Harshvardhan Sapkal : काँग्रेसचे ४१ नगराध्यक्ष, १००६ नगरसेवक, काँग्रेस विचारधारेपासून तसूभरही दूर गेलेला नाही

कॉग्रेस पुरस्कृत स्थानिक आघाड्यांचे नगराध्यक्ष व १५४ नगरसेवक निवडून आले आहेत. काँग्रेस संपली म्हणणाऱ्याऱ्यांना या निकालाने चोख उत्तर दिले आहे. काँग्रेसची विचारधारा हीच देशाला तारणारी आहे,

• विपरित परिस्थितीत काँग्रेस पक्षाने विचारधारेच्या ताकदीवर लढा दिला
• निवडणुकीत विजय पराजय होत असतात
• जनतेच्या मनात आजही काँग्रेस आहे

Congress News : राज्यातील २८८ नगरपालिका व नगरपंचायत निवडणुकीत अत्यंत विपरित परिस्थितीत काँग्रेस पक्षाने विचारधारेच्या ताकदीवर लढा दिला. कोणतीही आर्थिक रसद नसताना, केवळ लोकशाही मूल्यांवर ठाम विश्वास ठेवून सत्ताधाऱ्यांच्या धनशक्तीविरोधात संघर्ष केला. काँग्रेस कार्यकत्यांनी घेतलेल्या मेहनतीच्या बळावर या निवडणुकांत काँग्रेसचे ४१ नगराध्यक्ष आणि १,००६ नगरसेवक राज्यातील मतदारांनी निवडून दिले. या निकालावरून पैशपिक्षा विश्वास मोठा असतो आणि सत्तेपेक्षा विचार महत्त्वाचा असतो, हे पुन्हा दिसून आले असे महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी म्हटले आहे.

काँग्रेस प्रदेशाध्यक्ष हर्षवर्धन सपकाळ पुढे म्हणाले की, निवडणुकीत विजय पराजय होत असतात, काँग्रेस पक्षाने अनेक उन्हाळे पावसाळे पाहिले आहेत. पराभवाने खचून न जाता मोठ्या उत्साहाने लढण्याची ताकद, ऊर्जा व दृढ निश्चिय काँग्रेस कार्यकर्त्यांमध्ये आहे. कार्यकत्यांचा हा विश्वासच पक्ष संघटनेसाठी महत्वाचा असतो, असे ते म्हणाले.

Maharashtra Politics: “नकली सब घर पे, असली…”; एकनाथ शिंदेंची उद्धव ठाकरेंवर सडकून टीका

“भाजपा व एकनाथ शिंदे यांच्या पक्षाने पैशाचा प्रचंड वापर करून, प्रशासन व निवडणूक आयोगाच्या मदतीने विजय मिळवला असला तरी जनतेच्या मनात आजही काँग्रेस आहे व पुढेही ती कायम राहिल. ही विचाराची लढाई आहे आणि काँग्रेस विचारधारेपासून तसूभरही दूर गेलेला नाही. या संघर्षात साथ देणाऱ्या प्रत्येक उमेदवाराचे, प्रत्येक कार्यकत्यांचे मनापासून अभिनंदन आणि काँग्रेस पक्षावर विश्वास दाखवणाऱ्या महाराष्ट्राच्या जनतेचे मी मनःपूर्वक आभार मानतो.”
हर्षवर्धन सपकाळ, प्रदेशाध्यक्ष, काँग्रेस

Maharashtra Politics : “नगर परिषदांप्रमाणेच महापालिकांमध्येही महायुतीची त्सुनामी धडकणार,

काँग्रेस संपली म्हणणाऱ्यांना चोख उत्तर : हर्षवर्धन सपकाळ

कॉग्रेस पुरस्कृत स्थानिक आघाड्यांचे नगराध्यक्ष व १५४ नगरसेवक निवडून आले आहेत. काँग्रेस संपली म्हणणाऱ्याऱ्यांना या निकालाने चोख उत्तर दिले आहे. काँग्रेसची विचारधारा हीच देशाला तारणारी आहे, जाती धर्माच्या नावावर सामाजिक सलोखा बिघडवून राजकीय पोळी भाजणाऱ्या व पैशाच्या जोरावर सर्व निवडणूका जिंकता येऊ शकतात, असा समज जनतेने खोडून काढला आहे.