मातीच्या ढिगाऱ्याखाली लपून होतं एक अनोखं रहस्य! कोकणातील ‘या’ गडावर सापडला शिवकालीन गुप्त दरवाजा

रायगडमधील एका गावात अपरिचित असणाऱ्या गडावर एक शिवकालीन गुप्त दरवाजा सापडला आहे. हा दरवाजा शोधण्यासाठी दुर्गरत्न प्रतिष्ठान महाराष्ट्र राज्य यांनी विशेष मेहनत घेतली.

• रायगडमधील तळगड येथे सापडला शिवकालीन गुप्त दरवाजा
• दुर्गरत्न प्रतिष्ठान महाराष्ट्र राज्य यांची विशेष मेहनत
• मातीचा ढिगारा उपसून शिवकालीन गुप्त दरवाजा शोधला

महाराष्ट्राच्या सौंदर्यात भर घालतात ते आपल्या शिवरायांचे अभेद्य गड-किल्ले. आपल्या महाराष्ट्रात 350 पेक्षा अधिक गड-किल्ले आहेत. मात्र, यातील अनेक किल्ल्यांवर काही नवीन आणि रहस्यमयी गोष्टी निदर्शनास येतात. शिवराय नेहमीच त्यांच्या किल्ल्यांवर गुप्त किंवा चोरवाटा निर्माण करत असत, जेणेकरून शत्रूचा वेढा फोडला जाईल. याच चोरवाटा आणि गुप्त दरवाजांच्या पाऊलखुणा आजही गड-किल्ल्यांवर पाहायला मिळतात. नुकतेच रायगडमधील एका गडावर गुप्त दरवाजा सापडला आहे.

Ratnagiri News: कोकणच्या राजावर गुजरातचा दावा? ‘या’ एका निर्णयामुळे आंबाबागायतदारांची चिंता वाढणार

तळगडावर सापडला गुप्त दरवाजा

रायगडमधील तळा शहरातील ऐतिहासिक तळगड असलेल्या किल्ल्यावर शिवकालीन गुप्त दरवाजा सापडला आहे. हा गुप्त दरवाजा शोधण्यासाठी दुर्गरत्न प्रतिष्ठान महाराष्ट्र राज्य यांनी विशेष मेहनत घेतली. अभ्यासकांकडून गडाची माहिती, नकाशा घेत या प्रतिष्ठानच्या शिवभक्तांनी फावडे, टिकाव, पहारी हाती घेऊन हा गुप्त दरवाजा शोधून काढला. हा दरवाजा शोधण्यासाठी दोन मोहिमा राबवण्यात आल्या होत्या. छत्रपती शिवाजी महाराजांनी १६४८ साली तळगड आदिलशहाकडून जिंकून घेतला होता.

१५ ते २० सदस्यांनी मिळून उपसला मातीचा ढिगारा

१६५९ साली अफजलखानाच्या स्वारीच्या वेळी सिद्दीने या तळगडाला वेढा घातला असल्याची माहिती आहे, तळगड तसा लहान किल्ला, त्यामुळे याचा घेरपण लहान असल्याने हा गड दक्षिणोत्तर पसरलेला आहे. या तळगडावर गुप्त दरवाजा असल्याची माहिती दुर्गरत्न प्रतिष्ठानला मिळाली.

Mumbai Cyber Fraud: मुंबई बनले आंतरराष्ट्रीय सायबर फसवणुकीचे केंद्र! एका वर्षात इतक्या कॉल सेंटर्सचा पर्दाफाश, अब्जावधींची लूट

रांगोळी काढून फुलांच्या हाराने दरवाजा सजवला

त्यानुसार प्रतिष्ठानच्या सदस्यांनी अभ्यासकांची भेट घेत अभ्यासकांकडून गडाचा नकाशा समजून घेतला आणि त्यानंतर गडाची माहिती घेतल्यानंतर गडावर एक गुप्त दरवाजा असल्याचे लक्षात आले. पहिल्या मोहिमेत १५ ते २० सदस्यांनी अर्धा मातीचा ढिगारा उपसून काढला. पुन्हा दुसऱ्या दिवशी ४५ ते ५० सदस्यांनी विशेष मेहनत घेऊन चोर दरवाजा शोधून काढला. यानंतर दरवाजाचा आजूबाजूचा परिसर स्वच्छ करण्यात आला, त्याठिकाणी आकर्षक रांगोळी काढून फुलांच्या हाराने दरवाजा परिसर सजवण्यात आला होता. त्यानंतर दुर्गरत्न प्रतिष्ठान महाराष्ट्र राज्य प्रतिष्ठानच्या सदस्यांनी छत्रपती शिवाजी महाराज की जय, म्हणत महाराजांना आदरांजली वाहिली.