कोकणातील 'या' गडावर सापडला शिवकालीन गुप्त दरवाजा
Ratnagiri News: कोकणच्या राजावर गुजरातचा दावा? ‘या’ एका निर्णयामुळे आंबाबागायतदारांची चिंता वाढणार
रायगडमधील तळा शहरातील ऐतिहासिक तळगड असलेल्या किल्ल्यावर शिवकालीन गुप्त दरवाजा सापडला आहे. हा गुप्त दरवाजा शोधण्यासाठी दुर्गरत्न प्रतिष्ठान महाराष्ट्र राज्य यांनी विशेष मेहनत घेतली. अभ्यासकांकडून गडाची माहिती, नकाशा घेत या प्रतिष्ठानच्या शिवभक्तांनी फावडे, टिकाव, पहारी हाती घेऊन हा गुप्त दरवाजा शोधून काढला. हा दरवाजा शोधण्यासाठी दोन मोहिमा राबवण्यात आल्या होत्या. छत्रपती शिवाजी महाराजांनी १६४८ साली तळगड आदिलशहाकडून जिंकून घेतला होता.
१६५९ साली अफजलखानाच्या स्वारीच्या वेळी सिद्दीने या तळगडाला वेढा घातला असल्याची माहिती आहे, तळगड तसा लहान किल्ला, त्यामुळे याचा घेरपण लहान असल्याने हा गड दक्षिणोत्तर पसरलेला आहे. या तळगडावर गुप्त दरवाजा असल्याची माहिती दुर्गरत्न प्रतिष्ठानला मिळाली.
त्यानुसार प्रतिष्ठानच्या सदस्यांनी अभ्यासकांची भेट घेत अभ्यासकांकडून गडाचा नकाशा समजून घेतला आणि त्यानंतर गडाची माहिती घेतल्यानंतर गडावर एक गुप्त दरवाजा असल्याचे लक्षात आले. पहिल्या मोहिमेत १५ ते २० सदस्यांनी अर्धा मातीचा ढिगारा उपसून काढला. पुन्हा दुसऱ्या दिवशी ४५ ते ५० सदस्यांनी विशेष मेहनत घेऊन चोर दरवाजा शोधून काढला. यानंतर दरवाजाचा आजूबाजूचा परिसर स्वच्छ करण्यात आला, त्याठिकाणी आकर्षक रांगोळी काढून फुलांच्या हाराने दरवाजा परिसर सजवण्यात आला होता. त्यानंतर दुर्गरत्न प्रतिष्ठान महाराष्ट्र राज्य प्रतिष्ठानच्या सदस्यांनी छत्रपती शिवाजी महाराज की जय, म्हणत महाराजांना आदरांजली वाहिली.
.png "Videos"){kind=small}
