Marathi News
X
  • देश
  • महाराष्ट्र
  • निवडणूक
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • व्यापार
  • लाइफ स्टाइल
  • व्हायरल
  • नवराष्ट्र विशेष
  • करिअर
  • फोटो
  • व्हिडिओ गॅलरी
  • वेबस्टोरीज़
  • ऑटोमोबाइल
  • विज्ञान तंत्रज्ञान
  • गुरु, 19 नोव्हेंबर 2026 ई-पेपर
  • देश
  • शॉर्ट न्यूज़
  • महाराष्ट्र
  • राजकारण
  • मुंबई
  • पुणे
  • नागपूर
  • लाइफ स्टाइल
  • क्रीडा
  • क्राईम
  • अन्य
    • विदेश
    • नवराष्ट्र विशेष
    • मनोरंजन
    • अन्य
      • व्यापार
      • टेक
      • वेब स्टोरीज
      • व्हायरल
      • करिअर
      • धर्म
      • ऑटोमोबाइल
      • फोटो
      • व्हिडिओ
      • सिनेमा
  • देश
  • शॉर्ट न्यूज़
  • राजकारण
  • महाराष्ट्र
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • लाइफ स्टाइल
  • धर्म
  • व्हायरल
  • व्हिडिओ
  • वेब स्टोरीज़
  • फोटो
In Trends:
  • Maharastra Politics |
  • India Vs New Zealand |
  • Under 19 Asia Cup |
  • bigg boss 20
Follow Us
  • वेब स्टोरीज
  • फोटो
  • ई-पेपर
  • विडियो
  • फटाफट खबरें

Dharashiv News: १५५ कामांची पडताळणी होऊनही संशय कायम! ‘नाम फाउंडेशन’च्या कामांवर योजनेचा निधी खर्च केल्याचा शेतकऱ्यांचा आरोप

Dharashiv News: धाराशिव जिल्ह्यातील भूम, परंडा आणि वाशी तालुक्यांमध्ये योजनेअंतर्गत करण्यात आलेल्या कामांवरून नवा वाद निर्माण झाला आहे. तब्बल १५५ कामांची पडताळणी होऊनही शेतकऱ्यांचा संशय दूर झालेला नाही. ‘नाम फाउंडेशन’च्या माध्यमातून झालेल्या कामांवरच योजनेचा निधी खर्च केल्याचा आरोप शेतकऱ्यांनी केला आहे.

  • By श्वेता झगडे
Updated On: Nov 19, 2026 | 03:33 PM
१५५ कामांची पडताळणी होऊनही संशय कायम! ‘नाम फाउंडेशन’च्या कामांवर योजनेचा निधी खर्च केल्याचा शेतकऱ्यांचा आरोप

१५५ कामांची पडताळणी होऊनही संशय कायम! ‘नाम फाउंडेशन’च्या कामांवर योजनेचा निधी खर्च केल्याचा शेतकऱ्यांचा आरोप

Follow Us
Follow Us:
  • १५५ कामांची पडताळणी झाली, तरी संशय कायम!
  • ‘नाम फाउंडेशन’च्या कामांवरच योजनेचा निधी खर्च केल्याचा शेतकऱ्यांचा आरोप
  • भूम, परंडा, वाशीतील शेतकऱ्यांचा संतप्त सवाल
शीतलकुमार शिंदे , धाराशिव : दुष्काळाने होरपळणाऱ्या शेतकऱ्यांना जलसंधारणाच्या कामांतून दिलासा मिळावा, यासाठी शासनाकडून विविध योजना राबविल्या जात असताना धाराशिव जिल्ह्यातील या योजनांच्या अंमलबजावणीवरच गंभीर प्रश्नचिन्ह निर्माण झाले आहे. ‘गाळमुक्त धरण, गाळयुक्त शिवार’ तसेच ‘नालाबांधणीकरण व सरळीकरण’ योजनेंतर्गत मंजूर झालेल्या १५५ कामांची त्रयस्थ यंत्रणेमार्फत पडताळणी पूर्ण झाल्याचा दावा प्रशासनाकडून केला जात आहे.  (Dharashiv News)

मात्र, याच पडताळणीवर भूम, परंडा आणि वाशी तालुक्यांतील शेतकऱ्यांनी आक्षेप घेतला असून, ‘नाम फाउंडेशन’ने पूर्वी केलेली कामेच पुन्हा नव्या योजनेतील कामे म्हणून दाखविण्यात आल्याचा गंभीर आरोप केला आहे. त्यामुळे १५५ कामांची पडताळणी नेमकी कशी झाली, हा प्रश्न आता ऐरणीवर आला आहे.

