दोन चिमुकल्यांसह तीन पिढ्या संपल्या! किराणा दुकानाला लागलेल्या आगीत लगतचे घरही जळून खाक
मिळालेल्या माहितीनुसार, सोमवारी पहाटे अडीच वाजण्याच्या सुमारास येडशी येथील ‘करंडे किराणा स्टोअर्स अँड गिफ्ट वेअर’ या दुकानाला अचानक आग लागली. सुरुवातीला दुकानापुरती मर्यादित असलेली आग काही वेळातच मोठ्या प्रमाणात पसरली. दुकानाला लागून असलेल्या घरालाही आगीने वेढल्याने घरातील सदस्यांना बाहेर पडण्याची संधी मिळाली नाही.
घटनेची माहिती मिळताच ग्रामस्थ, पोलीस आणि अग्निशमन दलाच्या पथकाने घटनास्थळी धाव घेतली. आग आटोक्यात आणण्यासाठी शर्थीचे प्रयत्न करण्यात आले. मात्र, या दुर्घटनेत सहा जणांना आपला जीव गमवावा लागला.
या भीषण आगीत उत्तम त्रिंबक करंडे (वय ७५), चंद्रकला उत्तम करंडे (वय ७०), गोविंद उत्तम करंडे (वय ४७), ज्योती गोविंद करंडे (वय ४२), गायत्री गोविंद करंडे (वय १६) आणि सिद्धी गोविंद करंडे (वय १५) यांचा मृत्यू झाला. मृतांमध्ये आजी-आजोबा, त्यांचा मुलगा-सून आणि दोन नाती यांचा समावेश आहे. एकाच कुटुंबातील सहा सदस्यांचा अशा प्रकारे दुर्दैवी अंत झाल्याने करंडे कुटुंबावर दुःखाचा डोंगर कोसळला आहे.
या आगीचे नेमके कारण अद्याप समोर आलेले नाही. शॉर्टसर्किटमुळे आग लागली असावी, असा प्राथमिक संशय व्यक्त केला जात असला तरी त्याला अधिकृत दुजोरा मिळालेला नाही. पोलीस आणि संबंधित प्रशासनाकडून आगीच्या कारणांचा तपास सुरू आहे. या घटनेमुळे येडशी गावासह संपूर्ण धाराशिव परिसरात शोककळा पसरली असून, तीन पिढ्यांचा एकाच दुर्घटनेत झालेला अंत मन हेलावून टाकणारा ठरला आहे.
येडशी येथील या दुर्घटनेमुळे अग्निसुरक्षेचा प्रश्न पुन्हा ऐरणीवर आला आहे. विशेषतः दुकानाला लागूनच घर असल्यास आग प्रतिबंधक उपाययोजना, विद्युत उपकरणांची नियमित तपासणी आणि आपत्कालीन बाहेर पडण्याच्या मार्गांची उपलब्धता किती महत्त्वाची आहे, हे या घटनेने अधोरेखित केले आहे.
Ans: धाराशिव तालुक्यातील येडशी येथे 'करंडे किराणा स्टोअर्स अँड गिफ्ट वेअर' या दुकानाला लागून असलेल्या घरात ही दुर्घटना घडली.
Ans: या भीषण आगीत एकाच कुटुंबातील सहा जणांचा होरपळून मृत्यू झाला. यामध्ये दोन अल्पवयीन मुलींचा समावेश आहे.
Ans: आगीचे नेमके कारण अद्याप स्पष्ट झालेले नाही. शॉर्टसर्किट किंवा अन्य कारणामुळे आग लागली का, याचा तपास सुरू आहे.
.png "Videos"){kind=small}
