Marathi News
X
  • देश
  • महाराष्ट्र
  • निवडणूक
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • व्यापार
  • लाइफ स्टाइल
  • व्हायरल
  • नवराष्ट्र विशेष
  • करिअर
  • फोटो
  • व्हिडिओ गॅलरी
  • वेबस्टोरीज़
  • ऑटोमोबाइल
  • विज्ञान तंत्रज्ञान
  • रवि, 22 नोव्हेंबर 2026 ई-पेपर
  • देश
  • शॉर्ट न्यूज़
  • महाराष्ट्र
  • राजकारण
  • मुंबई
  • पुणे
  • नागपूर
  • लाइफ स्टाइल
  • क्रीडा
  • क्राईम
  • अन्य
    • विदेश
    • नवराष्ट्र विशेष
    • मनोरंजन
    • अन्य
      • व्यापार
      • टेक
      • वेब स्टोरीज
      • व्हायरल
      • करिअर
      • धर्म
      • ऑटोमोबाइल
      • फोटो
      • व्हिडिओ
      • सिनेमा
  • देश
  • शॉर्ट न्यूज़
  • राजकारण
  • महाराष्ट्र
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • लाइफ स्टाइल
  • धर्म
  • व्हायरल
  • व्हिडिओ
  • वेब स्टोरीज़
  • फोटो
In Trends:
  • Maharastra Politics |
  • India Vs New Zealand |
  • Under 19 Asia Cup |
  • bigg boss 20
Follow Us
  • वेब स्टोरीज
  • फोटो
  • ई-पेपर
  • विडियो
  • फटाफट खबरें

Maharashtra Live Breaking News in Marathi: काँग्रेससह विरोधी पक्षातील खासदारांचे आज पुन्हा आंदोलन

७ ऑक्टोबर २०२६ च्या महाराष्ट्रासह देश-विदेशातील ताज्या घडामोडी. दिल्लीत 'इंडिया' आघाडीचे आकाशवाणी भवनात ९ तासांचे ठिय्या आंदोलन, पंतप्रधान मोदींची सार्वजनिक सेवेतील २५ वर्षे पूर्ण, हरमनप्रीत कौरचा राजीनामा आणि राज्यातील हवामान व MPSC अपडेट्स; वाचा सर्व महत्त्वाच्या बातम्या एकाच ठिकाणी.

  • By anuradha sagar
Updated On: Oct 07, 2026 | 06:05 PM
Maharashtra Breaking News Today 21.11.2026

Maharashtra Breaking News Today 21.11.2026

Follow Us
Follow Us:

Maharashtra to World Breaking News : रिझर्व्ह बँकेने कर्जदारांना मोठा धक्का देत रेपो रेटमध्ये 25 बेसिस पॉइंट्सची वाढ करण्याचा निर्णय घेतला आहे. RBIच्या तीन दिवसीय पतधोरण समितीच्या बैठकीनंतर गव्हर्नर संजय मल्होत्रा यांनी या निर्णयाची घोषणा केली. रेपो रेट 5.25 टक्क्यांवरून वाढवून 5.50 टक्के करण्यात आला आहे. त्यामुळे आगामी काळात होम लोन, कार लोन आणि इतर कर्जांचे व्याजदर वाढण्याची शक्यता आहे.

मतदार याद्यांमधील कथित गैरप्रकार (SIR) विरोधात दिल्लीतील आकाशवाणी भवनात राहुल गांधी आणि ‘इंडिया’ आघाडीच्या खासदारांचे ९ तासांचे  ठिय्या आंदोलन, पोलिसांनी प्रमुख नेत्यांना ताब्यात घेतले.

भारतीय महिला क्रिकेट संघाची कर्णधार हरमनप्रीत कौरने सर्व प्रकारच्या क्रिकेटच्या कर्णधारपदावरून राजीनामा दिला.हवामान विभागाच्या अंदाजानुसार उत्तर आणि मध्य भारतात पावसाची पुन्हा शक्यता निर्माण झाली असून महाराष्ट्रातील काही जिल्ह्यांत उकाड्यासह अवकाळी पावसाचा इशारा.

पुण्यासह राज्यातील विविध शहरांत MPSC विद्यार्थ्यांनी परीक्षा वेळापत्रक आणि उत्तरपत्रिका पारदर्शकतेसाठी आंदोलन तीव्र केले. कोकणात कमी पावसामुळे पाणीटंचाईचे सावट निर्माण झाले असून मुंबई-ठाणे भागात ऑक्टोबर हीटचा पारा चढल्याने नागरिक हैराण झाले आहेत.  विज्ञानातील अतुलनीय योगदानासाठी भौतिकशास्त्राचा (Physics) २०२६ चा नोबेल पुरस्कार बेल्जियमच्या फ्रान्सिस हाल्झेन यांना जाहीर झाला.

The liveblog has ended.
  • 07 Oct 2026 05:59 PM (IST)

    07 Oct 2026 05:59 PM (IST)

    बकरी ईदच्या वादानंतर पूनम इस्टेटमध्ये नवरात्रोत्सवावरून नवा वाद

    मिरा रोड येथील पूनम इस्टेट क्लस्टर-१मध्ये बकरी ईदच्या पार्श्वभूमीवर झालेल्या वादानंतर आता नवरात्रोत्सवाच्या आयोजनावरून नवा वाद निर्माण झाला आहे. दरवर्षीप्रमाणे यंदाही सोसायटीच्या सामायिक जागेत गरबा, दांडिया आणि सांस्कृतिक कार्यक्रम आयोजित करण्यासाठी सुमारे १२० कुटुंबीयांनी सोसायटी पदाधिकाऱ्यांकडे परवानगी मागितली होती. मात्र, सोसायटीने नवरात्रोत्सवासाठी ना-हरकत दाखला देण्यास नकार दिल्याने रहिवाशांमध्ये नाराजी व्यक्त होत आहे.

  • 07 Oct 2026 05:48 PM (IST)

    07 Oct 2026 05:48 PM (IST)

    केंद्र सरकारचा मोठा निर्णय! Mumbai Airport वरून 265 International Flights शिफ्ट होणार नाहीत!

    जर परदेश प्रवासाची योजना आखत असाल किंवा प्रयोजन केलं असेल आणि मुंबई विमानतळावरुन प्रवास करणार असाल. तर ही बातमी तुमच्यासाठी फार महत्त्वाची आहे. सध्या मुंबई विमानतळावरुन 200 हून अधिक आंतरराष्ट्रीय विमानं नवी मुंबई विमानतळावर स्थलांतरित करण्याचा निर्णय घेण्यात आला होता. पण या निर्णयबाबत एक मोठी अपडेट समोर येत आहे. 

  • 07 Oct 2026 05:40 PM (IST)

    07 Oct 2026 05:40 PM (IST)

    Shreyas Iyer चा ‘वन-मॅन शो’ ! वेस्ट इंडिजविरुद्ध रचला इतिहास

    भारत आणि वेस्ट इंडिजविरुद्ध यांच्यात पाच सामन्यांच्या टी-२० मालिका सुरु आहे. मालिकेतील पहिला सामनाव६ ऑक्टोबर रोजी खेळण्यात आला. हा सामना लखनौ येथील एकाना स्टेडियमवर खेळला गेला. या सामन्यात कर्णधार श्रेयस अय्यरने शानदार कामगिरी केली. त्याने एक शानदार शतक झळकावले आणि भारताला आठ विकेट्सने जिंकण्यास मदत केली. श्रेयस अय्यरने आपल्या स्फोटक खेळीने वेस्ट इंडिजच्या गोलंदाजांना पूर्णपणे उद्ध्वस्त केले. यासह, त्याने विराट कोहलीचा विक्रम मोडला आहे. तसेच, ही कामगिरी करणारा तो पहिला भारतीय कर्णधार ठरला आहे.

