Satara News: साताऱ्यात महिलाशक्तीचा जागर! शिवेंद्रसिंहराजे भोसले यांच्या वतीने भव्य आरोग्य शिबीर आणि ‘होम मिनिस्टर’ सोहळा उत्साहात

विविध क्षेत्रात काम करणाऱ्या कर्तृत्ववान महिलांचे समाजाच्या जडणघडणीत मोलाचे योगदान असून अशा महिलांचे कार्य समाजासाठी दिशादर्शक आहे, असे राज्याचे सार्वजनिक बांधकाम मंत्री श्रीमंत छ. शिवेंद्रसिंहराजे भोसले यांनी केले.

 

• साताऱ्यात महिलाशक्तीचा जागर!
• शिवेंद्रसिंहराजे भोसले यांच्या वतीने भव्य आरोग्य शिबीर आणि ‘होम मिनिस्टर’ सोहळा उत्साहात

सातारा दि ६ (प्रतिनिधी): आज प्रत्येक क्षेत्रामध्ये महिला पुरुषांच्या खांद्याला खांदा लावून काम करत आहेत. चूल- मूल, संसार याबरोबरच स्त्री नोकरी, व्यवसाय करून आपल्या कुटुंबाला हातभार लावत आहे. ही अभिमानाची बाब असून प्रत्येक महिलेने सक्षम झाले पाहिजे. विविध क्षेत्रात काम करणाऱ्या कर्तृत्ववान महिलांचे समाजाच्या जडणघडणीत मोलाचे योगदान असून अशा महिलांचे कार्य समाजासाठी दिशादर्शक आहे, असे प्रतिपादन राज्याचे सार्वजनिक बांधकाम मंत्री श्रीमंत छ. शिवेंद्रसिंहराजे भोसले यांनी केले.

शेंद्रे ता. सातारा येथील स्व. अभयसिंहराजे भोसले सांस्कृतिक भवन येथे ना. शिवेंद्रसिंहराजे भोसले यांच्या वतीने सातारा तालुक्यातील महिलांसाठी मोफत आरोग्य तपासणी शिबीर, होम मिनिस्टर हा मनोरंजनात्मक कार्यक्रम आणि विविध क्षेत्रात उल्लेखनीय काम करणाऱ्या महिलांचा सन्मान सोहळा असा संयुक्त कार्यक्रम उत्साहात झाला. हजारो महिलांच्या उपस्थितीत झालेल्या या सोहळ्यात कर्तृत्ववान महिलांचा सन्मान करून त्यांना शुभेच्छा देताना ना. शिवेंद्रसिंहराजे बोलत होते. यावेळी आ. मनोज घोरपडे, सातारा जिल्हा परिषदेचे उपाध्यक्ष राजू भोसले, सदस्य अजित साळुंखे, सर्जेराव सावंत, पूजा मोरे, सातारा पंचायत समितीचे सभापती महेश गाडे, उप सभापती सुषमा जाधव, सदस्य कोमल दळवी, प्रमिला सुतार, विजया साळुंखे, मानसिंग मोरे, प्रभाकर पवार, सातारा तालुका कृषी उत्पन्न बाजार समितीचे सभापती विक्रम पवार, अजिंक्यतारा सहकारी साखर कारखान्याचे व्हा. चेअरमन नामदेव सावंत, डॉ. दीपक थोरात, सातारा मेडिकल कॉलेजचे डीन डॉ. विनायक काळे आदी मान्यवरांची प्रमुख उपस्थिती होती.

Satara News : खेळाडूंसाठी क्रीडांगण देता का क्रीडांगण…! चार मंत्री असेलल्या जिल्ह्यात क्रीडा क्षेत्राची शोकांतिका

महिलांसाठी आयोजित मोफत आरोग्य तपासणी शिबिरात स्तनाचा कर्करोग, गर्भाशय मुखाचा कर्करोग, दंतरोग, त्वचारोग, नेत्र तपासणी, असंसर्गजन्य रोग तपासणी यासह विविध आजाराच्या तपासण्या करण्यात आल्या. याशिबिराचा लाभ सुमारे १५०० महिलांनी घेतला. याप्रसंगी अनेक महिलांनी रक्तदान केले. शिबिरात डॉ. स्नेहांजली महामुनी, डॉ. आशा बर्गे, डॉ. दीप्ती पवार, डॉ. अश्विनी सोनवलकर, डॉ. वैशाली चव्हाण, डॉ. रसिका गोखले, डॉ. राजश्री ठोके, डॉ. अपर्णा जगताप आदी तज्ञांनी विविध आजार, उपचार याबाबत महिलांना सविस्तर मार्गदर्शन केले.

आरोग्य शिबीर व महिला सन्मान सोहळ्याला हजारो महिला उपस्थित होत्या. या महिलांच्या मनोरंजनासाठी अभिनेते ओम यादव यांचा ‘होम मिनिस्टर’ हा कार्यक्रम घेण्यात आला. या कार्यक्रमाने उपस्थित महिलांची मने जिंकली. या कार्यक्रमतील विजेत्या तसेच विविध क्षेत्रात उल्लेखनीय कार्य करणाऱ्या माता- भगिनींचा ना. शिवेंद्रसिंहराजे व उपस्थित मान्यवरांच्या हस्ते सन्मान करण्यात आला.

Satara ZP Election : साताऱ्यात राजकारण तापलं; सभापती निवडणूकीवरुन महायुतीत वाद