Ambulance Accident: रुग्णवाहिकेत एकही रुग्ण नव्हता अन्…चिमुकल्याचा जागीच मृत्यू, आई-वडिलांची प्रकृती चिंताजनक!

शासनाच्या २८ जून २०२६ रोजीच्या निर्णयानुसार सन २०२४-२५ आणि २०२५-२६ या आर्थिक वर्षांत ‘गाळमुक्त धरण, गाळयुक्त शिवार’ तसेच ‘नालाबांधणीकरण व सरळीकरण’ योजनेंतर्गत एकूण १५५ कामांसाठी निधी उपलब्ध करून देण्यात आला. यामध्ये जलसंपदा विभागाच्या ४५, तर मृद व जलसंधारण विभागाच्या ११० कामांचा समावेश आहे. अशासकीय संस्था आणि ग्रामपंचायतींच्या माध्यमातून ही कामे राबविण्यात आल्याचे संबंधित विभागाकडून सांगण्यात आले आहे.

या कामांमध्ये अनियमितता झाल्याच्या तक्रारींच्या पार्श्वभूमीवर जिल्हाधिकारी कीर्ती किरण पुजार यांनी त्रयस्थ अधिकाऱ्यांमार्फत पडताळणी करण्याचे आदेश दिले होते. त्यानुसार सर्व १५५ कामांची तपासणी पूर्ण करण्यात आली असून, कोणत्याही कामात अनियमितता आढळली नसल्याचा दावा मृद व जलसंधारण विभागाने केला आहे. मात्र, विभागाच्या या दाव्यामुळे शेतकऱ्यांचे समाधान झालेले नाही. उलट पडताळणीच्या प्रक्रियेबाबतच संशय व्यक्त केला जात आहे.

जुनी कामे नव्या योजनेत दाखविली का?

‘नाम फाउंडेशन’च्या माध्यमातून यापूर्वी करण्यात आलेली जलसंधारणाची कामे आणि त्याच ठिकाणी नव्याने योजनेअंतर्गत कामे झाल्याचे दाखविण्यात आल्याचा आरोप शेतकऱ्यांनी केला आहे. जर एकाच ठिकाणी पूर्वी काम झालेले असेल, तर त्याच कामाची पुन्हा नव्या योजनेत नोंद कशी झाली? त्यासाठी नव्याने निधी मंजूर झाला का? प्रत्यक्षात नवीन काम झाले की जुन्याच कामाला नव्या योजनेचे नाव देण्यात आले? असे अनेक प्रश्न उपस्थित होत आहेत.

विशेष म्हणजे, पडताळणी करताना केवळ कागदपत्रे, छायाचित्रे आणि विभागीय अहवाल तपासण्यात आले की प्रत्येक कामाची प्रत्यक्ष स्थळपाहणी करण्यात आली, याची स्पष्टता होणे आवश्यक आहे. पूर्वीच्या कामांचे अभिलेख आणि नव्या योजनेतील मंजुरी यांची तुलना न करता पडताळणी झाली असेल, तर त्यातून वस्तुस्थिती समोर येणार कशी? असा सवालही शेतकरी उपस्थित करीत आहेत.

पडताळणी समितीची दिशाभूल झाली का?

जिल्हाधिकाऱ्यांच्या आदेशानुसार त्रयस्थ अधिकाऱ्यांनी तपासणी केली असली, तरी संबंधित कामांची मूळ स्थिती, मंजुरीची तारीख, प्रत्यक्ष कामाचा कालावधी आणि निधीचा विनियोग यांची काटेकोर पडताळणी झाली का, हे महत्त्वाचे आहे. शेतकऱ्यांच्या आरोपांनुसार, ‘नाम फाउंडेशन’ने पूर्वी केलेल्या कामांचेच श्रेय योजनेतील कामांना दिले असेल, तर हा केवळ प्रशासकीय त्रुटीचा विषय न राहता सार्वजनिक निधीच्या वापराबाबत गंभीर प्रश्न निर्माण करणारा प्रकार ठरू शकतो.

