मंगळवार, 11 ऑगस्ट 2026
Jalgaon News: ‘मियावाकी’ने शहराला मिळणार हरितसंजीवनी ( फोटो सौजन्य- सोशलमीडिया)
केवळ झाडे लावणे पुरेसे नसून, त्यांचे जतन आणि संगोपन करणे ही काळाची गरज आहे. ते बोलत होते. राज्याचे मुख्यमंत्री देवेंद्र फडणवीस यांच्या हरित महाराष्ट्र संकल्पनेखाली जळगाव शहर अधिक हिरवेगार, सुंदर आणि प्रदूषणमुक्त करण्याच्या दृष्टीने जळगाव शहर महानगरपालिका आणि ‘महिला हाउसिंग ट्रस्ट” यांच्या संयुक्त विद्यमाने शहरात ‘मियावाकी” वृक्षारोपण व नक्षत्र उद्यान मोहीम राबवण्यात येत आहे. महापौर दीपमाला काळे आणि मनपा आयुक्त आदित्य जीवने यांच्या पुढाकारातून साकार झालेल्या या मोहिमेचा शुभारंभ आज, १० ऑगस्ट रोजी सकाळपासून शहरातील विविध प्रभागांमध्ये मोठ्या उत्साहात झाला. Jalgaon News:
आमदार सुरेश भोळे म्हणाले की प्रत्येक नागरिकाने किमान एक तरी वृक्ष लावून त्याचे संगोपन करणे आपली जबाबदारी असल्याचे सांगितले. शाळेतील विद्यार्थ्यांच्या सहभागातून वृक्षारोपण करून त्यांन लावलेल्या वृक्षाचा दरवर्षी ‘वाढदिवस’ साजरा करण्यासारखे उपक्रम राबविण्याचे आवाहन त्यांनी केले.
या मोहिमेचे उद्घाटन शहरातील टी. एम. नगर परिसरात राज्याचे जलसंपदा व आपत्ती व्यवस्थापन मंत्री गिरीश महाजन आणि जिल्ह्याचे पालकमंत्री तथा पाणीपुरवठा व स्वच्छता मंत्री गुलाबराव पाटील यांच्या शुभहस्ते झाड लावून करण्यात आले. या प्रसंगी बोलताना जलसंपदा मंत्री गिरीश महाजन म्हणाले, बदलत्या हवामानाच्या पार्श्वभूमीवर शहरांमध्ये ‘मियादाकी’ सारख्या घनदाट जंगल निर्मितीच्या आधुनिक पद्धती अत्यंत प्रभावी ठरत आहेत. केवळ झाडे लावणे पुरेसे नसून, त्यांचे जतन आणि संगोपन करणे ही काळाची गरज आहे.
जळगाव शहराला हरित व समृद्ध बनवण्यासाठी प्रशासनासोबत नागरिकांनीही या मोहिमेत हिरिरीने सहभागी व्हावे. जिल्ह्याचे पालकमंत्री गुलाबराव पाटील यावेळी बोलतांना म्हणाले, झाडे ही आपली भावी पिढीसाठीची खरी संपत्ती आहे. वाढत्या प्रदूषणावर मात करण्यासाठी आणि शहराचे निसर्ग सौंदर्य टिकवून ठेवण्यासाठी महापालिकेचा हा उपक्रम कौतुकास्पद आहे. या उपक्रमामुळे जळगावच्या पर्यावरणात सकारात्मक आणि मोठा बदल दिसून येईल.
कार्यक्रम प्रसंगी बोलताना महापौर दीपमाला काळे म्हणाल्या, जळगाव शहराचे निसर्ग सौंदर्य जपण्यासाठी आणि महापालिकेच्या माध्यमातून पर्यावरणपूरक उपक्रम राबवण्यासाठी आम्ही कटिबद्ध आहोत. महिला हाउसिंग ट्रस्टच्या सहकार्याने सुरू करण्यात आलेली ही “मियावाकी’ वृक्षारोपण मोहीम जळगावला हिरवेगार आणि आरोग्यदायी बनवण्याच्या दिशेने टाकलेले एक अत्यंत महत्त्वाचे पाऊल आहे.
Jalgaon LIVE Updates | Navarashtra (नवराष्ट्र)
या प्रसंगी शहराचे आ. राजूमामा भोळे, महापौर दीपमाला काळे, जिल्हाधिकारी रोहन घुगे, जिल्हा परिषदेच्या मुख्य कार्यकारी अधिकारी करिष्मा नायर, जिल्हा पोलीस अधीक्षक श्रीकांत धिवरे, वनविभागाचे सनदी अधिकारी सौरीश सहाय, मनपा आयुक्त आदित्य जीवने, वन अधिकारी महेश झांजुर्ण, उपमहापौर मनोज चौधरी, स्थायी समिती सभापती डॉ. चंद्रशेखर पाटील, महिला व बालकल्याण समिती सभापती सिंधुताई कोल्हे यांची प्रमुख उपस्थिती होती.
Jalgaon News: २९ गावं… २९ शौर्यगाथा! शहीदांच्या स्मरणासाठी उभा …
तसेच या कार्यक्रमास शहरातील विविध प्रभागांतील नगरसेवक, मनपा अधिकारी, कर्मचारी, महिला हाउसिंग ट्रस्टच्या प्रतिनिधी आणि नागरिक मोठ्या संख्येने उपस्थित होते. शहरात ठिकठिकाणी सुरू असलेल्या या मोहिमेमुळे जळगावकरांमध्ये पर्यावरणाविषयी एक नवा उत्साह पाहायला मिळत आहे.
