उत्तर प्रदेशात भीषण अपघात; 60 प्रवाशांना घेऊन जाणारी बसच उलटली, 25 जण जखमी
चाकण : पुणे-नाशिक महामार्गावरील शिरोली फाट्याजवळ शनिवारी (दि.14) कंटेनर आणि डंपर यांच्यात भीषण अपघात झाला. या भीषण अपघातामुळे काही काळ वाहतूक पूर्णपणे ठप्प झाली. या अपघातामुळे सुमारे तीन ते चार किलोमीटरपर्यंत वाहनांच्या लांबच लांब रांगा लागल्या. सुदैवाने या अपघातात कोणतीही जीवितहानी झाली नसली तरी वाहतूक कोंडीमुळे प्रवाशांना मोठ्या गैरसोयींचा सामना करावा लागला.
मिळालेल्या माहितीनुसार, पुण्याकडून नाशिकच्या दिशेने जाणाऱ्या डंपर चालकाचा गाडीवरील ताबा सुटल्याने वाहन रस्त्याच्या दुभाजकावरून समोरच्या लेनमध्ये गेले आणि समोरून येणाऱ्या कंटेनरला जोरदार धडक दिली. या धडकेत दोन्ही वाहने रस्त्याच्या मध्यभागी अडकल्याने महामार्गावरील वाहतूक विस्कळीत झाली. या अपघाताची माहिती मिळताच पोलीस प्रशासन तात्काळ घटनास्थळी दाखल झाले. वाहतूक सुरळीत करण्याचे प्रयत्न केले. काही वेळानंतर टप्प्याटप्प्याने वाहतूक सुरू करण्यात आली.
दरम्यान, सध्या लग्नसराईचा हंगाम सुरू असल्यामुळे महामार्गावर वाहनांची मोठी वर्दळ होती. अनेक नागरिक लग्नसमारंभासाठी जात असताना वाहतूक कोंडीत अडकले. त्यातच दुपारच्या कडक उन्हामुळे वाहनांमध्ये अडकलेल्या प्रवाशांना मोठा त्रास सहन करावा लागला. काही ठिकाणी नागरिकांना वाहनातून उतरून बराच वेळ रस्त्यावर थांबावे लागले.
वाहतूक कोंडीमुळे पर्यायी मार्गाचा वापर
वाहतूक कोंडीमुळे अनेक वाहनचालकांनी पर्यायी रस्त्यांचा वापर करण्याचा प्रयत्न केला. मात्र, त्यामुळेदेखील आसपासच्या रस्त्यांवर मोठी गर्दी झाली. शिरोली फाट्यापासून चाकणपर्यंत येण्यासाठी जवळपास तीन तास लागल्याची माहिती चाकण येथील उद्योजक अनंता शेवकरी आणि नवनाथ पठारे यांनी दिली.
प्रशासनाने ठोस पावले उचलण्याची गरज
या घटनेनंतर स्थानिक नागरिकांनी महामार्गावर अवजड वाहनांच्या वेगावर नियंत्रण ठेवणे, वाहतूक व्यवस्थापन अधिक सक्षम करणे आणि अपघात टाळण्यासाठी कायमस्वरूपी उपाययोजना करण्याची मागणी प्रशासनाकडे केली आहे. पुणे–नाशिक महामार्गावर वाढती वाहतूक आणि वारंवार होणारे अपघात लक्षात घेता प्रशासनाने ठोस पावले उचलण्याची गरज व्यक्त केली जात आहे.
हेदेखील वाचा : Maval Accident News : शिवज्योत आणताना काळाचा घाला! भीषण अपघातात दोन तरुणांचा जागीच मृत्यू
.png "Videos"){kind=small}
