राज्याचे उपमुख्यमंत्री एकनाथ शिंदे तातडीने दिल्लीला रवाना
काल मंत्रिमंडळ बैठकीवर सेनेच्या मंत्र्यांचा बहिष्कार
निवडणुकीच्या पार्श्वभूमीवर दोऱ्याला महत्व
Eknath Shinde: राज्याचे उपमुख्यमंत्री एकनाथ शिंदे हे तातडीने दिल्लीला रवाना झाले आहेत. अचानक एकनाथ शिंदे दिल्लीला रवाना झाल्यामुळे राज्याच्या राजकारणात खळबळ उडाली आहे. काल शिवसेनेच्या मंत्र्यांनी मंत्रिमंडळ बैठकीवर बहिष्कार टाकला होता. त्यानंतर आज शिंदे अचानक दिल्लीला गेल्याने राजकीय चर्चाना उधाण आले आहे. राज्यातील महायुती सरकार कोसळणार का अशी चर्चा सुरू झाली आहे.
राज्यात लवकरच स्थानिक स्वराज्य संस्थांच्या निवडणुका होणार आहेत, त्या आधीच महायुती आणि महाविकास आघाडीत संघर्ष पाहायला मिळत आहे. शिवसेनेतून भाजपमध्ये मोठ्या प्रमाणात इनकमिंग सुरू असल्याने पक्षात नाराजी असल्याची चर्चा आहे. शिवसेनेच्या मंत्र्यांनी काल मंत्रिमंडळ बैठकीत देखील बहिष्कार घातला होता. त्यानंतर आता एकनाथ शिंदे तातडीने दिल्लीला रवाना झाले आहेत. त्यामुळे राज्याच्या राजकारणात नक्की काय घडणार याची चर्चा सुरू आहे.
शिवसेनेच्या मंत्र्यांचा मंत्रिमंडळ बैठकीवर बहिष्कार
राज्याचा राजकारणातून एक महत्त्वाची राजकीय घडामोड समोर आली आहे. आज (१८ नोव्हेंबर) रोजी झालेल्या महाराष्ट्र मंत्रिमंडळाच्या बैठकीत शिवसेना शिंदे गटाचे मंत्री अनुपस्थित होते. शिवसेना आणि भाजप नेत्यांमध्ये गेल्या अनेक दिवसांपासून मतभेद असल्याची चर्चा आहे. त्यातच आज शिंदे गटाच्या नेत्यांनी मंत्रिमंडळ बैठकीकडे पाठ फिरवल्याने राजकीय वर्तुळात एकच खळबळ उडाली आहे. शिवसेनेचे मंत्री मंत्रालयात आले पण ते मंत्रिमंडळाच्या बैठकीला उपस्थित राहिले नाहीत. सूत्रांनी दिलेल्या माहितीनुसार, मंत्रिमंडळाचे कामकाज संपल्यानंतर शिवसेनेचे सर्व मंत्री मुख्यमंत्री देवेंद्र फडणवीस यांना भेटण्याचे नियोजन करत होते.
दरम्यान, शिवसेनेच्या मंत्र्यांनी मुख्यमंत्र्यांची भेट घेतली आणि त्यांची नाराजीही व्यक्त केली. मंत्र्यांच्या असंतोषाचे मुख्य कारण डोंबिवलीतील भाजप पक्षप्रवेश हे होते. मंत्र्यांच्या नाराजीला थेट उत्तर देताना मुख्यमंत्री म्हणाले की, उल्हासनगरमध्ये तुम्हीच त्याची सुरुवात केली होती. तुम्ही केले तर योग्य आणि भाजपने केले तर ते चुकीचे. असं चालणार नाही. त्यामुळे आतापासून एकमेकांच्या कार्यकर्त्यांना पक्षप्रवेश दिले जाणार नाही, हा नियम दोन्ही पक्षांना पाळावा लागेल.
Ajit Pawar News: नारळ, फुले, हळद-कुंकू, कापलेले लिंबू! अजित पवारांच्या घरासमोर भानामतीचा प्रकार
बावनकुळे म्हणाले की, मुख्यमंत्र्यांसोबत पायाभूत सुविधा विकास आणि वन विभागाशी संबंधित अशा दोन महत्त्वाच्या बैठकांचे आयोजन करण्यात आले होते. बिबट्या दर्शनासारख्या वनसंबंधित मुद्द्यांवर या बैठकीत चर्चा झाली. शिवसेनेचे अनेक मंत्री या बैठकीत सहभागी झाले होते. भाजपचेही आठ मंत्री निवडणुकीतील कार्यक्रमांमुळे अनुपस्थित होते, असे त्यांनी सांगितले.
राज्य मंत्रिमंडळाच्या बैठकीपूर्वी शिवसेनेची प्री-कॅबिनेट बैठक झाली. त्यानंतर झालेल्या राज्य मंत्रिमंडळाच्या बैठकीत मात्र एकनाथ शिंदे यांना वगळता शिवसेनेचा एकही मंत्री उपस्थित नव्हता. उपस्थितीबाबत विचारले असता शिंदे गटाचे मंत्री गुलाबराव पाटील यांनी सांगितले की, “एकनाथ शिंदे यांनी आम्हाला स्थानिक स्वराज्य संस्थांच्या निवडणुकीसाठी आवश्यक आकडेवारी आणि डेटा गोळा करण्याचे निर्देश दिले आहेत.”
.png "Videos"){kind=small}