  • 07 Oct 2026 05:25 PM (IST)

    07 Oct 2026 05:25 PM (IST)

    इराण-येमेनवर हल्ले करू नका ; पाकिस्तानमध्ये सरकारवर दबाव वाढला?

    सध्या पाकिस्तानमधील सुद्धा राजकीय सामाजिक वातावरण गरम आहे . आधीच पाकिस्तान मध्ये इमरान खान यांना तुरुंगातून सोडण्यासाठी दबाव सरकारवर आहे .इमरान खान यांच्या पक्षाने पाकिस्तानमध्ये मोठा लॉन्ग मार्च आयोजित केला आहे . अशातच मध्य पूर्वेतील संघर्ष थांबण्याचे नाव घेत नसून सौदी आणि येमेनमधील वार प्रतिवार सुरूच आहेत . गेल्या काही काळात तुर्की ,सौदी आणि पाकिस्तान यांच्यात मक्का करार झाला होता .

  • 07 Oct 2026 05:13 PM (IST)

    07 Oct 2026 05:13 PM (IST)

    मंत्र्यांच्या प्रोटोकॉलचा भंग भोवला; अतिरिक्त आयुक्तांची उचलबांगडी, सचिन बांगर यांची नियुक्ती

    शासकीय कार्यक्रमाच्या निमंत्रणपत्रिकेत कॅबिनेट मंत्र्यांचा राजशिष्टाचारानुसार उल्लेख न करणे मिरा-भाईंदर महापालिका प्रशासनाला चांगलेच महागात पडले आहे. प्रोटोकॉलच्या कथित उल्लंघनाची राज्य शासनाने गंभीर दखल घेत चौकशी केल्यानंतर महापालिकेच्या अतिरिक्त आयुक्त प्रियंका राजपूत यांची मिरा-भाईंदरमधून बदली करण्यात आली आहे. त्यांची वसई-विरार शहर महानगरपालिकेत उपायुक्तपदी नियुक्ती करण्यात आली असून, त्यांच्या जागी सचिन बांगर यांची अतिरिक्त आयुक्तपदी नियुक्ती करण्यात आली आहे. त्यामुळे महापालिका वर्तुळात या कारवाईची जोरदार चर्चा सुरू झाली आहे.

  • 07 Oct 2026 04:57 PM (IST)

    07 Oct 2026 04:57 PM (IST)

    Niti Aayog : नीती आयोगाच्या क्रमवारीत गडचिरोली देशात अव्वल; ‘या’ गोष्टीत आगेकूच, मुख्यमंत्री फडणवीस यांनी दिल्या शुभेच्छा

    महाराष्ट्राचे मुख्यमंत्री देवेंद्र फडणवीस यांनी बुधवारी गडचिरोली जिल्हा प्रशासन, सामाजिक संस्था आणि स्थानिक नागरिकांचे अभिनंदन केले. नीती आयोगाच्या (Niti Aayog) एप्रिल ते जून २०२६ या तिमाहीतील ‘डेल्टा रँकिंग’मध्ये गडचिरोली जिल्ह्याने देशभरात प्रथम क्रमांक मिळवला आहे. ही तिमाही क्रमवारी नीती आयोगाच्या ‘एस्पिरेशनल डिस्ट्रिक्ट प्रोग्राम’ अंतर्गत केली जाते. यामध्ये मानवी विकासाशी संबंधित प्रमुख निर्देशांकांच्या आधारे जिल्ह्यांच्या प्रगतीचे मूल्यांकन केले जाते. गडचिरोलीने देशभरात अव्वल स्थान मिळवले असून, जम्मू-काश्मीरमधील बारामुल्ला जिल्हा दुसऱ्या क्रमांकावर आहे.

  • 07 Oct 2026 04:47 PM (IST)

    07 Oct 2026 04:47 PM (IST)

    Pune News: बारामती, पुरंदरमध्ये ‘इलेक्शन मोड’; मतदार यादी निरीक्षकांकडून BLO अन् मतदारांशी थेट संवाद

    भारत निवडणूक आयोगाच्या निर्देशानुसार मतदार याद्यांच्या विशेष सखोल पुनरीक्षण (SIR)-२०२६ अंतर्गत पुणे विभागाच्या विभागीय आयुक्त तथा मतदार यादी निरीक्षक शीतल तेली-उगले शुक्रवार, दि. १६ ऑक्टोबर रोजी पुणे जिल्ह्याच्या दुसऱ्या दौऱ्यावर येणार आहेत. या दौऱ्यात पुरंदर, बारामती, इंदापूर आणि दौंड तालुक्यांतील विविध मतदान केंद्रांना भेट देऊन मतदार यादी पुनरीक्षणाच्या कामाचा आढावा घेतला जाणार आहे. वाचा सविस्तर... 

  • 07 Oct 2026 04:37 PM (IST)

    07 Oct 2026 04:37 PM (IST)

    आम्ही जंतरमंतरवर आता आंदोलनाला पुन्हाला बसणार आहोत. सगळ्यांनी जंतरमंतरला यावं - राहुल गांधी

    मुख्य निवडणूक आयुक्त ज्ञानेश कुमार यांना राजीनामा द्यावाच लागेल. जंतरमंतरवर जात आहोत सर्व इंडिया आघाडीचे कार्यकर्ते जमले असून आम्ही जंतरमंतरवर आता आंदोलनाला पुन्हाला बसणार आहोत. सगळ्यांनी जंतरमंतरला यावं, अंस राहुल गांधी यांनी म्हटलं आहे. आम्हाला काल सांगितलं गेलं की तुम्ही याठिकाणी आंदोलन नाही करु शकत, त्यामुळे आम्ही आता जंतरमंतरवर आंदोलनासाठी जात असल्याचं राहुल गांधी यांनी सांगितलं आहे.

  • 07 Oct 2026 04:27 PM (IST)

    07 Oct 2026 04:27 PM (IST)

    मुंबई-गोवा महामार्गावर इर्टिगा कारचा भीषण अपघात; एक ठार, दोन गंभीर जखमी!

    महाड : मुंबई-गोवा महामार्गावर महाड तालुक्यातील केंबुर्ली गावाच्या हद्दीत इर्टिगा कारचा भीषण अपघात झाला. चालकाचे कारवरील नियंत्रण सुटल्याने कार अनियंत्रित होऊन महामार्गालगतच्या शेतात जाऊन आदळली. या अपघातात कारमधील एका प्रवाशाचा जागीच मृत्यू झाला, तर महामार्गावर काम करणारे दोन कामगार गंभीर जखमी झाले. ही घटना बुधवारी घडली.  वाचा सविस्तर... 

     
  • 07 Oct 2026 04:17 PM (IST)

    07 Oct 2026 04:17 PM (IST)

    INDIA Alliance Delhi Protest:दिल्लीत हालचालींना वेग; इंडिया’चे खासदार निवडणूक आयोगाच्या दिशेने रवाना

    इंडिया आघाडी आज (7 ऑक्टोबर) पुन्हा एकदा दिल्लीच्या रस्त्यावर उतरण्याची शक्यता वर्तवण्यात येत आहे. मुख्य निवडणूक आयुक्त ज्ञानेश कुमार यांच्या विरोधात इंडिया अलायन्स आंदोलन करण्याची शक्यता आहे. त्यामुळे आजही दिल्लीतील राजकारण तापण्याची शक्यता आहे.