त्यामुळे संबंधित कामांचे मंजुरी आदेश, मोजमाप पुस्तिका, देयके, कामापूर्वीची व कामानंतरची छायाचित्रे, जीपीएस नोंदी, निधी वितरणाचे तपशील आणि प्रत्यक्ष स्थळावरील स्थिती यांची स्वतंत्रपणे तपासणी करण्याची मागणी जोर धरत आहे. केवळ कागदोपत्री पडताळणी करून ‘अनियमितता नाही’ असा निष्कर्ष काढला असेल, तर त्याचीही चौकशी व्हावी, अशी शेतकऱ्यांची भूमिका आहे.

तक्रार करा म्हणण्यापेक्षा प्रशासनाने स्वतःहून पुढाकार घ्यावा!

संबंधित कामांबाबत शेतकऱ्यांना काही तक्रारी किंवा अडचणी असल्यास मृद व जलसंधारण विभागाच्या जिल्हा जलसंधारण अधिकारी कार्यालयात लेखी तक्रार करण्याचे आवाहन करण्यात आले आहे. तक्रारींचे निराकरण झाल्यानंतर संबंधित निधीचे वितरण करण्यात येणार असल्याची माहिती विभागाकडून देण्यात आली आहे.

मात्र, १५५ कामांची पडताळणी पूर्ण झाल्याचा दावा करणाऱ्या यंत्रणेकडूनच आता शेतकऱ्यांना तक्रारी करण्याचे आवाहन केले जात असल्याने प्रश्न उपस्थित होत आहेत. शेतकऱ्यांनी संशय व्यक्त केल्यानंतर प्रशासनाने केवळ तक्रारींची वाट न पाहता संबंधित कामांची वस्तुनिष्ठ फेरतपासणी करावी, अशी मागणी होत आहे.

पालकमंत्री प्रताप सरनाईक, आ. तानाजीराव सावंत लक्ष घालणार का?

या संपूर्ण प्रकरणात आता जिल्ह्याचे पालकमंत्री प्रताप सरनाईक आणि आमदार तानाजीराव सावंत यांनी लक्ष घालण्याची मागणी शेतकरी करीत आहेत. जिल्हाधिकाऱ्यांच्या आदेशाने झालेली पडताळणी निष्पक्ष असेल, तर स्वतंत्र उच्चस्तरीय चौकशीतही तीच वस्तुस्थिती समोर येईल. मात्र, जुन्याच कामांना नव्या योजनेतील कामे म्हणून दाखविल्याचा आरोप चौकशीत सिद्ध झाल्यास संबंधित अधिकारी, कर्मचारी आणि जबाबदार घटकांची जबाबदारी निश्चित करून कारवाई करणे आवश्यक आहे.

त्यामुळे पालकमंत्री प्रताप सरनाईक आणि आमदार तानाजीराव सावंत यांच्या पुढाकारातून वरिष्ठ अधिकाऱ्यांची स्वतंत्र उच्चस्तरीय चौकशी समिती नेमली जाणार का? १५५ कामांची पुन्हा प्रत्यक्ष स्थळपाहणी करून फेरपडताळणीचे आदेश दिले जाणार का? आणि सार्वजनिक निधीच्या वापराबाबत शेतकऱ्यांनी उपस्थित केलेल्या प्रश्नांची उत्तरे प्रशासन देणार का? या प्रश्नांची उत्तरे आता अपेक्षित आहेत. भूम, परंडा आणि वाशी तालुक्यांतील शेतकऱ्यांचे लक्ष या निर्णयाकडे लागले आहे.

Dawood Ibrahim: ‘मुसाफिरखाना’ इमारतीवर महापालिकेचा हातोडा; हायकोर्टाच्या आदेशानंतर कारवाई, परिसरात तणाव!

दुष्काळातही योजनांचा लाभ शेतकऱ्यांपर्यंत पोहोचेना!

मराठवाड्यातील शेतकरी दुष्काळाच्या भीषण झळा सोसत असताना त्यांना पाण्याचा कायमस्वरूपी स्रोत उपलब्ध करून देण्यासाठी शासनाने जलसंधारणाच्या विविध योजना सुरू केल्या आहेत. मात्र, संबंधित यंत्रणेतील काही अधिकाऱ्यांच्या कारभारामुळे या योजनांचा अपेक्षित लाभ शेतकऱ्यांपर्यंत पोहोचत नसल्याची भावना आहे. ‘गाळमुक्त धरण, गाळयुक्त शिवार’ आणि ‘नालाबांधणीकरण व सरळीकरण’ योजनांच्या अंमलबजावणीबाबत उपस्थित झालेल्या तक्रारींची पालकमंत्र्यांनी गांभीर्याने दखल घ्यावी. विशेष उच्चस्तरीय समिती नेमून संपूर्ण प्रकरणाची निष्पक्ष चौकशी करावी. कथित गैरव्यवहाराचे मूळ शोधून दोषी आढळणाऱ्यांवर कठोर कारवाई करावी आणि योजनांचा निधी प्रत्यक्ष शेतकऱ्यांच्या हितासाठी वापरला जात आहे की नाही, याची खात्री करावी, अशी मागणी भूम, परंडा आणि वाशी तालुक्यांतील शेतकऱ्यांनी केली आहे.

