शनिवार, 14 नोव्हेंबर 2026
सर्वसामान्यांच्या खिशाला महागाईचा आणखी एक झटका! CNG दरात १.५० रुपयांची वाढ; आता किलोमागे ९१.५० रुपये मोजावे लागणार
महानगर गॅस लिमिटेडने या दरवाढीमागील कारणे स्पष्ट केली आहेत. पश्चिम आशियातील सध्या सुरू असलेल्या तणावपूर्ण परिस्थितीमुळे आंतरराष्ट्रीय बाजारात नैसर्गिक वायूच्या किमती वाढल्या आहेत. त्याचबरोबर देशांतर्गत गॅस वाटपात कपात झाल्याने कंपनीला महागड्या आयात केलेल्या रिगॅसिफाइड लिक्विफाइड नॅचरल गॅसवर (RLNG) अधिक अवलंबून राहावे लागत आहे.
एकूण गॅस पुरवठ्यात आयात केलेल्या गॅसचा वाटा वाढल्याने कंपनीच्या खरेदी खर्चातही मोठी वाढ झाली आहे. या वाढलेल्या खर्चाची अंशतः भरपाई करण्यासाठी आणि ग्राहकांना अखंड गॅस पुरवठा सुरू ठेवण्यासाठी दरवाढ करणे आवश्यक ठरल्याचे MGL ने अधिकृत निवेदनात म्हटले आहे.
मुंबईपूर्वी राज्यातील पुणे, नाशिक आणि धुळे जिल्ह्यांतही सीएनजी आणि घरगुती पाइप्ड नॅचरल गॅसच्या (PNG) दरात वाढ करण्यात आली आहे. या शहरांमध्ये सीएनजीच्या दरात प्रति किलो १.२५ रुपयांची, तर पीएनजीच्या दरात प्रति घनमीटर १.५० रुपयांची वाढ झाली आहे.
मुंबईतील सीएनजी दरवाढीचा थेट परिणाम सार्वजनिक वाहतूक क्षेत्रावर होण्याची शक्यता आहे. मुंबईत मोठ्या प्रमाणावर रिक्षा आणि टॅक्सी सीएनजीवर धावतात. त्यामुळे इंधनाच्या दरात वाढ झाल्याने चालकांचा दैनंदिन खर्च वाढणार आहे. खासगी सीएनजी वाहनधारकांनाही आता प्रत्येक किलो गॅससाठी अधिक पैसे मोजावे लागतील. इंधन खर्च वाढल्याने रिक्षा आणि टॅक्सी भाडेवाढीची मागणी पुढे येण्याची शक्यता आहे. मात्र, या दरवाढीनंतर प्रत्यक्ष भाडेवाढ होणार की नाही, याबाबत अद्याप कोणताही निर्णय जाहीर झालेला नाही.
जीवनावश्यक वस्तू, घरगुती खर्च आणि वाहतुकीच्या खर्चात वाढ होत असताना सीएनजीच्या दरवाढीमुळे मुंबईकरांच्या बजेटवर आणखी परिणाम होऊ शकतो. विशेषतः दररोज वाहनांचा वापर करणारे नोकरदार, व्यावसायिक आणि वाहतूकदार यांना या वाढीचा आर्थिक फटका बसणार आहे.
एकीकडे आंतरराष्ट्रीय बाजारातील गॅसच्या किमती आणि देशांतर्गत पुरवठ्यातील बदल यांचा परिणाम इंधन दरांवर होत आहे. तर दुसरीकडे या वाढीचा भार थेट ग्राहकांच्या खिशावर पडत आहे. त्यामुळे आगामी काळात सीएनजी दर आणि वाहतूक भाड्याबाबत काय बदल होतात, याकडे मुंबईकरांचे लक्ष लागले आहे.
E20 पेट्रोलच्या गुणवत्तेवर बीपीसीएलचे स्पष्टीकरण; 893 नमुन्यांमध्ये इथेनॉलचे प्रमाण योग्य
Ans: मुंबई आणि लगतच्या परिसरात सीएनजीचा दर प्रति किलो १.५० रुपयांनी वाढून ९१.५० रुपये झाला आहे.
Ans: महानगर गॅस लिमिटेडने जाहीर केलेले सुधारित दर १४ नोव्हेंबर २०२६ च्या मध्यरात्रीपासून लागू होणार आहेत.
Ans: पश्चिम आशियातील तणावामुळे आंतरराष्ट्रीय बाजारात गॅसचे दर वाढले आहेत. तसेच देशांतर्गत गॅस वाटपात कपात झाल्याने आयात केलेल्या RLNG गॅसवरील अवलंबित्व आणि कंपनीचा खरेदी खर्च वाढल्याचे MGL ने म्हटले आहे.
