Honey Trap News: राज्यातील तब्बल ७२ वरिष्ठ सरकारी अधिकारी हनी ट्रॅपच्या (Honey Trap) जाळ्यात अडकल्याचा धक्कादायक दावा एका राजकीय नेत्याने केला आहे. सध्या नाशिक दौऱ्यावर असलेल्या या नेत्याने पत्रकारांशी अनौपचारिक संवाद साधताना हा गौप्यस्फोट केला. या खुलाशामुळे महाराष्ट्राच्या राजकारणात मोठी खळबळ उडण्याची शक्यता आहे.
संबंधित नेत्याच्या माहितीनुसार, हनी ट्रॅपमध्ये अडकलेल्यांमध्ये नाशिकमधील एका वरिष्ठ अधिकाऱ्याचाही समावेश आहे. यासंदर्भातील काही व्हिडीओजबाबतही त्याने भाष्य केले. हे व्हिडीओ हनी ट्रॅपचा भाग आहेत की वरिष्ठ अधिकाऱ्यांच्या अनैतिक वर्तनाचे पुरावे, याबाबत अजूनही स्पष्ट माहिती नाही. मात्र या आरोपांनंतर नाशिकच्या राजकीय व प्रशासकीय वर्तुळात चर्चेला उधाण आले आहे.
नाशिकमधील एका पंचतारांकित हॉटेलमध्ये हनी ट्रॅपचा धक्कादायक प्रकार उघडकीस आला आहे. याप्रकरणी एका महिलेने नाशिकच्या मुंबई नाका पोलिस ठाण्यात तक्रार दाखल केली आहे. विशेष म्हणजे, या प्रकरणात उच्चपदस्थ सरकारी अधिकाऱ्यांचे व्हिडिओ असल्याने कोणताही अधिकारी उघडपणे पुढे येण्यास टाळाटाळ करत आहे. त्यामुळे हे प्रकरण अद्याप उजेडात आलेले नाही. प्राथमिक माहितीनुसार, या हनी ट्रॅप प्रकरणात नाशिकसह मुंबई आणि पुणे येथील काही वरिष्ठ अधिकारी आणि राजकीय नेत्यांचाही सहभाग असल्याची माहिती पुढे आली आहे.
सध्या राज्य विधिमंडळाचे पावसाळी अधिवेशन सुरू असून, अशा वेळी हे प्रकरण समोर आल्याने राजकीय वर्तुळात खळबळ उडाली आहे. या प्रकरणाची पुढील चौकशी होणार का? आणि आणखी कोणती माहिती उघड होणार, याकडे सर्वांचे लक्ष लागले आहे.
या प्रकरणातील एक महत्त्वाचा तपशील म्हणजे, नाशिकमधील पंचतारांकित सुविधा असलेल्या एका हॉटेलमध्ये हा प्रकार घडल्याची माहिती आहे. याबाबत एका महिलेने नाशिकच्या मुंबई नाका पोलिस ठाण्यात तक्रार दाखल केली आहे. हनीट्रॅपसंदर्भातील काही व्हिडीओही समोर आल्याची माहिती आहे. मात्र, ज्यामध्ये वरिष्ठ सरकारी अधिकाऱ्यांचा सहभाग आहे, त्यामुळे कोणीही उघडपणे पुढे येण्यास तयार नसल्याने हे प्रकरण अद्याप गुप्ततेत आहे.
प्राथमिक माहितीनुसार, या प्रकरणात नाशिकसह मुंबई आणि पुण्यातील काही वरिष्ठ अधिकारी तसेच काही राजकीय नेतेही अडकल्याची शक्यता व्यक्त केली जात आहे. दरम्यान, राज्य विधिमंडळाचे पावसाळी अधिवेशन सुरू असतानाच ही माहिती समोर आल्यामुळे या विषयावर पुढील काही दिवसांमध्ये राजकीय पातळीवर घमासान होण्याची शक्यता आहे. हे प्रकरण पुढे कोणकोणाला गाठते आणि याबाबत आणखी काय माहिती समोर येते, याकडे सर्वांचे लक्ष लागले आहे.
.png "Videos"){kind=small}