    मिळालेल्या माहितीनुसार, काँग्रेस नेते मल्लिकार्जुन खर्गे यांनी दिल्लीतील जनपथवर इंडिया अलायन्सच्या नेत्यांसाठी स्नेहभोजनाचे आयोजन केले होते. या स्नेहभोजनानंतर, इंडिया आघाडीकडून आज (07)पुन्हा एकदा मुख्य निवडणूक आयुक्त ज्ञानेश कुमार यांच्या विरोधात मोर्चा काढण्याची तयारी करत असल्याची माहिती समोर आली आहे.

  • 07 Oct 2026 04:07 PM (IST)

    07 Oct 2026 04:07 PM (IST)

    Nagpur News : दीक्षाभूमीवर २४ तास CCTVचा ‘वॉच’; धम्मचक्र प्रवर्तन दिनाच्या तयारीला मनपा आयुक्तांचा वेग

    धम्मचक्र प्रवर्तन दिन हा बौद्ध समाजासाठी अत्यंत महत्त्वाचा दिवस आहे. डॉ. बाबासाहेब आंबेडकर यांनी १४ ऑक्टोबर १९५६ रोजी नागपूरच्या दीक्षाभूमीवर लाखो अनुयायांसह बौद्ध धर्माची दीक्षा घेतली.या ऐतिहासिक घटनेच्या स्मरणार्थ दरवर्षी विजयादशमीच्या दिवशी नागपुरात धम्मचक्र प्रवर्तन दिन मोठ्या प्रमाणावर साजरा केला जातो.देशभरातून लाखो बौद्ध अनुयायी दीक्षाभूमीवर येतात. त्यामुळे या काळात सुरक्षा, गर्दी नियंत्रण, पाणी, स्वच्छता, आरोग्य, निवास आणि वाहतूक ही प्रशासनासमोरील मोठी आव्हाने असतात. वाचा सविस्तर... 

  • 07 Oct 2026 04:00 PM (IST)

    07 Oct 2026 04:00 PM (IST)

    Ajit Agarkar चा कार्यकाळ संपताच गौतम गंभीर भावूक; सोशल मीडियावर शेअर केली खास पोस्ट, म्हणाला…

    Gautam gambhir Emotional message to Ajit Agarkar: भारतीय वरिष्ठ संघाच्या निवड समितीचे अध्यक्ष म्हणून अजित आगरकरचा कार्यकाळ ४ ऑक्टोबर रोजी संपला आहे. त्याने तीन वर्षे टीम इंडियाचे मुख्य निवडकर्ता म्हणून काम पाहिले. त्याच्या कार्यकाळात भारतीय संघाने तीन आयसीसी ट्रॉफी जिंकल्या. बीसीसीआय त्याचा करार २०२७ च्या एकदिवसीय विश्वचषकापर्यंत वाढवू शकते, असे वृत्त होते. परंतु, नंतर बीसीसीआय आणि आगरकर यांच्यात काही तरी बिनसल्याची चर्चा सुरु झाली. यानंतर, आगरकरचा करार न वाढवण्याचा निर्णय घेण्यात आला. आता, टीम इंडियाचे मुख्य प्रशिक्षक गौतम गंभीर यांनी अजित आगरकरसाठी सोशल मीडियावर एक भावनिक पोस्ट लिहिली आहे.

  • 07 Oct 2026 03:55 PM (IST)

    07 Oct 2026 03:55 PM (IST)

    Nagpur Crime : चिमुकलीवरील गैरप्रकाराच्या आरोपाने शिवनगर हादरले; जमावाच्या मारहाणीत इसमाचा मृत्यू

    Nagpur Crime:नागपूरच्या शिवनगर परिसरात चिमुकलीसोबत गैरप्रकार करण्याचा प्रयत्न केल्याच्या आरोपावरून संतप्त नागरिकांनी एका ३५ वर्षीय इसमाला बेदम मारहाण केल्याची धक्कादायक घटना समोर आली आहे. या मारहाणीत गंभीर जखमी झालेल्या नारायण मोहनदास वैष्णव याचा उपचारादरम्यान मृत्यू झाला. सोमवारी रात्री घडलेल्या या घटनेमुळे परिसरात खळबळ उडाली आहे. दरम्यान, वैष्णवचा मृत्यू नेमका मारहाणीमुळे झाला की अन्य कारणाने, हे शवविच्छेदन अहवालानंतर स्पष्ट होणार आहे.

  • 07 Oct 2026 03:50 PM (IST)

    07 Oct 2026 03:50 PM (IST)

    Gujrat Gangrape : शुद्धीकरणाच्या नावावर महिलेवर सामुहिक बलात्कार, गुजरातच्या सुरेंद्रनगरमधील माणुसकीला काळीमा फासणारी घटना

    गुजरातच्या सुरेंद्रनगर जिल्ह्यात एका विवाहित महिलेसोबत मारहाणीसह अवैधपणे तिचे अपहरण करून तिच्यावर सामुहिक बलात्कार (Gujrat Gangrape ) झाल्याची धक्कादायक घटना घडली आहे. याप्रकरणी दोन महिलांसह 9 जणांना पोलिसांनी अटक केली आहे. ही घटना कथीत ‘शुद्धिकरण’ पद्धतीच्या नावाखाली झाली, ज्यात महिलेवर एका इतर पुरुषासोबत अनैतिक संबंध असल्याचा आरोप लावण्यात आला होता. या घटनेचा व्हिडीओ नंतर सोशल मीडियावर प्रसिद्ध झाल्यानंतर पोलीस अॅक्शन मोडवर आले होते.

  • 07 Oct 2026 03:45 PM (IST)

    07 Oct 2026 03:45 PM (IST)

    Ratnagiri News : केंद्रीय विद्यालय आणि MPSC विद्यार्थ्यांच्या मागण्यांवर महायुती सरकार सकारात्मक; उदय सामंतांची विरोधकांवर टीका

    Ratnagiri News : ​MPSC परीक्षा व विद्यार्थ्यांच्या प्रलंबित मागण्यांबाबत मुंबईच्या दादर येथिल शिवाजी पार्कात आंदोलन झाले; त्याच बरोबर निवडणुक (  एसआयआर ) यादी मध्ये होणाऱ्या घोटाळ्याप्रकरणी दिल्ली मध्ये तिव्र आंदोलन करण्यात आले. दादर येथिल आंदोलनात मनसे अध्यक्ष राज ठाकरे यांनी ​MPSC च्या विद्यार्थ्यांसमोर परिक्षेबाबत आपली वस्तुस्थिती मांडली, यावर उद्योगमंत्री उदय सामंत यांनी आपली स्पष्ट भूमिका मांडली आहे. याशिवाय, विधान परिषद निवडणुकीत महायुती बहुतांश ठिकाणी एकत्र लढत असून पुणे शिक्षक मतदारसंघाबाबत मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे योग्य निर्णय घेतील, असा विश्वास उद्योगमंत्री उदय सामंत यांनी व्यक्त केला.

  • 07 Oct 2026 03:40 PM (IST)

    07 Oct 2026 03:40 PM (IST)

    Bombay HC on MPSC Protest : विद्यार्थ्यांच्या आंदोलनावर कोर्ट संतापलं; ‘विद्यार्थी समाजकंटक नाहीत, त्यांना आंदोलनाचा अधिकार आहे’

    Bombay HC on MPSC Protest : पुण्यात सुरू असलेल्या MPSC विद्यार्थ्यांच्या आंदोलनावरून मुंबई उच्च न्यायालयात दाखल करण्यात आलेल्या याचिकेवर सुनावणी झाली. यावेळी न्यायालयाने विद्यार्थ्यांच्या आंदोलनाच्या अधिकारावर स्पष्ट भूमिका मांडत याचिकाकर्त्यांना चांगलंच सुनावलं. ‘विद्यार्थी समाजकंटक नाहीत. परीक्षेत काही घोळ झाला असेल तर आंदोलन करण्याचा त्यांना अधिकार आहे,’ असं मुख्य न्यायाधीश महेश चंद्र त्रिपाठी यांनी म्हटलं.

