धाराशिव नगरपालिकेच्या निवडणुकीत रंगत!
मागील कांही दिवसांपासून धाराशिव शहरातील भीमनगर, बौद्धनगर, खिरणीमळा, नेहरू चौक, काळा मारुती चौक, निंबाळकर गल्ली, माऊली चौक, दर्गा रोड, अण्णाभाऊ साठे चौक, आंबेडकर नगर, खाजानगर, गणेश नगर, समर्थ नगर, बार्शीनाका, तांबरी विभाग, बँक कॉलनी, पोस्ट कॉलनी, शाहू नगर आदींसह शहरातील सर्व भागात प्रचारासाठी कॉर्नर सभा आणि पदयात्रांत आघाडी घेतली आहे. यामुळे विरोधी पक्षांनाही प्रचारात आपली यंत्रणा ताकतीने उतरविणे भाग पडले असून त्यांच्याही प्रभागनिहाय पदयात्रा होत असल्याचे चित्र पाहायला मिळत आहे.
दरम्यान भाजपाने वचननामा नावाने आपला २८ कलमी जाहीरनामा प्रसिद्ध केला असून शहरातील रस्ते, गटारी, आरोग्य, शिक्षण, मनोरंजन आणि सुरक्षा व्यवस्था यांसह अन्य विषयांच्या आगामी पांच वर्षात करावयाच्या कामाचे यात वचन देण्यात आले आहे. २४ कोटींचा निधी खर्चून शहरात ठिकठिकाणी चार बगीचे, उद्याने निर्माण करण्यात येणार आहेत. शहरातील मोक्यांच्या ठिकाणी सीसीटीव्ही कॅमेरा बसविण्यात येणार आहेत. ५०० खाटांच्या मंजूर रुग्णालयाची निर्मिती करण्यात येणार आहे. नगरपालिकांच्या शाळांची गुणवत्ता वाढ करण्यासाठी सर्व शाळांना आधुनिक करण्यात येणार आहे. शहरातील रस्ते आणि गटारींचे बांधकाम पूर्ण करण्यात येणार आहे. महिलांसाठी अत्याधुनिक व्यायामशाळेसह पदवीधर विद्यार्थ्यांसाठी अभ्यासिका निर्माण करण्याचे यात वचन देण्यात आले आहे.
दरम्यान राणा पाटील आणि परिवाराचा भाजपासाठी प्रचाराचा झंझावात पाहता अनेक संघटना आणि अपक्ष उमेदवार त्यांना पाठिंबा देत असून वेगवेगळ्या विभागातील अनेक विरोधी पक्षातील लोक भाजपात दाखल होत आहेत. शहरातील पारधीपीडी हा परिसर काँग्रेसचा बालेकिल्ला म्हणून ओळखला जातो. मात्र तिथे मोठ्या प्रमाणात भाजपाला जनसमर्थन मिळत असल्याचे दिसून येत असून काल निघालेल्या रॅलीत महिला, वृद्धांसह मोठ्याप्रमाणात पारधी समाज बांधव मल्हार पाटील यांच्या नेतृत्वात निघालेल्या रॅलीत सहभागी झाले होते.
खासदार ओम राजेंचा प्रहार
यावर खासदार ओमप्रकाश राजेनिंबाळकर यांनी जोरदार टीका केली असून या वचननाम्याचा समाचार घेतला आहे. मागील चाळीस वर्षात आपल्या घराण्याची या जिल्ह्यावर सत्ता असताना कांहीही न करणाऱ्या लोकांनी वचननामा प्रसिद्ध करून दिलेली आश्वासने ही लोकांची फसवणूक असल्याचे त्यांनी म्हटले आहे.
.png "Videos"){kind=small}
