नवीन मंत्रिमंडळात शिवसेना शिंदे गटाचे किती मंत्री? बड्या नेत्याने स्पष्टच सांगितले…

गुरुवारी नव्या मंत्रिमंडळाचा शपथविधी झाला. आता संपूर्ण राज्याचे लक्ष मंत्रिमंडळ विस्ताराकडे लागले आहे. नव्या मंत्रिमंडळात कोणाला संधी मिळणार? याबाबत उत्सुकता निर्माण झाली आहे.

नवीन मंत्रिमंडळात शिवसेना शिंदे गटाचे किती मंत्री? बड्या नेत्याने स्पष्टच सांगितले...

Follow Us:

Follow Us:

राज्यात महायुतीला स्पष्ट बहुमत मिळाले आहे. महायुतीमधील प्रमुख घटक पक्ष भाजप, शिवसेना आणि राष्ट्रवादी अजित पवार गट यांच्या एकूण 232 जागा आल्या, तर दुसरीकडे मात्र महाविकास आघाडीला मोठा फटका बसला आहे. मविआला विधानसभा निवडणुकीत केवळ 50 जागाच जिंकता आल्या आहे. दरम्यान, त्यानंतर गुरुवारी (ता.५) नव्या मंत्रिमंडळाचा शपथविधी पार पडला. देवेंद्र फडणवीस यांनी मुख्यमंत्रिपदाची शपथ घेतली, तर अजित पवार आणि एकनाथ शिंदे यांनी उपमुख्यमंत्रिपदाची शपथ घेतली. या शपथविधी सोहळ्याला पंतप्रधान नरेंद्र मोदी आणि केंद्रीय गृहमंत्री अमित शाह यांची देखील उपस्थिती होते.

कोणाला मिळणार मंत्रिपदे?

दरम्यान, आता मंत्रिमंडळाच्या शपथविधीनंतर सर्वांनाच वेध लागले आहेत. ते म्हणजे मंत्रिमंडळ विस्ताराचे. मंत्रिपदासाठी तीनही पक्षातील अनेक आमदार इच्छूक आहेत. त्यामुळे मंत्रिपद कोणाला मिळणार? हे पाहणे महत्त्वाचे ठरणार आहे. तसेच शिवसेना शिंदे गटाला आणि राष्ट्रवादी अजित पवार गटाला नव्या मंत्रिमंडळात किती मंत्रिपद मिळणार? याबाबत देखील उत्सुकता निर्माण झाली आहे.

आदित्य ठाकरे, नाना पटोलें, लोढासह 106 MLA चा शपथविधी संपूर्ण, 8 जणांची गैरहजेरी

एकनाथ शिंदे यांना सर्वाधिकार

याबाबत बोलताना शिवसेना शिंदे गटाचे नेते शंभूराज देसाई यांनी मोठा खुलासा केला आहे. मंत्रिमंडळात कोणाला घ्यायचे याचा निर्णय घेण्याचे सर्व अधिकार आमदारांनी पहिल्याच बैठकीमध्ये एकनाथ शिंदे यांना दिले आहेत. त्यामुळे मंत्रिमंडळात कोणाला घ्यायचे याबाबत एकनाथ शिंदे हे निर्णय घेतील. ते जो निर्णय घेतील तो निर्णय सर्व शिवसैनिकांना, आमदारांना आणि नेत्यांना मान्य असेल असे शंभूराज देसाई यांनी म्हटले आहे. तसेच मंत्र्यांचा शपथविधी येत्या 12 तारखेला होईल, असे देखील देसाई यांनी म्हटले आहे.

नव्या मंत्रिमंडळात कोणाला संधी?

दरम्यान, आता लवकरच नव्या मंत्रिमंडळाचा विस्तार होणार आहे. राज्यात सर्वाधिक जागा जिंकून भाजप नंबर एकचा पक्ष ठरला आहे. भाजपने तब्बल 131 जागा जिंकल्या. त्यानंतर शिवसेना शिंदे गटाला 57 तर राष्ट्रवादी अजित पवार गटाला 41 जागा मिळाल्या आहेत. आपल्यालाही मंत्रिपद मिळावे, यासाठी या तीनही पक्षातील अनेक आमदार इच्छूक आहेत. त्यामुळे आता मंत्रिपदाची माळ नेमकी कोणाच्या गळ्यात पडणार? कोणाला कोणते खाते मिळणार याबाबत उत्सुकता शिगेला पोहोचली आहे.

Web Title: How many ministers of shiv sena shinde group in the new cabinet shambhuraj desai big revelation

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com