  • 07 Oct 2026 03:35 PM (IST)

    07 Oct 2026 03:35 PM (IST)

    ब्लास्टिंगमुळे घरांवर दगड, विहिरी कोरड्या; अवैध उत्खनना विरोधात सरपंचांचे आमरण उपोषण!

    स्टोन क्रशरवर ब्लास्टिंग केल्याने आजूबाजूच्या विहिरीचे पाणी कमी झाले आहे शिवाय मोठमोठे दगड घरांच्या छतावर पडण्याचे प्रमाण वाढले आहे. या विरोधात भडकंबे ग्रामपंचायतिने हे व्यवसाय बंद करण्यात यावेत असा ठराव करण्यात आला आहे. वाळवा तालुक्यामधील भडकंबे गावांमध्ये अवैधरित्या गौण खनिज उत्खनन मोठ्या प्रमाणात केले जात असून ते ताबडतोब बंद झाले पाहिजे यासाठी जिल्हाधिकारी कार्यालयासमोर सरपंचांसह ग्रामपंचायत सदस्य आणि नागरिक आमरण उपोषणाला बसले आहेत. दरम्यान 73 व्या घटनादुरुस्तीची अंमलबजावणी करावी आणि ग्रामपंचायतचा अधिकार अबाधित ठेवावा हे माहीत असूनही डीएमओ यांनी मुरूम उत्खननाला परवानगी दिली आहे ते ताबडतोब बंद करावे.

  • 07 Oct 2026 03:30 PM (IST)

    07 Oct 2026 03:30 PM (IST)

    Tourism: कोकणच्या पर्यटनाला मिळणार नवी झेप! ‘सिंधुरत्न 2.0’ मधून रत्नागिरी-सिंधुदुर्गचा विकास

    मंडणगड/Tourism: रत्नागिरी आणि सिंधुदुर्ग या दोन जिल्ह्यांच्या सर्वांगीण विकासासाठी राबविण्यात येणारी ‘सिंधुरत्न समृद्ध’ योजना पर्यटन, मत्स्यव्यवसाय, फलोत्पादन आणि बचत गटांच्या विकासावर आधारित आहे. सध्या या योजनेचा पुढील टप्पा ‘सिंधुरत्न २.०’ कार्यान्वित असून, या माध्यमातून दोन्ही जिल्ह्यांच्या विकासाला चालना देण्याची मोठी संधी निर्माण झाली आहे.

  • 07 Oct 2026 03:25 PM (IST)

    07 Oct 2026 03:25 PM (IST)

    मोठी बातमी ! आता दहावीच्या विद्यार्थ्यांनाही लवकरच मिळणार पोषण आहार; प्रस्ताव सादर करण्याच्या मुख्यमंत्र्यांच्या सूचना

    मुंबई : प्रधानमंत्री पोषण शक्ती निर्माण योजनेअंतर्गत विद्यार्थ्यांना ताजा, सकस आणि दर्जेदार आहार वेळेत मिळण्यासाठी स्थानिक परिस्थितीनुसार निर्णय घेण्याचे अधिकार जिल्हास्तरावर द्यावेत. यासाठी शालेय शिक्षण आणि महिला व बालविकास विभागाने संयुक्त धोरण आखून आवश्यक मार्गदर्शक तत्त्वे जारी करावीत, असे निर्देश मुख्यमंत्री देवेंद्र फडणवीस यांनी दिले.

  • 07 Oct 2026 03:20 PM (IST)

    07 Oct 2026 03:20 PM (IST)

    Crime News: जेवण बाहेरून मागवलं म्हणून पतीचा संताप; पत्नीवर कात्रीने वार, पुण्यात धक्कादायक घटना

    पुणे : पती-पत्नीच्या नात्यात लहान-मोठे वाद होत असतात. मात्र, काही वेळा क्षुल्लक कारणांवरून सुरू झालेला वाद टोकाला जाऊन हिंसक रूप धारण करतो. असाच धक्कादायक प्रकार पुण्यातील आंबेगाव बुद्रुक परिसरात समोर आला आहे. पत्नीने घरी जेवण न बनवता बाहेरून जेवण ऑर्डर केल्याचे पाहून पतीला राग आला. त्याने पत्नीसोबत वाद घालण्यास सुरुवात केली. काही वेळातच वाद वाढला आणि रागाच्या भरात पतीने घरातील धारदार कात्री उचलून पत्नीवर वार केल्याचा आरोप आहे.

  • 07 Oct 2026 03:15 PM (IST)

    07 Oct 2026 03:15 PM (IST)

    CJP Janatar-Mantar 2.0: चलो दिल्ली…! १० ऑक्टोबरपासून दिल्लीत जंतर मंतर सिझन 2 ; सौरव दास यांचे आवाहन

    CJP Janatar-Mantar 2.0: विशेष सखल पुनरावलोकन म्हणजेच एसआयआर प्रक्रियेत सुरू असलेल्या फेरफारीवरुन देशभरात संतापाची लाट उसळली आहे. या गैरव्यवहारावरुन आता देशभरातील विद्यार्थीसंघटनांनी एकजुटीची हाक दिली आहे. दिल्लीत आज काही विद्यार्थी संघटनांच्या वतीने पत्रकार परिषद पार पडली. या पत्रकार परिषदेला ऑल इंडिया स्टुडंट असोसिएशनच्या राष्ट्रीय अध्यक्षा नेहा बोरा, कॉकरोच जनता पार्टीचे प्रवक्ता सौरव दास यांच्यासह काही तरुणांनी त्यांच्या मागण्या मांडल्या. तसेच , मुख्य निवडणूक आयुक्त ज्ञानेश कुमार यांचा राजीनाम्याची मागणीही केली.

  • 07 Oct 2026 03:10 PM (IST)

    07 Oct 2026 03:10 PM (IST)

    Bombay HC on MPSC Protest : विद्यार्थ्यांच्या आंदोलनावर कोर्ट संतापलं; ‘विद्यार्थी समाजकंटक नाहीत, त्यांना आंदोलनाचा अधिकार आहे’

    Bombay HC on MPSC Protest : पुण्यात सुरू असलेल्या MPSC विद्यार्थ्यांच्या आंदोलनावरून मुंबई उच्च न्यायालयात दाखल करण्यात आलेल्या याचिकेवर सुनावणी झाली. यावेळी न्यायालयाने विद्यार्थ्यांच्या आंदोलनाच्या अधिकारावर स्पष्ट भूमिका मांडत याचिकाकर्त्यांना चांगलंच सुनावलं. ‘विद्यार्थी समाजकंटक नाहीत. परीक्षेत काही घोळ झाला असेल तर आंदोलन करण्याचा त्यांना अधिकार आहे,’ असं मुख्य न्यायाधीश महेश चंद्र त्रिपाठी यांनी म्हटलं.

  • 07 Oct 2026 02:59 PM (IST)

    07 Oct 2026 02:59 PM (IST)

    समिती नको; एमपीएससी आयोगाच्या अध्यक्षांचा राजीनामाच हवा

    आम्हाला कुठलीही चौकशी समिती नको आहे, आम्हाला राज्य लोकसेवा आयोगाचे अध्यक्ष विवेक भीमनवार यांचा राजीनामा हवा आहे. चौकशी समिती नेमली आणि आयोगाचे अध्यक्ष भीमनवार हेच असतील तर त्या समितीचा काय उपयोग होणार आहे. आयोगाच्या अध्यक्षांच्या राजीनाम्यावरच तोडगा काढला पाहिजे, असे उपोषणकर्ते शिवराज मोरे यांनी सांगितले.

