल्हा परिषदेतील सेस फंड हा चुकीच्या पद्धतीने प्रशासक तथा मुख्य कार्यकारी अधिकारी याशणी नागराजन यांनी खर्च केला असून, अंगणवाडी इमारतीला नियोजन समितीतून प्रस्तावित निधी मंजूर झालेला असताना देखील जिल्हा परिषद सेसफंडातील लाखो रुपये हे अंगणवाडी इमारतींसाठी चुकीच्या पद्धतीने नियमबाह्य वळवण्यात आले आहेत. त्यांच्या या भूमिकेवर शिवसेनेला संशय असून नेमके हे पैसे वळवण्याचा उद्देश मुख्य कार्यकारी अधिकारी यांनी स्पष्ट करावा.

Maharashtra Politics : तो आक्षेपार्ह व्हिडिओ अन् पक्षाची झाली थू-थू; सुनेत्रा पवारांचा थेट झिरवळांना फोन

जवळपास २० कोटींचा निधी गेल्या तीन वर्षांमध्ये वळवण्यात आला असून, मुख्य कार्यकारी अधिकारी यांनी वीस कोटींचा जिल्हा परिषदेला चूना लावला आहे. असा थेट आरोप पवार यांनी केला तर चुकीच्या पद्धतीने केलेल्या खर्चाची स्वतंत्रपणे चौकशी व्हावी व दोषीवर तात्काळ कारवाई व्हावी अशी मागणी निवेदनाद्वारे करण्यात आली आहे.