विजेच्या तारांचा शॉक लागून शेतकरी महिलेचा मृत्यू; पती वाचवायला गेला अन्…

पार्वती या आपल्या पती यशवंत महांगरे यांच्यासोबत शेतातून घरी परतत होत्या. ते रमेश जाधव यांच्या विहिरीजवळून जात असताना पार्वती यांचा पाय विजेच्या तुटलेल्या तारेवर पडला. त्यांना विजेचा धक्का बसल्याने त्या जागीच बेशुद्ध पडल्या. हे पाहून यशवंत यांनी त्यांना वाचवण्याचा प्रयत्न केला असता त्यांनाही विजेचा धक्का बसून ते बाजूला फेकले गेले.

File Photo : Electric Shock

Follow Us:

Follow Us:

शिरवळ : गुठाळवाडी येथे एका शेतकरी महिलेचा विजेच्या तुटलेल्या तारांचा शॉक लागून मृत्यू झाला. पार्वती यशवंत महांगरे (वय 60) असे मृत्यू झालेल्या महिलेचे नाव आहे. ही घटना शनिवारी (दि.13) रात्री घडली. यामध्ये पार्वती यांचे पती यशवंत यांनी त्यांना वाचवण्याचा प्रयत्न केला असता त्यांनाही विजेचा धक्का बसून ते बाजूला फेकले गेले.

शिरवळ येथे शनिवारी सायंकाळी पार्वती या आपल्या पती यशवंत महांगरे यांच्यासोबत शेतातून घरी परतत होत्या. ते रमेश जाधव यांच्या विहिरीजवळून जात असताना पार्वती यांचा पाय विजेच्या तुटलेल्या तारेवर पडला. त्यांना विजेचा धक्का बसल्याने त्या जागीच बेशुद्ध पडल्या. हे पाहून यशवंत यांनी त्यांना वाचवण्याचा प्रयत्न केला असता त्यांनाही विजेचा धक्का बसून ते बाजूला फेकले गेले. जवळपासच्या लोकांनी ओरडण्याचा आवाज ऐकून घटनास्थळी धाव घेतली आणि झाडांच्या फांद्यांच्या मदतीने विजेचे तार बाजूला केले.

त्यानंतर पार्वती यांना शिरवळ येथील खाजगी रुग्णालयात दाखल करण्यात आले. मात्र, डॉक्टरांनी तपासून त्यांना मृत घोषित केले. मृतदेह शिरवळ येथील प्राथमिक आरोग्य केंद्रात शवविच्छेदन करून नातेवाईकांच्या ताब्यात देण्यात आला आहे. घटनेची नोंद शिरवळ पोलीस स्टेशनमध्ये करण्यात आली आहे आणि अधिक तपास पोलीस अंमलदार संजय संकपाळ आणि सुरेश मोरे यांच्याकडून सुरू आहे.

विजेच्या धक्क्याच्या वाढताहेत घटना 

या घटनेतून विजेच्या तुटलेल्या तारांमुळे होणाऱ्या धोक्याची पुन्हा एकदा जाणीव झाली आहे. विजेचे तार योग्यरित्या दुरुस्त नसल्यास आणि वेळीच देखभाल न केल्यास अशा घटना घडू शकतात. या घटनेनंतर ग्रामस्थांनी विजेच्या तुटलेल्या तारांची दुरुस्ती आणि देखभाल लवकरात लवकर करण्याची मागणी केली आहे.

Web Title: Farmer woman dies due to electric shock incident in shirwal nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com