Dharashiv ZP Politics: धाराशिवच्या ‘शिंदे सेनेत’ उभी फूट! सभापती पदावरून बड्या नेत्याचा राजीनाम्याचा इशारा

धाराशिव जिल्हा परिषदेत सत्ता स्थापनेसाठी महायुती (भाजप, शिवसेना शिंदे गट आणि राष्ट्रवादी काँग्रेस - अजित पवार गट) एकत्र आली असून, सत्तेचे समतोल वाटप करण्यात आले आहे.

Dharashiv ZP Politics: सातारा जिल्हा परिषदेच्या निवडणूक आणि अध्यक्षपदाच्या निवडणुकीच्या काळात भाजप आणि शिंदे गटातील संघर्ष चांगलाच चर्चेत होता. त्यानंतर आता धाराशिव जिल्हा परिषदेच्या सभापती पदावरून शिवसेनेतील अंतर्गत वाद चव्हाट्यावर आला आहे. उपमुख्यमंत्री एकनाथ शिंदे यांचा आदेश मानत नसल्याचा आरोप शिंदे सेनेचे लोकप्रभा प्रमुख आनंद पाटील यांनी केला आहे. या वादामुळे आनंद पाटील आणि त्यांच्या मातोश्रींनी जिल्हा परिषदेच्या सदस्यत्वाचा राजीनामा देण्याचा इशारा दिला आहे.

आनंद पाटील आणि त्यांच्या मातोश्री कानेगाव जिल्हा परिदेच्या सदस्य आहेत. त्यांना सभापती पदापासून डावलल्यामुळे दोन्ही नेत्यांनी उघड नाराजी व्यक्त करत थेट राजीनाम्याचा इशारा दिला आहे. जिल्हा परिषदेतील पदाधिकारी एकनाथ शिंदेचा आदेश पाळत नसल्याचा आरोप केला आहे. शिंदे गटात गटबाजी वाढत चालल्याने निराश होऊन त्यांनी जिल्हा परिषद सदस्यत्वाचा राजीनामा देणार असल्याचा इशारा दिला आहे. या सर्व प्रकरणाच्या पार्श्वभूमीवर शिवसेनेत अंतर्गत वाद सुरू आहे.

LPG Cylinder Rate: सर्वसामान्यांच्या खिशाला पुन्हा कात्री? घरगुती सिलिंडरच्या किमतीत वाढ; तुमच्या शहरातील

धाराशिव जिल्हा परिषदेत सत्ता स्थापनेसाठी महायुती (भाजप, शिवसेना शिंदे गट आणि राष्ट्रवादी काँग्रेस – अजित पवार गट) एकत्र आली असून, सत्तेचे समतोल वाटप करण्यात आले आहे. जिल्हा परिषदेच्या अध्यक्षपदी भाजपच्या अर्चना पाटील विराजमान आहेत. अर्चना पाटील या भाजप आमदार राणा जगजितसिंह पाटील यांच्या पत्नी आहेत. तर उपाध्यक्षपद शिंदे गटाकडे असून, माजी खासदार रवींद्र गायकवाड यांच्या पत्नी उषा गायकवाड या उपाध्यक्ष म्हणून जबाबदारी सांभाळत आहेत.

धाराशिव जिल्हा परिषदेत महायुतीची सत्ता; पदवाटप निश्चित

धाराशिव जिल्हा जिल्हा परिषदेत सत्ता स्थापन करण्यासाठी महायुती एकत्र आली असून, पदवाटपही निश्चित करण्यात आले आहे. भाजप, शिंदे गट आणि राष्ट्रवादी काँग्रेस (सुनेत्रा पवार गट) यांच्यात समन्वय साधत सत्ता समीकरणे ठरवण्यात आली आहेत.

भाजपकडे दोन महत्त्वाची सभापती पदे
जिल्हा परिषदेत भारतीय जनता पक्ष कडे दोन महत्त्वाची सभापती पदे आहेत.
अर्थ व बांधकाम समितीचे सभापतीपद सिद्धेश्वर कोरे यांच्याकडे देण्यात आले आहे
समाजकल्याण समितीचे सभापतीपद विश्वास कोकणे यांच्याकडे सोपवण्यात आले आहे

Middle East Tension : होर्मुझवर आता राज करणार ट्रम्प? त्यांच्या ‘या’ एका विधानाने जगात खळबळ;

राष्ट्रवादीकडे कृषी विभाग
राष्ट्रवादी काँग्रेस (सुनेत्रा पवार गट) कडे कृषी व पशुसंवर्धन समितीचे सभापतीपद देण्यात आले आहे. हे पद भाऊसाहेब खरसडे यांच्याकडे आहे.

शिंदे गटाकडे बालकल्याण विभाग
शिवसेना (शिंदे गट) कडे बालकल्याण समितीचे सभापतीपद देण्यात आले असून, पूजा शिंदे या या पदावर कार्यरत आहेत.

महायुतीची स्थानिक पातळीवर मजबूत पकड
या पदवाटपामुळे महायुतीने धाराशिव जिल्हा परिषदेत आपली सत्ता मजबूत केल्याचे दिसत आहे. विविध पक्षांमध्ये समन्वय साधत सत्ता संतुलन राखण्याचा प्रयत्न करण्यात आला आहे.

राजकीय समीकरणे आणि वर्चस्व
धाराशिव जिल्हा परिषदेच्या सत्ता समीकरणात शिंदे गटाचे नेते आनंद पाटील आणि त्यांच्या मातोश्री (कानेगाव जिल्हा परिषद गटाच्या सदस्या) यांचाही महत्त्वाचा सहभाग आहे. महायुतीने सर्व घटक पक्षांना सामावून घेत जिल्हा परिषदेचा गाडा हाकण्यास सुरुवात केली आहे. विशेषतः अर्थ, बांधकाम आणि समाजकल्याण ही महत्त्वाची खाती भाजपने आपल्याकडे राखली आहेत, तर कृषी आणि बालकल्याण ही पदे मित्रपक्षांना देण्यात आली आहेत.