मंगळवार, 27 ऑक्टोबर 2026
Jalgaon News: (फोटो सौजन्य- सोशलमीडिया)
एरंडोल (वा.) देशातील १५ वर्षे व त्यावरील निरक्षर व्यक्तींना साक्षर करण्याच्या उद्देशाने केंद्र शासनातर्फे राबविण्यात येत असलेल्या ‘उल्लास नवभारत साक्षरता कार्यक्रमा’ अंतर्गत एरंडोल तालुक्यात पायाभूत साक्षरता व संख्याज्ञान मूल्यमापन चाचणी रविवारी, २५ ऑक्टोबर रोजी सकाळी १० ते सायंकाळी ५ वाजे दरम्यान मोठ्या उत्साहात पार पडली. या उपक्रमांतर्गत तालुक्यातील ९० परीक्षा केंद्रांवर २ हजार १४६ आजी-आजोबांनी परीक्षा दिली.Jalgaon News:
शिक्षणाला वयाच्या कोणत्याही टप्प्यावर मर्यादा नसतात हे परीक्षार्थीनी सिद्ध करून दाखवले आहे. यात १ हजार ३६४ स्त्रिया व ७८२ पुरुषांनी परीक्षा दिली. तर ३० आजी आजोबा गैरहजर राहिले.
जिल्हाधिकारी रोहन घुगे, जिल्हा परिषदेचे मुख्य कार्यकारी अधिकारी करिश्मा नायर, शिक्षणाधिकारी कल्पना चव्हाण आणि गटशिक्षणाधिकारी आर. डी. महाजन यांच्या मार्गदर्शनाखाली तालुक्यातील सर्व परीक्षा केंद्रांवर चोख नियोजन करण्यात आले होते. या यशस्वी आयोजनासाठी एरंडोल तालुका समन्वयक एल. आर. पाटील आणि सर्व शिक्षकवर्गाने विशेष परिश्रम घेतले.
या परीक्षेसाठी एकूण नोंदणीकृत परीक्षार्थी २ हजार १७६ असून १ हजार ३७४ महिला व ८०२ पुरुष परिक्षार्थीचा समावेश आहेत. सदर परीक्षा एकूण १०० गुणांची असून वाचन-लेखन आणि संख्याज्ञान या दोन घटकांवर प्रत्येकी ५० गुणांचे प्रश्न विचारण्यात आले. उत्तीर्ण होण्यासाठी प्रत्येक घटकात किमान ३३% गुण म्हणजेच १८ गुण मिळवणे आवश्यक आहे. विशेष म्हणजे गैरहजर राहिलेल्या ३० आजी-आजोबांना भविष्यात पुन्हा परीक्षा देण्याची संधी मिळणार का, याबद्दल उत्सुकता आहे.
Shalarth ID Scam : अनेक शिक्षकांच्या नोकऱ्या धोक्यात; पगार रोखण्यासह मान्यता रद्द करण्याच्या हालचाली
