किशोरी पेडणेकर
मुंबई : मुंबईमध्ये आज केईएम रुग्णालयाला माजी महापौर किशोरी पेडणेकर यांनी भेट दिली. त्यानंतर त्यांनी माध्यमांशी संवाद साधला. यावेळी त्या म्हणाल्या की, केईएममध्ये स्थिती भयंकर आहे. अधिकाऱ्यांवर कुठलाही अंकुश नाही, कारण नगरसेवक नाही बीएमसी आरोग्य समिती नाही, वॉर्ड दुरुस्त नाही अशा अनेक रुग्णालयामध्ये कमतरता आहेत. २ महिन्याचा आधी वेळ दिला होता पण काही झालं नाही, औषधे नाहीत. वायकर भाजपसोबत गेले आणि वॉशिंग मशीनमध्ये गेले आतां सगळं क्लीन होणार आहे. आरोप आणि कारवाई कोण करा म्हणत होतं किरीट सोमय्या, करत कोण होतं? गृहमंत्री देवेंद्र फडणवीस.
पुढे त्या म्हणाल्या की, गैरसमजातून हे सगळं वायकरांचे प्रकरण झालं असेल त्यांनी राजीनामा द्यावा. या ठिकाणचे डीन प्रेशर खाली आहे सरकाराच्या, त्या तोंडातून शब्द काढायला तयार नाहीत. काहीही उत्तर देत नाहीत, करोडो रुपयांचा बजेट असलेली महापालिका आरोग्याकडे दुर्लक्ष देत आहे. डॉक्टरांची अजून पदे भरली नाही, कमी स्टाफ आहे. MRI मशीन आणण्याचे फायनल झाले पण अजूनही मशीन आली नाही, हे रुग्णाच्या जीवाशी खेळण्याचे काम करत आहेत. सगळ्या महापालिका रुग्णालयांमध्ये ही परिस्थिती आहे. सिस्टीम बरबटून टाकली आहे, मंत्री महोदय मंगळवारी बैठक लावणार आहेत, त्यात दूध का दूध पाणी का पाणी होईल असे किशोरी पेडणेकर म्हणाल्या.
पुढे किशोरी पेडणेकर म्हणाल्या की, केईएम रुग्णालयाला १०० वर्ष होणार आहेत. एवढं जुनं रुग्णालय आहे. यात एक गंभीर बाब समोर आली आहे ती म्हणजेच पेपर प्लेटसाठी रुग्णांच्या रिपोर्टचे कागद वापरले आहेत. त्यात दोन नियम पाळले नाहीत. एक तर रुग्णांची गुप्त असलेली माहिती या रिपोर्टमधून पेपर प्लेटच्या माध्यमातून नावासकट समोर येत आहे. सोमवारी यासंदर्भात PIL दाखल होणार आहे. डीन यांनी सांगितलं की, ६ जणांना कारणे दाखवा नोटीस बजावली आहे. AMC सुधाकर शिंदे यांच्या मागे कोण आहे? वय उलटून गेले आहे त्यांचा तरी सुद्धा तुम्ही नोकरीला ठेवले आहे. अरेरावी मुंबईत खपवून घेतली जाणार नाही असे किशोरी पेडणेकर म्हणाल्या.