💡

Frequently Asked Questions

  • Que: धाराशिव जिल्ह्यातील कोणत्या तालुक्यांतील शेतकऱ्यांनी आरोप केले आहेत?

    Ans: भूम, परंडा आणि वाशी या तीन तालुक्यांतील शेतकऱ्यांनी योजनेच्या निधीच्या वापराबाबत आक्षेप घेतला आहे.

  • Que: शेतकऱ्यांचा नेमका आरोप काय आहे?

    Ans: ‘नाम फाउंडेशन’च्या माध्यमातून करण्यात आलेल्या कामांवरच संबंधित योजनेचा निधी खर्च करण्यात आल्याचा आरोप शेतकऱ्यांनी केला आहे.

  • Que: शेतकऱ्यांची प्रमुख मागणी काय आहे?

    Ans: १५५ कामांची पडताळणी होऊनही संशय कायम असल्याने या कामांची फेरपडताळणी करावी आणि प्रकरणाची चौकशी करण्यासाठी उच्चस्तरीय समिती नेमावी, अशी मागणी शेतकऱ्यांनी केली आहे.

Web Title: Farmers allege scheme funds spent on naam foundation works demand high level probe dharashiv sz

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Nov 19, 2026 | 03:33 PM

Topics:  

  • Dharashiv
  • Farmers
  • maharashtra

संबंधित बातम्या

Water Supply: चिपळूणकरांच्या पाण्याचा प्रश्न मार्गी लागणार? कोळकेवाडी ग्रॅव्हिटी योजनेतील अडचणी सोडवण्यासाठी भास्कर जाधव सरसावले
1

Water Supply: चिपळूणकरांच्या पाण्याचा प्रश्न मार्गी लागणार? कोळकेवाडी ग्रॅव्हिटी योजनेतील अडचणी सोडवण्यासाठी भास्कर जाधव सरसावले

Nagpur News: महाराष्ट्रात अद्ययावत ॲम्ब्युलन्स सेवा सुरू होणार; रुग्णवाहिकेतच मिळणार ICU आणि डॉक्टरांची सुविधा
2

Nagpur News: महाराष्ट्रात अद्ययावत ॲम्ब्युलन्स सेवा सुरू होणार; रुग्णवाहिकेतच मिळणार ICU आणि डॉक्टरांची सुविधा

ST Employees: एसटी कर्मचाऱ्यांचे वेतन रखडणार? डिसेंबरचा पगार देण्यासाठी १६५ कोटींची तूट; कर्मचारी काँग्रेसची सरकारकडे मागणी
3

ST Employees: एसटी कर्मचाऱ्यांचे वेतन रखडणार? डिसेंबरचा पगार देण्यासाठी १६५ कोटींची तूट; कर्मचारी काँग्रेसची सरकारकडे मागणी

पिंपरी-चिंचवडकरांची प्रतीक्षा संपणार! मार्चपासून भामा-आसखेडचे 167 एमएलडी पाणी मिळणार
4

पिंपरी-चिंचवडकरांची प्रतीक्षा संपणार! मार्चपासून भामा-आसखेडचे 167 एमएलडी पाणी मिळणार

Popular Sections

  • देश
  • विदेश
  • लाईफस्टाईल
  • मनोरंजन
  • क्रीडा
  • व्यापार
  • वेब स्टोरीज

Maharashtra Cities

  • मुंबई
  • पुणे
  • नागपूर
  • ठाणे
  • नाशिक
  • रत्नागिरी
  • पालघर
  • रायगड

More

  • धर्म
  • ऑटो
  • करिअर
  • व्हायरल
  • फोटो
  • नवराष्ट्र विशेष
  • टेक
  • व्हिडिओ

Follow Us On

Contact Us About Us Privacy Policy
Hindi News Epaper Marathi Epaper Hindi RSS Sitemap Author

© Copyright Navarashtra 2026 All rights reserved.