  • 07 Oct 2026 02:50 PM (IST)

    07 Oct 2026 02:50 PM (IST)

    मुंबईचे माजी पोलिस आयुक्त परमवीर सिंहांना एक हजार कोटींच्या मानहानीची नोटिस

    मुंबईचे माजी पोलिस आयुक्त परमवीर सिंह यांना निवृत्त एसपी भीमराव घाडगे यांनी एक हजार कोटींच्या मानहानीची नोटिस बजावण्यात आली आहे. अॅटिलिया-मनसुख हिरेन प्रकरणी परमवीर यांच्या भूमिकेच्या तपासाकरिता एनआय कोर्टात अर्ज करण्यात आला आहे. तीन ऑक्टोबर रोजीच्या प्रतिज्ञापत्रातील उल्लेखामुळे बदनामी होत आहे, असा दावा घाडगे यांनी केला आहे. प्रतिज्ञापत्रातील आरोप बदनामीकारक आणि खोटे आहेत, असाही दावा करण्यात आला आहे.

  • 07 Oct 2026 02:42 PM (IST)

    07 Oct 2026 02:42 PM (IST)

    प्रदीप पुर्णेकर प्रकरणात SIT ला मोठं यश, हत्येकरिता वापरण्यात आलेले हत्यार पोलिसांना मिळाले

    प्रदीप पुर्णेकर हत्या प्रकरणात SIT ला मोठे यश आलं आहे. पुर्णेकर यांच्या हत्येकरिता वापरण्यात आलेली हत्यारे पोलिसांनी जप्त केली आहे. ठाणे क्राईम ब्रांचच्या खंडणी विरोधी पथकाने रायगड जिल्ह्यातील कर्नाळा जंगलातून ही हत्यारे जप्त केली आहेत. आरोपींनी पूर्णेकरांची हत्या करुन कर्नाळा जंगलात फेकली होती. एक देशी पिस्तुल आणि आरोपीचा मोबाईलही पोलिसांनी हस्तगत केली आहे. SIT प्रमुख अमरसिंह जाधव आणि विशेष तपास अधिकारी शैलेस साळवी यांच्या टीमने केली आहे.

  • 07 Oct 2026 02:20 PM (IST)

    07 Oct 2026 02:20 PM (IST)

    पुढील 10-12 ऑक्टोबरपर्यंत सर्व 100 टक्के पंचनामे पूर्ण होणारः कृषिमंत्री भरणे

    राज्याचे कृषिमंत्री दत्तात्रय भरणे यांनी आतापर्यंत राज्यात 44 टक्के पंचनामे पूर्ण झाले आहेत. तसेच पुढील 10-12 ऑक्टोबरपर्यंत सर्व 100 टक्के पंचनामे पूर्ण करण्यात येणार असल्याचं भरणे यांनी म्हटलं आहे.

  • 07 Oct 2026 02:11 PM (IST)

    07 Oct 2026 02:11 PM (IST)

    स्वतःला ठाण्याचे मसीहा समजणारे कुठे गेले? अंबादास दानवेंचा पूर्णेकर हत्येनंतर एकनाथ शिंदेंवर निशाणा

    विधान परिषदेचे आमदार व शिवसेना उद्धव बाळासाहेब ठाकरे पक्षाचे नेते अंबादास दानवे यांनी प्रदीप पूर्णेकरांच्या हत्येनंतर एकनाथ शिंदे स्वतःला मसीहा समजणारे कुठे गेले? असा संतप्त सवाल उपस्थित केला आहे. त्यांनी एवढ्या मोठ्या कार्यकर्त्याचा मुडदा पाडला तेव्हा इकडे का नाही आले ? असंही म्हटलं आहे. तसेच लोकशाहीचा हा महाराष्ट्र असणार आहे. जनता रस्त्यावर उतरेल आणि मस्ती जिरवेल असा इशाराही दानवेंनी यावेळी दिला आहे.

  • 07 Oct 2026 02:00 PM (IST)

    07 Oct 2026 02:00 PM (IST)

    नक्षलवाद्यांच्या गोळीपासून बचावले, पण अंघोळीसाठी जाताच काळाने गाठले

    नक्षलग्रस्त भागात नक्षलविरोधी मोहिमेवर तैनात असलेल्या धुळे एसआरपीएफ गट क्रमांक सहाचे जवान राहुल प्रभाकर शिनगारे (वय ३७) यांचा विषारी सर्पदंशाने दुर्दैवी मृत्यू झाला. चामोर्शी तालुक्यातील रेगडी परिसरात कर्तव्य बजावत असताना ही घटना घडली. या घटनेमुळे पोलीस दलात हळहळ व्यक्त होत आहे.

  • 07 Oct 2026 01:55 PM (IST)

    07 Oct 2026 01:55 PM (IST)

    ग्लोबल साउथमधील मैत्रीचा नवा अध्याय

    आंतरराष्ट्रीय मुत्सद्देगिरी आणि आफ्रिकन देशांसोबतच्या राजनैतिक संबंधांच्या दृष्टीने भारताने पुन्हा एकदा एक अत्यंत महत्त्वाचे पाऊल उचलले आहे. परराष्ट्र मंत्री डॉ. एस. जयशंकर (S. Jaishankar) यांच्या घाना दौऱ्यादरम्यान भारत आणि घाना यांच्यात वैज्ञानिक संशोधन, शिक्षण, क्षमता बांधणी तसेच कृषी संशोधन व शिक्षण यांसारख्या महत्त्वाच्या क्षेत्रांमध्ये सहकार्यासाठी दोन महत्त्वपूर्ण करारांवर (MoUs) स्वाक्षरी करण्यात आली आहे. या करारांमुळे भारत आणि आफ्रिकन खंडातील ऐतिहासिक संबंध आणखी मजबूत झाले असून, ‘दक्षिण-दक्षिण सहकार्य’ (South-South Cooperation) अधिक व्यापक स्वरूपात पुढे नेण्यास मदत होणार आहे.(Global South)

  • 07 Oct 2026 01:50 PM (IST)

    07 Oct 2026 01:50 PM (IST)

    दारूच्या नशेत बापाचा मुलीवर बळजबरी करण्याचा प्रयत्न

    नराधम बापाने दारूच्या नशेत पोटच्या अल्पवयीन मुलीवरच बळजबरी करण्याचा प्रयत्न केला. बचावासाठी मुलीने घरात ठेवलेली बॅट उचलून बापावर हल्ला केला. डोक्यावर प्रहार झाल्याने बाप रक्तबंबाळ होऊन कोसळला आणि उपचारापूर्वीच त्याचा मृत्यू झाला. ही घटना सोमवारी रात्री एमआयडीसी पोलिस ठाण्याच्या हद्दीत घडली. खेसारीलाल (बदललेले नाव) असे मृताचे नाव आहे. पोलिसांनी मृताची पत्नी दीपा (वय ३८) यांच्या तक्रारीवरून खुनाचा गुन्हा नोंदवत अल्पवयीन मुलीला ताब्यात घेतले आहे.

  • 07 Oct 2026 01:45 PM (IST)

    07 Oct 2026 01:45 PM (IST)

    पुण्यात महाज्योतीची स्कॉलरशिप परीक्षा अचानक रद्द; नेमकं काय घडलं?

