कराड-चिपळूण मार्गावरील अवजड वाहतूक ६० दिवसांसाठी वळवली; धांडे पुलाच्या पुनर्बांधणीमुळे वाहतुकीत मोठा बदल

कराड-चिपळूण राष्ट्रीय महामार्गावरील पाटण शहरातील महत्त्वाच्या धांडे पुलाच्या पुनर्बांधणीसह बाजारपेठेतील काँक्रीट रस्त्याचे काम होणाप आहे. यामुळे पर्यायी रस्त्यात बदल करण्यात आली आहे.

• धांडे पुलाची पुनर्बांधणी होणार
• कराड-चिपळूण राष्ट्रीय महामार्गावरील पाटण शहरातील वाहतूकीत बदल
• पर्यायी मार्गांची केली व्यवस्था

Satara News : कराड :  कराड-चिपळूण राष्ट्रीय महामार्गावरील पाटण शहरातील महत्त्वाच्या धांडे पुलाच्या पुनर्बांधणीसह बाजारपेठेतील काँक्रीट रस्त्याचे काम हाती घेण्यात येत आहे. या कामासाठी सुमारे ६० दिवसांचा कालावधी अपेक्षित असून, या दरम्यान वाहतुकीत (Road Traffic) मोठे बदल करण्यात आले आहेत. नागरिक व वाहनचालकांची गैरसोय टाळण्यासाठी पोलिस प्रशासनाने पर्यायी मार्ग निश्चित करत आदेश जारी केले आहेत. (Satara News)

या निर्णयानुसार कराड व उंब्रजकडून चिपळूणकडे जाणारी सर्व अवजड वाहतूक पुणे-बंगळुरू महामार्गावरून पाचवड फाटा, उंडाळे, कोकरुड, मलकापूर, आंबा घाट मार्गे संगमेश्वरवरून चिपळूणकडे वळवण्यात आली आहे. तसेच चिपळूणहून कराड व उंब्रजकडे येणारी अवजड वाहतूकही याच पर्यायी मार्गाने वळविण्यात येणार आहे.

हे देखील वाचा : सुनेत्रा पवारांचा ‘लेटरबॉम्ब’! अजितदादांच्या निधनानंतर राष्ट्रवादीत वर्चस्वाचा नवा संघर्ष

दरम्यान, हलक्या वाहनांसाठी स्वतंत्र मार्ग निश्चित करण्यात आला आहे. कराड व उंब्रजकडून चिपळूणकडे जाणारी हलकी वाहतूक नवारस्ता, गव्हाणवाडी फाटा, नेरळे, गौंड या मार्गाने पुढे जाईल. तसेच चिपळूणहून येणारी हलकी वाहतूकही याच मार्गाचा वापर करून कराडकडे येणार आहे.
वाहतुकीत बदल करण्यात आलेल्या सर्व ठिकाणी पोलिसांचा कडक बंदोबस्त तैनात करण्यात आला असून, नागरिक व वाहनचालकांनी प्रशासनाच्या सूचनांचे पालन करून सहकार्य करावे, असे आवाहन पोलिसांकडून करण्यात आले आहे.

या कामामुळे काही काळ गैरसोय होणार असली तरी, भविष्यातील सुरक्षित आणि सुलभ वाहतुकीच्या दृष्टीने हा निर्णय महत्त्वाचा ठरणार असल्याचे प्रशासनाने स्पष्ट केले आहे.

हे देखील वाचा : महापालिका स्वीकृत नगरसेवक निवडीत मोठा गैरप्रकार? मनसेचा भाजपवर गंभीर आरोप

म्हसवड शहरात राम नवमीचा उत्साह 

सातारा जिल्ह्यातील म्हसवड शहरात शशीकिरण, डॉ. सचिन व अमोल देशमाने ही तीन भावंडे शहरातील सिध्दनाथ मंदिरासमोर एकत्रित रहावयास असुन त्यांच्या निवासस्थानी इ.स.सन १४ व्या शतकातील काळ्या पाषाणातील प्रभु श्रीरामाची मुर्ती आहे. या मुर्तीचा इतिहास मोठा असुन देशमाने कुटुंबियांनी या मुर्तीची प्रतिष्ठापणा आपल्या घरातील छोट्याशा मंदिरात केली आहे. दर रोज नित्य नियमाने प्रभु श्रीरामाची ते पुजा करीत आहेत, तर रामनवमी निमित्त त्यांनी महाप्रसादाचेही आयोजन केले होते. यानिमीत्त प्रभु श्रीरामाचा पाळणा उभारण्यात आला होता तर सश्राव्य अशा भजनाचाही कार्यक्रम ही आयोजित केला होता. दुपारी ठिक १२ वाजता प्रभु श्रीरामाच्या मुर्तीवर भाविकांकडुन पुष्पवृष्टी करण्यात आली तद्नंतर महिलावर्गाने प्रभु श्रीरामाला पाळण्यात घालुन पाळणा म्हटला त्यानंतर महा आरती संपन्न होवुन सर्वांनी प्रभु श्रीरामाच्या मुर्तीवर पुष्पवृष्टी केली तद्नंतर सर्व भाविकांनी महाप्रसादाचा आनंद लुटला.