गुजरातपेक्षा महाराष्ट्रच ठरला सरस! फडणवीसांनी जाहीर केला परकीय गुंतवणूकीचा अहवाल

महाराष्ट्रासाठी आनंददायी बातमी समोर आली आहे. उपमुख्यमंत्री देवेंद्र फडणवीस यांनी महाराष्ट्राची परकीय गुंतवणूकीची आकडेवारी समोर आणली आहे. यामध्ये आपले राज्य देशामध्ये अव्वल असून गुजरात पेक्षा आपण पुढे आहे. याची तपशीलवार माहिती देवेंद्र फडणवीस यांनी दिली आहे.

फोटो - टीम नवराष्ट्र

Follow Us:

Follow Us:

मुंबई : मागील अनेक वर्षांपासून महाराष्ट्र आणि गुजरात राज्यामध्ये गुंतवणुकीची लढाई सुरु आहे. अनेक उद्योगधंदे गुजरात गेल्यामुळे गुजरात मोठा भाऊ ठरत असल्याचे महाराष्ट्राला वाटत होते. विरोधकांनी देखील यावरुन सत्ताधाऱ्यांना अनेकदा घेरले आहे. अर्थिक राजधानी असलेल्या मुंबईमध्ये आणि सर्वात जास्त टॅक्स भरणाऱ्या महाराष्ट्रावर बेरोजगारीची पाळी येईल असे वर्तवले जात होते. आता मात्र महाराष्ट्रच गुजरातपेक्षा सरस असल्याचे समोर आले आहे. परकीय गुंतवणूकीचा अहवाल जाहीर करण्यात आला आहे. उपमुख्यमंत्री देवेंद्र फडणवीस यांनी एक्स (ट्वीटर) या मायक्रोब्लॉगिंग प्लॅटफॉर्मवर शेअर केली आहे.

सोशल मीडियावर उपमुख्यमंत्री देवेंद्र फडणवीस यांनी महाराष्ट्रासाठी अत्यंत आनंददायी माहिती शेअर केली आहे. महाराष्ट्र गुंतवणूकीमध्ये अव्वल असल्याचे त्यांनी जाहीर केले आहे. यासाठी थेट अहवाल आणि आकडेवारी देवेंद्र फडणवीस यांनी शेअर केली आहे. आणि राज्यातील जनतेचे कौतुक केले आहे. 2024-2025 या आर्थिक वर्षातील परकीय गुंतवणुकीचा एक अहवाल प्रसिद्ध करण्यात आला असून यामध्ये देशातील एकूण गुंतवणुकीच्या 52.46 टक्के परकीय गुंतवणूक एकट्या महाराष्ट्रात झाल्याची मोठी बातमी देवेंद्र फडणवीस यांनी दिली आहे.

देवेंद्र फडणवीस यांचे ट्वीट काय?

अभिनंदन महाराष्ट्र ! अतिशय आनंदाची बातमी !! देशातील एकूण गुंतवणुकीच्या 52.46 टक्के. परकीय गुंतवणूक एकट्या महाराष्ट्रात !!! गेले दोन वर्ष सातत्याने परकीय गुंतवणूक आकर्षित करण्यात क्रमांक 1 वर असलेल्या आपल्या महाराष्ट्रात 2024-2025 या आर्थिक वर्षाच्या पहिल्या तिमाहीत सुद्धा सर्वाधिक गुंतवणूक आली आहे. एप्रिल ते जून 2024 या पहिल्या तिमाहीत एकूण 70,795 कोटी रुपयांची गुंतवणूक आली आहे.

दुसर्‍या क्रमांकावरील कर्नाटक (19,059 कोटी),

तिसर्‍या क्रमांकावरील दिल्ली (10,788 कोटी),

चौथ्या क्रमांकावरील तेलंगणा (9023 कोटी),

पाचव्या क्रमांकावरील गुजरात (8508 कोटी),

सहाव्या क्रमांकावरील तामिळनाडू (8325 कोटी),

सातव्या क्रमांकावरील हरयाणा (5818 कोटी),

आठव्या क्रमांकावरील उत्तरप्रदेश (370 कोटी),

नवव्या क्रमांकावरील राजस्थान (311 कोटी)

या सर्वांच्या बेरजेपेक्षाही अधिक गुंतवणूक एकट्या महाराष्ट्रात आली आहे. थोडक्यात सांगायचे तर या तिमाहीत देशात आलेली एकूण गुंतवणूक ही 1,34,959 कोटी रुपये इतकी असून, त्यापैकी 70,795 कोटी अर्थात 52.46 टक्के एकट्या महाराष्ट्रात आली आहे.

अभिनंदन महाराष्ट्र !
अतिशय आनंदाची बातमी !!
देशातील एकूण गुंतवणुकीच्या 52.46 टक्के
परकीय गुंतवणूक एकट्या महाराष्ट्रात !!! गेले दोन वर्ष सातत्याने परकीय गुंतवणूक आकर्षित करण्यात क्रमांक 1 वर असलेल्या आपल्या महाराष्ट्रात 2024-2025 या आर्थिक वर्षाच्या पहिल्या तिमाहीत सुद्धा… pic.twitter.com/8XT2n7e0w2 — Devendra Fadnavis (@Dev_Fadnavis) September 6, 2024

यापूर्वी

2022-23 : 1,18,422 कोटी (कर्नाटक, दिल्ली, गुजरात यांच्या एकत्रित बेरजेपेक्षा अधिक)

2023-24 : 1,25,101 कोटी (गुजरातपेक्षा दुपटीहून अधिक आणि गुजरात+कर्नाटक यांच्या बेरजेहून अधिक)

राज्यात 2014 ते 2019 या काळात सत्तेत असताना एकूण : 3,62,161 कोटी रुपये परकीय गुंतवणूक महाराष्ट्रात आली होती. अडीच वर्षांत आम्ही 5 वर्षांचे काम करुन दाखवू, हे पहिल्याच दिवशी ठणकावून सांगितले होते. आता सव्वा दोन वर्षांत 3,14,318 कोटी रुपयांची गुंतवणूक आम्ही आणून दाखविली. दुसऱ्या तिमाहीची आकडेवारी अजून बाकी आहे…

Web Title: Fadnavis announced foreign investment report maharashtra is way ahead of gujarat in foreign investment

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com