Washim News: वाशिम जिल्ह्याच्या जलसाठ्यात वाढ; मध्यमप्रकल्पात २५.५६ टक्के जलसाठा
यंदाच्या पावसाळी हंगामाची सुरुवात महाबळेश्वरकरांसाठी आणि शेतकरी बांधवांसाठी काहीशी चिंतेची ठरली होती. संपूर्ण जून महिना जवळपास कोरडा गेला होता. २५ जूनच्या सुमारास पावसाने अगदी मंद गतीने हजेरी लावण्यास सुरुवात केली. मात्र, जुलै महिन्याचा पहिला आठवडा उजाडताच पावसाचे रूप पूर्णपणे बदलले. दोन महिन्यांतील पाऊस: १ जून ते ३१ जुलै या दोन महिन्यांच्या कालावधीत महाबळेश्वर येथे तब्बल ४१२७.६ मिलीमीटर (१६२.५० इंच) पाऊस नोंदवला गेला.
जुलैचा विक्रम: १ जुलै ते ३१ जुलै या केवळ एकाच महिन्यात ३७५५.०० मिलीमीटर (१४७.८३ इंच) पावसाची नोंद झाली. जुलैच्या पहिल्या सहा दिवसांतच पावसाने सर्वोच्च उच्चांकी गाठली होती.
सध्याची स्थिती: सध्या दररोज सरासरी ३ ते ४ इंच पाऊस कोसळत असून आज पावसाने ५०६९ मि मी ची पातळी ओलांडत द्विशतकाचा टप्पा पूर्ण केला आहे. गतवर्षाशी तुलना केली गेली तर गेल्या वर्षी आजच्या तारखेला महाबळेश्वरमध्ये सुमारे १५० इंच पाऊस झाला होता. या तुलनेत यंदा आजच्या तारखेला ४५ ते ५० इंचांपेक्षा जास्त पाऊस नोंदवला गेला आहे.
कमी वेळेत आणि सलग झालेल्या मुसळधार पावसामुळे महाबळेश्वर तालुक्यात आणि संपूर्ण घाटमाथ्यावर मोठ्या प्रमाणावर पडझडीचे प्रकार घडले आहेत. मुसळधार पावसामुळे महाबळेश्वर ते तापोळा हा मुख्य रस्ता खचला असून वाहतुकीसाठी अडथळे निर्माण झाले आहेत. याशिवाय अतिशय संवेदनशील मानल्या जाणाऱ्या आंबेनळी घाटात ठिकठिकाणी दरडी कोसळल्या आहेत, तर अनेक ठिकाणी भलीमोठी झाडे उन्मळून रस्त्यावर पडली आहेत.
अजूनही पावसाळी हंगामाचे सुमारे ४० ते ५० दिवस बाकी आहेत. जर पावसाचा हाच वेग आणि जोर कायम राहिला, तर या वर्षाअखेर एकूण पाऊस ३०० इंचांचा टप्पा सहज पार करेल आणि पावसाचे आजपर्यंतचे सर्व ऐतिहासिक रेकॉर्ड मोडीत निघून नवीन विक्रम प्रस्थापित होईल, असा अंदाज वर्तवला जात आहे. या पार्श्वभूमीवर घाटमाथ्यावरील संभाव्य धोके आणि दुर्घटना लक्षात घेता स्थानिक प्रशासनाने पूर्णपणे अलर्ट मोडवर राहणे अत्यंत गरजेचे बनले आहे.
सतत कोसळणाऱ्या मुसळधार पावसामुळे महाबळेश्वरची जीवन वाहिनी मानला जाणारा प्रसिद्ध ‘वेण्णा तलाव’ पूर्ण क्षमतेने भरून ओव्हरफ्लो झाला आहे. तलावाच्या सांडव्यातून वाहणारे पाणी पाहाण्यासाठी नागरिक गर्दी करत आहेत. याशिवाय महाबळेश्वरमधील पर्यटकांचे मुख्य आकर्षण असलेला ‘लिंगमळा धबधबा’ सध्या आपल्या रौद्र आणि नयनरम्य रूपात कोसळत आहे. डोंगर-दऱ्यांमधून वाहणारे लहान-मोठे धबधबे, सर्वत्र पसरलेली दाट धुक्याची चादर आणि हिरवागार निसर्ग यामुळे महाबळेश्वरचे सौंदर्य अधिकच खुलले आहे.
पावसाचा आणि या विलोभनीय निसर्गाचा आनंद लुटण्यासाठी राज्यभरातून पर्यटकांचे ताफे महाबळेश्वरमध्ये दाखल होत आहेत. विशेषतः शनिवार आणि रविवारच्या वीकेंडला पर्यटकांची मोठी रेलचेल पाहायला मिळत आहे. नवविवाहित दांपत्ये, तरुण-तरुणी आणि निसर्गप्रेमी मोठ्या संख्येने लिंगमळा धबधबा, वेण्णा लेक, केट्स पॉईंट, मेटगुताडचा प्रति मुशी डॅम आणि श्री क्षेत्र महाबळेश्वर मंदिर परिसरात हजेरी लावत आहेत. बाजारपेठेतही पर्यटकांच्या गर्दीमुळे उत्साहाचे वातावरण पाहायला मिळत आहे.
.png "Videos"){kind=small}
