Jalgaon News: ‘तरुणांच्या जीवाशी खेळ नको!’ फैजपूरमधील दारूचे दुकान बंद करण्याची मागणी

Jalgaon News: फैजपूर शहरातील आठवडे बाजारपेठ, रामदेवबाबा नगर आणि मुक्तीधाम परिसरालगत असलेले देशी दारूचे दुकान कायमस्वरूपी बंद करावे किंवा अन्यत्र स्थलांतरित करावे, अशी मागणी स्थानिक नागरिकांनी केली आहे.

फैजपूर (वा) शहरातील आठवडे बाजारपेठ, रामदेवबाबा नगर तसेच मुक्तीधाम परिसराजवळील देशी दारूचे दुकान कायमस्वरूपी बंद करण्यात यावे किंवा अन्यत्र स्थलांतरित करावे, अशी मागणी स्थानिक नागरिकांकडून करण्यात येत आहे. या मागणीची दखल घेत दारूबंदी विभागाच्या अधिकाऱ्यांनी संबंधित दुकानाची प्रत्यक्ष पाहणी केली.

कारवाई करण्याची मागणी

त्यावेळी नागरिकांनी कारवाई करण्याची मागणी केली. फैजपूर शहरातील संबंधित देशी दारूचे दुकान दाट लोकवस्तीच्या परिसरात असल्याने स्थानिक नागरिकांकडून त्याच्या ठिकाणाबाबत चिंता व्यक्त केली जात आहे. परिसरात लहान मुले, तरुणा आणि विद्यार्थी यांची मोठ्या प्रमाणावर वर्दळ असते. Jalgaon News:

तरुण पिढीवर विपरीत परिणाम

अशा ठिकाणी दारूचे दुकान असल्यामुळे तरुण पिढीवर विपरीत परिणाम होण्याची शक्यता नागरिकांनी व्यक्त केली आहे. या परिसरात दर बुधवारी आठवडे बाजार भरतो. तसेच परिसरातच श्री रामदेवबाबा मंदिर असल्याने भाविकांची मोठी गर्दी असते बाजारात जाण्यासाठी विरोदा पिंपरूड या गावाचा रस्ता असल्याने बाजारात जाण्यासाठी ग्राहकांची मोठी गर्दी असते.

विविध अडचणींचा सामना

या परिसरात देशी दारूचे दुकान असल्याने गर्दुल्यांची संख्या ही जास्त असते. किरकोळ कारणावरून भांडणे झाल्याच्या घटना घडल्या आहेत. विशेषता महिलांना याचा मोठा त्रास सहन करावा लागतो. त्यामुळे या परिसरातील नागरिकांना विविध अडचणींचा सामना करावा लागतो. विशेषतः महिलांना ये-जा करताना सुरक्षित वातावरण मिळावे, अशी अपेक्षा नागरिकांकडून व्यक्त केली जात आहे.

निवेदनाद्वारे प्रशासनाचे लक्ष वेधले

संबंधित देशी दारूचे दुकान कायमस्वरूपी बंद करावे किंवा अन्यत्र स्थलांतरित करावे, या मागणीसाठी स्थानिक नागरिकानी निवेदनाद्वारे प्रशासनाचे लक्ष वैधले आहे. या निवेदनाच्या प्रती राज्य उत्पादन शुल्क विभागाचे जिल्हा अधीक्षक, जळगाव जिल्हा पोलीस अधीक्षक तसेच संबंधित उपविभागीय अधिकाऱ्यांना पाठविण्यात आल्या आहेत.

Jalgaon News: यावलकरांसाठी मोठी बातमी! ५६ कोटींची पाणीपुरवठा योजना …

दुकानाची प्रत्यक्ष पाहणी

दरम्यान, दारूबंदी विभागाच्या अधिकाऱ्यांनी दुकानाची प्रत्यक्ष पाहणी करून नागरिकांशी संवाद साधल्यामुळे या प्रकरणातील पुढील कार्यवाहीकडे नागरिकांचे लक्ष लागले आहे. प्रशासनाने नागरिकांच्या तक्रारीची दखल घेऊन योग्य निर्णय घ्यावा आणि परिसरातील रहिवाशांना सुरक्षित वातावरण उपलब्ध करून द्यावे, अशी अपेक्षा व्यक्त होत आहे.

Jalgaon News: ‘शेतकरी आत्महत्या झाल्यास बँका जबाबदार!’ दुष्काळ पाहणीनंतर बावनकुळेंचा मोठा इशारा

कर्जामुळे शेतकऱ्यांनी आत्महत्या केल्यास बँकांना जबाबदार धरण्यात येणार असल्याची माहिती दुष्काळ निवारण उपसमिती अध्यक्ष तथा महसूलमंत्री चंद्रशेखर बावनकुळे यांनी दिली. ते जिल्ह्यात दुष्काळी परिस्थितीची पाहणी करण्यासाठी रविवारी, आले होते. चारा टंचाई, पावसाळ्यात वाहून जाणारे पाणी अडविण्याबाबत उपाययोजना आगामी काळात करण्यात येणार असल्याचे त्यांनी स्पष्ट केले. जिल्ह्यात चार महिने पुरेल एवढाच जनावरांसाठीचा चारा शिल्लक असून, त्यासाठी राबविण्यात येणाऱ्या उपाययोजनांबाबत त्यांनी माहिती दिली.

Jalgaon News: ‘शेतकरी आत्महत्या झाल्यास बँका जबाबदार!’ दुष्काळ …