वेतन फरकासाठी ८ हजारांची लाच घेताना शिक्षण विभागातील अधीक्षक रंगेहात जेरबंद (फोटो सौजन्य-Gemini)
तक्रारदाराने लाचलुचपत प्रतिबंधक विभागाकडे दिलेल्या तक्रारीनुसार, २०१६ ते २०२४ या कालावधीतील वरिष्ठ वेतनश्रेणीचा सुमारे १ लाख ८४ हजार ६०० रुपयांचा फरक काढून देण्यासाठी आरोपीने सुरुवातीला १० हजार रुपयांची लाच मागितली होती. तक्रारदाराने लाच देण्यास नकार देत एसीबीकडे तक्रार दाखल केली. तक्रारीची पंचांसमक्ष पडताळणी करण्यात आली असता आरोपीने १० हजार रुपयांवरून तडजोड करून ८ हजार रुपये लाच मागितल्याचे स्पष्ट झाले. त्यानंतर १ एप्रिल रोजी सापळा रचण्यात आला. सापळा कारवाईदरम्यान, सेंट्रल बिल्डिंगमधील (मध्यवर्ती प्रशासकीय इमारत) वेतन व भविष्य निर्वाह निधी कार्यालयात आरोपीने तक्रारदाराकडून ८ हजार रुपयांची लाच स्वीकारताच पथकाने त्याला रंगेहात ताब्यात घेतले.
आरोपीकडून मनगटी घड्याळ, एअरबड्स, अंदाजे २० हजार रुपये किमतीचा मोबाईल तसेच ९३० रुपये रोख रक्कम जप्त करण्यात आली. आरोपीचा मोबाईल पुढील तपासासाठी ताब्यात घेण्यात आला असून त्याच्या घराची झडती घेण्याची प्रक्रिया सुरू आहे. या प्रकरणी आनंदनगर पोलीस ठाण्यात गुन्हा नोंदविण्याची प्रक्रिया सुरू असून पुढील तपास पोलीस निरीक्षक बाळासाहेब नरवटे करत आहेत. ही कारवाई पोलीस निरीक्षक विजय वगरे यांच्या नेतृत्वाखाली पार पडली असून, पोलीस अधीक्षक माधुरी केदार कांगणे व अपर पोलीस अधीक्षक शशिकांत सिंगारे यांच्या मार्गदर्शनाखाली सापळा यशस्वी करण्यात आला.
.png "Videos"){kind=small}
