कोल्हापूर : कोल्हापुरातील वादाची चांगलीच चर्चा होत आहे. पंचगंगा स्मशानभूमीत रक्षा विसर्जनाला वेळ का लावला ? या कारणावरून दोन गटात तुंबळ हाणामारी झाली. हाणामारी करताना अंत्यसंस्कारासाठी वापरलेल्या तिरडीच्या काठ्याचा वापर केल्याने स्मशानभूमीतील वातावरण तणावपूर्ण बनले होते. यामध्ये चौघे जण गंभीर जखमी झाले. विकास रामचंद्र गेजगे, निवास रामचंद्र गेजगे, सुनंदा दगडू बार्शी, पुजा दगडू पारशे अशी जखमींची नावे आहेत. अंत्यसंस्कारासाठी उशिरा आल्याच्या कारणावरून ही हाणामारी झाली असल्याचे पोलिसांनी सांगितले. या घटनेची नोंद लक्ष्मीपुरी पोलिस ठाण्यात झाली असून त्यांच्यावर गुन्हा दाखल करण्यात आला आहे.
याबाबतची अधिक माहिती अशी, गेजगे यांची बहीण अलका बाळू करडे (वय 60) यांचे मंगळवारी निधन झाले. रक्षा सावरण्यासाठी पंचगंगा स्मशानभूमीत गेजगे व पारसे कुटुंब आले होते. यादरम्यान करडे यांचा भाऊ व इतर नातेवाईक उपस्थित होते. यावेळी करडे यांच्या नंदेच्या मुलांनी व इतरांनी तुम्ही रक्षा विसर्जनाला वेळेत का आला नाही अशी विचारणा केली. यावरून हा वाद निर्माण झाला. शब्दाने शब्द वाढत गेल्याने हे प्रकरण हमरी तुमरीवर आले. नंतर दोन्ही गटाकडील लोकांनी स्मशानभूमीत तिरडीसाठी आणलेल्या काठ्या घेऊन एकमेकांना मारण्यास सुरुवात केली. त्यामुळे मशानभूमीत पळापळ सुरू झाली.
अखेर काही नागरिकांनी नातेवाईकांनी सर्वांना शांत केले. दरम्यान निवास गेजगे यांनी वैभव पाटील, शुभम पाटील, निलेश करडे, रेश्मा दत्ता भजनावळे आदींना सर्वांनी मारहाण केल्याचे तक्रारीत म्हटले आहे. एकमेकाला जाब विचारण्यावरून ही मारामारी झाली असल्याचे पोलिसांनी सांगितले. जखमींवर सीपीआरमध्ये उपचार सुरू आहेत. या सगळ्याची चर्चा जिल्हाभर व्हायला लागली. अंत्यदर्शनासाठी उपस्थित असलेल्या अनेकांनी यावर टीका केली आहे. झालेला प्रकार अत्यंत गंभीर आणि नींदनीय असून पोलीसांनी मारामारी करणाऱ्यांना ताब्यात घेतलं आहे.
Ans: ही घटना कोल्हापूर येथील पंचगंगा स्मशानभूमी परिसरात घडली.
Ans: रक्षा विसर्जनाला वेळेत न आल्याच्या कारणावरून दोन गटांत वाद झाला. साध्या प्रश्नोत्तरातून शब्दाने शब्द वाढत जाऊन हाणामारी झाली.
Ans: अंत्यसंस्कारासाठी आणलेल्या तिरडीच्या काठ्या उचलून एकमेकांना मारहाण करण्यात आली.