    देशभरात पेपरफुटीच्या घटनांमुळे परीक्षा प्रक्रियेच्या पारदर्शकतेवर प्रश्न उपस्थित होत असतानाच पुण्यातून आणखी एक धक्कादायक प्रकार समोर आला आहे. महाज्योतीच्या स्कॉलरशिप परीक्षेसाठी पुण्यातील आंबेगाव बुद्रुक येथील सण ब्राईट स्कूल हे परीक्षा केंद्र निश्चित करण्यात आले होते. मात्र, केंद्रावर आवश्यक संगणक उपलब्ध नसल्याने परीक्षा रद्द करण्यात आल्याची माहिती समोर आली आहे.

  • 07 Oct 2026 01:40 PM (IST)

    07 Oct 2026 01:40 PM (IST)

    फ्लायदुबई हल्ल्यानंतर कॅप्टन स्मित मच्छर यांच्या कवटीला गंभीर फ्रॅक्चर

    दुबईहून इस्रायलची राजधानी तेल अवीवकडे उड्डाण करणाऱ्या ‘फ्लायदुबई’ (Flydubai Flight FZ1073) या आंतरराष्ट्रीय विमानामध्ये ३० सप्टेंबर रोजी गगनाला भिडणारा एक भयानक आणि थरारक प्रकार घडला. ३५,००० फूट उंचीवर विमान असताना ओमानच्या सह-वैमानिक हमाम अल-हमामी याने भारतीय मूळ असलेले मुख्य वैमानिक कॅप्टन स्मित मच्छर यांच्यावर अचानक कुऱ्हाडीने प्राणघातक हल्ला चढवला. या अनपेक्षित आणि हिंसक हल्ल्यात कॅप्टन स्मित यांच्या डोक्यावर आणि शरीरावर गंभीर वार झाले.

  • 07 Oct 2026 01:31 PM (IST)

    07 Oct 2026 01:31 PM (IST)

    प्रभू रामानंतर आता राजा दशरथ! अरुण गोविल यांचा ‘रामायण’मधील नवा लूक समोर

    रामायण’ म्हटलं की आजही अनेक प्रेक्षकांच्या डोळ्यांसमोर अरुण गोविल यांचा प्रभू रामाच्या भूमिकेतील चेहरा उभा राहतो. एका पिढीने त्यांच्या अभिनयातून प्रभू रामांना पाहिलं आणि त्यांची ही भूमिका भारतीय प्रेक्षकांच्या मनात कायमची अजरामर झाली. आता अरुण गोविल पुन्हा एकदा ‘रामायण’च्या विश्वात परतले आहेत; मात्र यावेळी ते प्रभू राम नव्हे, तर अयोध्येचे राजा आणि प्रभू रामांचे पिता दशरथ यांची भूमिका साकारताना दिसणार आहेत.

  • 07 Oct 2026 12:55 PM (IST)

    07 Oct 2026 12:55 PM (IST)

    सह्याद्रि सहकारी साखर कारखाना गळीत हंगामासाठी सज्ज;

    मसूर : यशवंतनगर (ता.कराड) येथील सह्याद्री सहकारी साखर कारखान्याने मागील हंगामात कारखान्याची प्रतिदिन ७५०० मेट्रिक टनांवरून ११ हजार मेट्रिक टनांपर्यंत गाळप क्षमता वाढवण्यात यश मिळवले आहे. विस्तारीकरणामुळे कारखान्याची कार्यक्षमता मोठ्या प्रमाणात वाढली असून, त्याचा लाभ ऊस उत्पादक शेतकऱ्यांना होणार आहे.

  • 07 Oct 2026 12:45 PM (IST)

    07 Oct 2026 12:45 PM (IST)

    Mira-Bhayandar News: पालिका कर्मचारी संजय सोनवणेंना नोटीस

    मिरा-भाईंदर महानगरपालिकेच्या पाणीपुरवठा विभागातील अधिकारी संजय सोनवणे पुन्हा एकदा वादाच्या केंद्रस्थानी आले आहेत. महापालिका आयुक्तांच्या बंगल्यासमोरील जलकुंभाच्या आवारात विनापरवाना मंडप उभारून महापालिका कर्मचाऱ्यांसाठी जेवणाचे आयोजन केल्याची तक्रार महापालिका प्रशासनाकडे करण्यात आली आहे. (Mira-Bhayandar News)

    विशेष म्हणजे, या आयोजनाच्या ठिकाणी दारूच्या बाटल्या आढळल्याचा दावा तक्रारीत करण्यात आला असून, त्यासंदर्भातील तक्रार आणि पुरावे प्रशासनाला प्राप्त झाल्याचे नोटीसमध्ये नमूद करण्यात आले आहे. या प्रकरणी महापालिकेने संजय सोनवणे यांना नोटीस बजावत २४ तासांच्या आत खुलासा सादर करण्याचे आदेश दिले आहेत.

  • 07 Oct 2026 12:35 PM (IST)

    07 Oct 2026 12:35 PM (IST)

    IMC 2026: देशातील बहुप्रतिक्षित टेक ईव्हेंटला सुरुवात!

    देशातील सर्वात मोठ्या टेलिकम्युनिकेशंस आणि टेक इव्हेंटला आजपासून सुरुवात होत आहे. इंडिया मोबाईल काँग्रेस 2026 ईव्हेंट आजपासून म्हणजेच 7 ऑक्टोबरपासून सुरु होत आहे. नवीन दिल्ली येथील यशोभूमीमध्ये या ईव्हेंटचे आयोजन करण्यात आले आहे. चार दिवसांसाठी आयोजित करण्यात आलेला हा ईव्हेंट 10 ऑक्टोबरपर्यंत सुरु राहणार आहे.

  • 07 Oct 2026 12:25 PM (IST)

    07 Oct 2026 12:25 PM (IST)

    कियारा आणि सिद्धार्थ दुसऱ्यांदा होणार आई-बाबा

    बॉलिवूडमधील लोकप्रिय जोडी कियारा अडवाणी आणि सिद्धार्थ मल्होत्रा पुन्हा एकदा चर्चेत आली आहे. दोघांनी चाहत्यांना एक गोड बातमी दिली आहे. कियारा आणि सिद्धार्थ दुसऱ्यांदा आई-बाबा होणार असल्याचं त्यांनी सोशल मीडिया पोस्टद्वारे जाहीर केलं आहे. गेल्या काही दिवसांपासून दोघांच्या दुसऱ्या बाळाबाबत सोशल मीडियावर चर्चा सुरू होती. आता या चर्चांना स्वतः सिद्धार्थ-कियाराने दुजोरा दिला आहे.

  • 07 Oct 2026 12:15 PM (IST)

    07 Oct 2026 12:15 PM (IST)

    मुळा-मुठा नदीकाठ सुधार प्रकल्पासाठी खासगी जागेचे भूसंपादन

    मुळा-मुठा नदीकाठ सुधार प्रकल्पासाठी शेकडो कोटींचा खर्च करुन काम करण्यात आले. असे असतानाही नदीकाठच्या विकसित भागात जाण्यासाठी नागरिकांना रस्ताच उपलब्ध नसल्याचे दिसू आले आहे. त्यामुळे इतक्या कोटींचा खर्च करून तयार केलेल्या या प्रकल्पाचा अपेक्षित वापर होत नसल्याची चर्चा पुणे शहरातील नागरिकांमध्ये सुरू आहे. यामुळे पुणे महापालिका प्रशासनाने संगमवाडी ते बंडगार्डन पूल या पट्ट्यातील प्रकल्पाच्या ठिकाणी जाण्यासाठी ३८ हजार ५४२ चौरस मीटर खासगी जागा भूसंपादन करण्याचा प्रस्ताव स्थायी समितीपुढे ठेवला आहे.

