Jalgaon Shalarth ID Scam: आरोपींवर कठोर कारवाई करा, शालार्थ आयडी घोटाळा; आमदार एकनाथराव खडसे यांची मागणी

Jalgaon Shalarth ID Scam: जळगाव जिल्ह्यासह राज्यात चर्चेत असलेल्या बनावट शालार्थ आयडी घोटाळ्याप्रकरणी एसआयटीकडून कारवाई सुरू आहे. शेंदुर्णीतील शिक्षण संस्थेचे चेअरमन संजय गरुड आणि तत्कालीन शिक्षणाधिकारी शशिकांत हिंगोणेकर यांना अटक करण्यात आली आहे.

• संजय गरुड आणि शशिकांत हिंगोणेकर अटकेत.
• १७७ बनावट शालार्थ आयडींचा आरोप.
• एकनाथ खडसेंकडून कठोर कारवाईची मागणी.

Jalgaon News:  जळगाव जिल्ह्यासह राज्यात बनावट शालार्थ आयडी घोटाळ्याबाबत एसआयटीकडून कारवाई सुरू आहे. यात जिल्ह्यातील शेंदुर्णीतील शिक्षण संस्थेचे चेअरमन संजय गरुड यांच्यासह तात्कालीन शिक्षणाधिकारी शशिकांत हिंगोणेकर यांना अटक करण्यात आली आहे. मात्र यातील दोषींवर कठोर कारवाई करण्यात यावी. आजारी पडून दवाखान्यात जाण्याचे नाटक करणाऱ्यांना शासनाने कुठलीही सवलत देऊ नये, अशी मागणी माजी मंत्री एकनाथराव खडसे यांनी केली आहे. शालार्थ आयडी घोटाळ्यात नवनवीन खुलासे होत असल्याने जिल्ह्यात शैक्षणिक क्षेत्रात खळबळ उडाली आहे. संजय गरुड यास शेंदुर्णी एज्युकेशन शिक्षण संस्थेतील १७७ बनावट शालार्थ आयडीप्रकरणी नाशिकच्या एसआयठी पथकाने कारवाईला वेग दिला आहे. Jalgaon Shalarth ID Scam

शैक्षणिक संस्थांची व्यवहारांची तपासणी

शालार्थ शिक्षण आयडी घोटाळा जिल्ह्यात चर्चेचा विषय झाला आहे. जामनेर तालुक्यातील शेंदुर्णी येथील दी शेंदुर्णी एज्युकेशन सोसायटी या शैक्षणिक संस्थेत १७७ शालार्थ आयडी बनावट असल्याचे उघड झाल्यानंतर एसआयटीने या संस्थाचालकांवर चौकशीचा फास आवळत त्यास अटक केली होती. आता जिल्ह्यात एसआयटीने इतर संस्थाचालकांचीही चौकशी सुरू केली आहे.

एसआयटीची धास्तीने संस्थाचालक पसार

संस्थाचालकांचे तत्कालीन शिक्षणाधिकारी यांच्याशी असलेले संबंध व आर्थिक व्यवहारांचा तपास एसआयटीकडून सुरू आहे. शेंदुर्णी शिक्षण संस्थेतील बनावट शालार्थ आयडीची सखोल चौकशी एसआयटीने हाती घेतली आहे.जिल्ह्यातील इतर संस्थाचालकांनी अटकपूर्व जामीनासाठी अर्ज केला होता. मात्र तो रद्द करण्यात आल्याने त्यांचीही गोची झाली आहे. एसआयटीच्या धाकाने संस्थाचालकही फरार झाल्याचे बोलले जात आहे.

Raigad News: पराभवानंतरही ओझर्डेंची सामाजिक बांधिलकी कायम; गणेशभक्तांसाठी पुन्हा मोफत एसटी सेवेची घोषणा

जिल्ह्यात चार जणांचा पोलिसांकडून शोध सुरू

या संस्थेतील सहसचिव दीपक गरुड यास ताब्यात घेतल्यानंतर या संस्थेची चौकशी सुरू असतांनाच जिल्ह्यातील इतर चार संस्थेतील संस्थाचालक मनोज पाटील, शरद शिंदे, विनीद तराळ, अमोल कुलकर्णी यांचा अटकपूर्ण जामीनहीं नाशिक जिल्हा सत्र न्यायालयाने फेटाळ्याने चारही जणांवर कारवाई होण्याची शक्यता राजकीय वतुर्जातून व्यक्त केली जात आहे. जिल्ह्यातील या चारही संस्थाचालकांचा शोध पोलिसांकडून सुरू आहे. मात्र तत्पूर्वी त्यांनी अटकपूर्व अर्ज न्यायालयात दाखल केल्यानंतर तो रद्द करण्यात आला आहे.

Baramati Plane Crash: बारामतीत पुन्हा विमानाचा अपघात; विमान कोसळल्याने परिसरात खळबळ

इतर शेंदुर्णीतील संस्थांचे काय ?..

• शेंदुर्णीतील एकाच गरुड यांच्या संस्थेत १७७ शालार्थ आयडी बनावट असल्याचे समोर आले आहे. मात्र याठिकाणी इतर संस्थाही कार्यरत आहेत.
• या संस्थांमध्येही बनावट शालार्थ आयडीवर शिक्षक व शिक्षकेतर कर्मचारी रुजू झालेले झाल्याचे सांगितले जात आहे.
• या शिक्षण संस्थेतील बनावट शालार्थ आयडीची तपासणी करण्याची मागणी होत आहे.