Shaktipeeth Expressway: “जीव गेला तरी….”; शक्तीपीठ महामार्गाविरोधात कोल्हापुरात चक्काजाम आंदोलन

काल रात्री संघर्ष समितीच्या नेत्यांना पोलिसांनी नोटिसा बजावून आंदोलन करू नये असा इशारा दिला होता. मात्र पोलिसांची नोटीस धुडकावून आज हे नेते रस्त्यावर उतरले होते.  शेतकऱ्यांच्या मुळावर उठलेला हा शक्तीपीठ महामार्ग यामध्ये हजारो हेक्टर सुपीक शेती जमिनी नष्ट होणार आहेत. शेतकऱ्यांनी या विरोधात आवाज उठवून आंदोलनाचे हत्यार उपसून विधानसभा निवडणुकीवेळी हा वादग्रस्त महामार्ग रद्द करण्याची घोषणा त्या वेळच्या सरकारने केली होती. पण राज्यात पुन्हा सरकार येताच हा शक्तीपीठ महामार्ग रेटण्याचा प्रयत्न होऊ लागला आहे. त्यामुळे पुन्हा एकदा या शक्तीपीठ महामार्ग विरोधात शेतकऱ्यांनी आवाज उठवण्यास सुरुवात केली आहे .

Shaktipeeth Expressway: “… तर आमची रक्त सांडायची तयारी आहे”; शक्तीपीठविरुद्ध शेतकरी आक्रमक

कोल्हापूर बरोबरच महाराष्ट्रात बारा जिल्ह्यातील शेतकरी तसेच शेतकरी संघटना विविध राजकीय पक्ष एकत्र येत प्रकल्प विरोधात आवाज उठवत आहेत. वाढत्या असंतोष च्या पार्श्वभूमीवर आज पुणे बेंगलोर महामार्गावर चक्काजाम आंदोलन करण्यात आले. यावेळी माजी खासदार राजू शेट्टी यांच्या नेतृत्वाखाली या आंदोलनात मोठ्या संख्येने शेतकरी सहभागी झाले होते.  यावेळी माजी आमदार ऋतुराज पाटील, शिवसेनेचे सह संपर्क नेते विजय देवणे यांच्यासह हजारो शेतकरी उपस्थित झाले होते.  आजच्या या आंदोलनात व्ही. बी. पाटील, राजू लाटकर, आर. के. पवार, सचिन चव्हाण ,सतीशचंद्र कांबळे ,प्रकाश पाटील, शिवाजी मगदूम ,विक्रांत पाटील ,दिलीप पवार, संदीप देसाई ,बाबासाहेब देवकर ,चंद्रकांत यादव ,रघुनाथ कांबळे ,अतुल दिघे ,अजित पवार, सागर कोंडेकर, बाबुराव कदम ,शशिकांत खवरे ,सुयोग वाडकर, सुभाष देसाई, आदींच्यासह शेतकरी बांधव मोठ्या संख्येने सहभागी झाले होते.

दरम्यान या आंदोलनाच्या पार्श्वभूमीवर कोल्हापुरात पोलिसांनी मोठा बंदोबस्त तैनात केला होता. काँग्रेस नेते सतेज पाटील यांनी पोलिसांना बळाचा वापर करू नये अन्यथा जशास तसे उत्तर देऊ असा गर्भित इशारा दिला होता .तर नोटीसा बजावून देखील राजू शेट्टी, ऋतुराज पाटील,

 शक्तीपीठ महामार्ग विरोधात संघर्ष समितीच्या वतीने  पुलाची शिरोली येथे आंदोलन करण्याचा इशारा दिला होता तर प्रस्तावित असणाऱ्या १२ जिल्ह्यातील लोकांचाही यामध्ये समावेश होता. आज १ जुलै शेतकऱ्यांचा कृषी दिन पोटाला धान्य देणाऱ्या कृषी माईची पूजा केली जाते मात्र कृषी दिनाच्या दिवशीच शेतकऱ्यांना आपल्या जमिनी वाचवण्यासाठी संघर्ष करावा लागला.

या महामार्गाला शेतकऱ्यांचा मोठा विरोध असतानाही शक्तीपीठ महामार्ग जबरदस्तीने लादला जात आहे. पर्याय महामार्ग आणि रस्ते असताना राज्यात कर्जबाजारी आणि भूमी शेतकरी असताना हा मार्ग कशासाठी असा प्रश्नच उपस्थित केला आहे. त्यामुळे शेतकरी आपली ताकद दाखवण्यासाठी राज्य शासनाकडून बारा जिल्ह्यातून जाणारा हा मार्ग रद्द व्हावा अशी शेतकऱ्यांची भूमिका आहे. या विरोधात रस्त्यावरचा संघर्ष शेतकरी उभा करत असून शक्तिपीठ महामार्ग संघर्ष समितीने कंबर कसली आहे.