  • 07 Oct 2026 12:05 PM (IST)

    07 Oct 2026 12:05 PM (IST)

    नळाच्या पाण्यात चक्क साप! नेरळ ग्रामपंचायतीच्या पाणीपुरवठ्यावर प्रश्नचिन्ह

    कर्जत तालुक्यातील श्रीमंत ग्रामपंचायत समजल्या जाणाऱ्या नेरळ ग्रामपंचायतमध्ये प्रशासक राजवट पहिल्यापासून विविध कारणांनी चर्चेत आहे. जलशुद्धीकरण केंद्र असलेली नळपाणी योजना असून देखील गढूळ आणि दूषित पाणी येण्याचे प्रकार थांबत नाहीत. त्यात आता पाण्यात साप वाहून आल्याने नेरळ ग्रामपंचायतीच्या पाणीपुरवठा योजनेवर प्रश्नचिन्ह निर्माण झाले आहे.(Neral News)

    नेरळ ग्रामपंचायत ही मध्य रेल्वेने जोडलेले जंक्शन स्थानक वरील गाव आहे. यामुळे गेल्या 30 वर्षात मोठ्या प्रमाणात नागरीकरण झाले असून नेरळ गाव आता शहरीकरण झाले आहे. त्यात नेरळ गावच्या काही अंतरावरून उल्हास नदी वाहत असून नेरळ गावात चांगली नळपाणी योजना राबवली जात आहेत. त्यामुळे नेरळ मधील स्वच्छ पाणी हीच नेरळ गावचे नागरीकरण वाढण्यास महत्वाची ठरली आहे.

  • 07 Oct 2026 11:50 AM (IST)

    07 Oct 2026 11:50 AM (IST)

    इंडियन ऑइल व्यवस्थापक अधिकाऱ्याची हिंगोलीत हत्या; पेट्रोल पंप सील केल्यावरून घडली घटना

    हिंगोलीच्या वसमत तालुक्यातील चोंडी फाटा येथे पेट्रोल पंपावर तपासणीसाठी गेलेल्या इंडियन ऑइल व्यवस्थापक अधिकाऱ्याची धारदार शस्त्राने पेट्रोल पंप चालकाकडून हत्या करण्यात आल्याची घटना घडली आहे. महेश शेळके असे इंडियन ऑइल व्यवस्थापक अधिकाऱ्याचे नाव असून, पेट्रोल पंप सील करण्याच्या कारणावरून पेट्रोल पंप चालकाच्या मुलाने हा खून केल्याचं पोलिसांनी सांगितलं आहे. कुरुंदा पोलिस ठाण्यामध्ये गुन्हा दाखल करण्यात आला असून याप्रकरणी एका महिलेला ताब्यात घेण्यात आले आहे.

  • 07 Oct 2026 11:45 AM (IST)

    07 Oct 2026 11:45 AM (IST)

    दुष्काळी पंचनामे करताना ग्राम महसूल अधिकाऱ्यावर हल्ला; पुण्याच्या मरकळमध्ये संताप

    राज्यात दुष्काळाच्या पार्श्वभूमीवर महसूल विभागाकडून पंचनाम्याचं काम सुरू आहे. याच कामासाठी मरकळ ग्रामपंचायत कार्यालयात ग्राम महसूल अधिकारी बाळासाहेब जाधव हे शासकीय कामकाज करत होते. यावेळी प्रशांत देविदास लोखंडे याने शासकीय कामात अडथळा आणत जाधव यांना मारहाण केल्याचा आरोप आहे. या मारहाणीत जाधव यांना दुखापत झाली आहे. घटनेनंतर ग्राम महसूल अधिकारी आणि मंडळ अधिकारी संघटना आक्रमक झाली.

  • 07 Oct 2026 11:40 AM (IST)

    07 Oct 2026 11:40 AM (IST)

    भाजपच्या नवनियुक्त प्रभारी खासदार वैजयंत पांडा महाराष्ट्र दौऱ्यावर

    भाजपच्या महाराष्ट्र नवनियुक्त प्रभारी खासदार वैजयंत पांडा उद्या ८ ऑक्टोबर रोजी मुंबईत येणार आहेत. मुख्यमंत्री देवेंद्र फडणवीस, प्रदेशाध्यक्ष रविंद्र चव्हाणांसह महाराष्ट्र भाजपच्या महत्त्वपूर्ण नेत्यांशी वैजयंत पांडा संवाद साधणार. नव्या संघाटनात्मक रचनेत वैजयंत पांडा यांच्याकडे महाराष्ट्र भाजपच्या प्रभारी पदाची जबाबदारी सोपवण्यात आली आहे.

  • 07 Oct 2026 11:35 AM (IST)

    07 Oct 2026 11:35 AM (IST)

    पाणावलेले डोळे, पेनल्टी गोल अन्…लिओनेल मेस्सीचा शेवटचा सामना प्रचंड भावूक; एका युगाचा अंत

    फुटबॉलच्या महान खेळाडूंपैकी एक असलेल्या लिओनेल मेस्सीसाठी, अर्जेंटिना राष्ट्रीय संघाच्या जर्सीमधील त्याचा शेवटचा सामना हा केवळ एक सामना नव्हता, तर एक ऐतिहासिक सोहळा होता. ब्युनोस आयर्समधील एस्तादियो मॉन्युमेंटल येथे बेनिनविरुद्धच्या निरोपाच्या मैत्रीपूर्ण सामन्यासाठी संपूर्ण स्टेडियम निळ्या आणि पांढऱ्या रंगात न्हाऊन निघाले होते, जिथे हजारो चाहते आपल्या लाडक्या ‘नंबर १०’ ला देशासाठी शेवटच्या वेळी खेळताना पाहण्यासाठी जमले होते.

  • 07 Oct 2026 11:20 AM (IST)

    07 Oct 2026 11:20 AM (IST)

    फोल्डेबल स्मार्टफोनच्या दुनियेत खळबळ! Vivo X Fold 6 ने उडवली सर्वांचीच झोप

    स्मार्टफोन कंपनी विवोने भारतीय बाजारात नवा फोल्डेबल फोन लाँच केला आहे. हे नवीन डिव्हाईस Vivo X Fold 6 या नावाने लाँच करण्यात आले आहे. कंपनीचा हा नवा फोल्ड फोन विवो व्हि 80 आणि विवो एस 2 एफई यांसह लाँच करण्यात आला आहे.

  • 07 Oct 2026 11:10 AM (IST)

    07 Oct 2026 11:10 AM (IST)

    ‘गेल्या आठ महिन्यांत माळेगाव कारखान्याला 70 कोटींचा तोटा’; युगेंद्र पवार यांचा आरोप

    दिवंगत उपमुख्यमंत्री अजित पवार यांच्या निधनानंतर माळेगाव सहकारी साखर कारखान्याला या आठ महिन्यात ७० कोटींचा तोटा झाला असून, माळेगाव कारखान्याच्या डिस्टिलरी कारखान्यामध्ये प्रशासकाची नियुक्ती करण्यात आली असल्याचा आरोप राष्ट्रवादी काँग्रेस शरदचंद्र पवार पक्षाचे युवा नेते युगेंद्र पवार यांनी केला.

  • 07 Oct 2026 11:05 AM (IST)

    07 Oct 2026 11:05 AM (IST)

    संघर्षाच्या काळात ‘संवाद’ कसा ठरू शकतो शांततेचा सर्वात मोठा मार्ग? जाणून घ्या सविस्तर

    मानवी संस्कृतीच्या आणि समाजाच्या विकासात ‘संवाद’ ही सर्वात मूलभूत आणि प्रभावी गोष्ट मानली जाते. आजच्या जगात जिथे लहानातील लहान कौटुंबिक वादांपासून ते आंतरराष्ट्रीय स्तरावरील संघर्षांपर्यंत अनेक आव्हाने उभी आहेत, तिथे ‘शांततापूर्ण संवाद’ (Peaceful Communication) हा एकमेव असा मार्ग आहे जो मानवी नातेसंबंध आणि सामाजिक वीण घट्ट ठेवू शकतो. याच संवादाचे महत्त्व, त्याचा सकारात्मक प्रभाव आणि अहिंसक संवादाची गरज अधोरेखित करण्यासाठी जगभरात ‘आंतरराष्ट्रीय शांततापूर्ण संवाद दिन’ साजरा केला जातो. हा दिवस आपल्याला शिकवतो की जगात असा कोणताही वाद किंवा संघर्ष नाही, जो योग्य विचार आणि शब्दांच्या माध्यमातून सोडवला जाऊ शकत नाही.

  • 07 Oct 2026 11:00 AM (IST)

    07 Oct 2026 11:00 AM (IST)

    राहुल गांधाींचे आंदोलन देशाला बदनाम करण्यासाठी, भाजपकडून टीका

    दिल्लीमध्ये राहुल गांधींनी काल केलेले आंदोलन हे देशाला बदनाम करण्यासाठी करण्यात आले, असा आरोप भाजप आमदार परिणय फुके यांनी केला. राहुल गांधींनी १३ कोटी लोकांची नावं कापल्याचा आरोप करून जनतेची दिशाभूल करण्याचा प्रयत्न केला आहे. मृत व्यक्ती, पत्त्यावर अनुपस्थित असलेले आणि स्थलांतरित लोकांची नावं त्यामध्ये कापली गेली, असे फुके म्हणाले.

  • 07 Oct 2026 10:55 AM (IST)

    07 Oct 2026 10:55 AM (IST)

    सोन्याचे दर पुन्हा वधारले, चांदीचा भाव आजही स्थिर! वाचा सविस्तर

    भारतात 7 ऑक्टोबर रोजी 24 कॅरेट सोन्याच्या प्रति ग्रॅमचा दर 15,023 रुपये, 22 कॅरेट सोन्याच्या प्रति ग्रॅमचा दर 13,771 रुपये आणि 18 कॅरेट सोन्याच्या प्रति ग्रॅमचा दर 11,268 रुपये आहे. भारतात 7 ऑक्टोबर रोजी 22 कॅरेट सोन्याच्या प्रति 10 ग्रॅमचा दर 1,37,710 रुपये, 24 कॅरेट सोन्याच्या प्रति 10 ग्रॅमचा दर 1,50,230 रुपये आणि 18 कॅरेट सोन्याच्या प्रति 10 ग्रॅमचा दर 1,12,680 रुपये आहे. भारतात 7 ऑक्टोबर रोजी चांदीचा भाव प्रति ग्रॅम 234.90 रुपये आणि प्रति किलोग्रॅम 2,34,900 रुपये आहे.

  • 07 Oct 2026 10:45 AM (IST)

    07 Oct 2026 10:45 AM (IST)

    जेएनपीएतील वाहतूककोंडी दूर; २४ तास देखरेखीमुळे कंटेनर वाहतूक सुरळीत

    जवाहरलाल नेहरू पोर्ट प्राधिकरणाच्या (जेएनपीए) सर्व टर्मिनल्सवर कंटेनर कार्गो हाताळणीत लक्षणीय वाढ झाली असली तरी गेल्या काही दिवसांत निर्माण झालेला वाहतुकीचा तात्पुरता ताण आता पूर्णपणे नियंत्रणात आला आहे. बंदरातील सर्व टर्मिनल्सच्या प्रवेशद्वारांवर सध्या कोणतीही वाहतूककोंडी नसून कंटेनर ट्रेलर्सची वाहतूक सुरळीतपणे सुरू असल्याची माहिती जेएनपीएकडून देण्यात आली.

  • 07 Oct 2026 10:35 AM (IST)

    07 Oct 2026 10:35 AM (IST)

    कोकणसह राज्यातील काही भागांत विजांच्या कडकडाटासह पावसाची शक्यता; हवामान विभागाकडून अलर्ट जारी

    गेल्या काही दिवसांपासून वातावरणात कमालीचा बदल जाणवत आहे. राज्यातील अनेक भागांत ‘ऑक्टोबर हीट’चा तडाखा बसत आहे. त्यामुळे उकाड्याने नागरिक हैराण झाले आहेत. त्यातच मान्सून आता परतीच्या प्रवासाला लागला आहे. असे असताना कोकणसह राज्यातील काही जिल्ह्यांमध्ये आज विजांच्या कडकडाटासह पाऊस पडण्याची शक्यता असून, हवामान विभागाकडून ‘यलो अलर्ट’ देण्यात आला आहे.

Web Title: Maharashtra and india breaking news live updates 7 october 2026

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Oct 07, 2026 | 08:57 AM

Topics:  

  • international news
  • Maharashtra Breaking News update
  • Maharashtra Politics
  • national news

संबंधित बातम्या

Kerala Politics: भाजपला दोन दिवसांत दुसरा धक्का; पद्मजानंतर पद्मिनी थॉमस यांचाही भाजपला रामराम
1

Kerala Politics: भाजपला दोन दिवसांत दुसरा धक्का; पद्मजानंतर पद्मिनी थॉमस यांचाही भाजपला रामराम

Maharashtra Politics : भरत गोगावलेंनी मंत्रिपदाची ऑफर दिली अन् दुसऱ्याच दिवशी शिंदें थेट आमदाराच्या घरी! पंढरपुरात नेमकं काय घडलं?
2

Maharashtra Politics : भरत गोगावलेंनी मंत्रिपदाची ऑफर दिली अन् दुसऱ्याच दिवशी शिंदें थेट आमदाराच्या घरी! पंढरपुरात नेमकं काय घडलं?

Mumbai Politics: मुंबईतील वाहतूक कोंडी फोडण्यासाठी सरकारचा ७० हजार कोटींचा ‘पाताळ लोक’ मेगा प्लॅन
3

Mumbai Politics: मुंबईतील वाहतूक कोंडी फोडण्यासाठी सरकारचा ७० हजार कोटींचा ‘पाताळ लोक’ मेगा प्लॅन

Iraq News : इराकच्या बसरामध्ये वीज केंद्राला भीषण आग; 4 जणांचा मृत्यू, 30 जण जखमी आणि ज्वाला थेट घरांपर्यंत पोहोचल्या
4

Iraq News : इराकच्या बसरामध्ये वीज केंद्राला भीषण आग; 4 जणांचा मृत्यू, 30 जण जखमी आणि ज्वाला थेट घरांपर्यंत पोहोचल्या

Popular Sections

  • देश
  • विदेश
  • लाईफस्टाईल
  • मनोरंजन
  • क्रीडा
  • व्यापार
  • वेब स्टोरीज

Maharashtra Cities

  • मुंबई
  • पुणे
  • नागपूर
  • ठाणे
  • नाशिक
  • रत्नागिरी
  • पालघर
  • रायगड

More

  • धर्म
  • ऑटो
  • करिअर
  • व्हायरल
  • फोटो
  • नवराष्ट्र विशेष
  • टेक
  • व्हिडिओ

Follow Us On

Contact Us About Us Privacy Policy
Hindi News Epaper Marathi Epaper Hindi RSS Sitemap Author

© Copyright Navarashtra 2026 All rights reserved.