#LiveBlogMarathi #BreakingNews #आजच्या_बातम्या
17 Dec 2025 12:55 PM (IST)
अंबरनाथमध्ये भाजप उमेदवार पवन वाळेकर यांच्या जनसंपर्क कार्यालयावर मध्यरात्री अज्ञातांनी 3–4 राऊंड गोळीबार केला. या हल्ल्यात सुरक्षारक्षक जखमी झाला असून घटना सीसीटीव्हीत कैद झाली आहे.
17 Dec 2025 12:51 PM (IST)
Nashik News: नाशिक जिल्हा सत्र न्यायालयाने शासकीय सदनिका लाटल्याप्रकरणी क्रीडामंत्री माणिकराव कोकाटे यांना ठोठावलेली दोन वर्षांची शिक्षा कायम ठेवली आहे. या प्रकरणात कोकाटे यांच्या अटकेसाठी सत्र न्यायालयात अर्ज दाखल करण्यात आल्याची माहिती आहे. दरम्यान, कॅबिनेट बैठकीपूर्वी माणिकराव कोकाटे यांचा फोन बंद लागत असल्याने राजकीय वर्तुळात चर्चांना उधाण आले आहे.
17 Dec 2025 12:45 PM (IST)
पहाटेच्या दाट धुक्यामुळे यमुना एक्स्प्रेस वेवर अनेक बस व कारची साखळी धडक झाली. वाहनांना आग लागून 13 जणांचा होरपळून मृत्यू झाला, तर 43 जण जखमी झाले. मृतांची ओळख डीएनए तपासणीतून पटवली जात आहे.
17 Dec 2025 12:40 PM (IST)
लातूरमध्ये पतीच्या चारित्र्यावरील संशय, सततचा मानसिक-शारीरिक छळ आणि दुसऱ्या महिलेसोबतचे चॅटिंग उघड झाल्याने नवविवाहितेने गळफास घेऊन आत्महत्या केली. पती व सासऱ्यावर गुन्हा दाखल.
17 Dec 2025 12:33 PM (IST)
पालघर तालुक्यातील नवापूर ग्रामपंचायतीचा ग्रामविकास अधिकारी राजेश संखे याला कृषी पर्यटनासाठी ना-हरकत दाखला देण्याच्या बदल्यात 20 हजार रुपयांची लाच स्वीकारताना ACB ने रंगेहात अटक केली
17 Dec 2025 12:05 PM (IST)
काँग्रेसचे दिवंगत नेते राजीव सातव यांच्या पत्नी आमदार प्रज्ञा सातव यांचा भाजप प्रवेश ठरल्याची माहिती आहे. प्रज्ञा सातव यांचा उद्याच (18 डिसेंबर) भाजप प्रवेश होणार असल्याची माहिती आहे
17 Dec 2025 12:00 PM (IST)
पुणे पुस्तक महोत्सवाला आज राज्याचे सांस्कृतिक मंत्री आशिष शेलार यांनी भेट दिली.यावेळी संयोजक राजेश पांडे यांनी त्याचे स्वागत केले. राज्यात अनेक विविध महोत्सव होत असतात. पण पुणे पुस्तक महोत्सवाने आपले वेगळपण जपले असुन पुण्यात वाचन चळवळ जिंवत ठेवण्याचे काम या महोत्सवाने केले आहे. असे मत शेलार यांनी यावेळी व्यक्त केले.
17 Dec 2025 11:50 AM (IST)
महापालिका निवडणूका जाहीर झाल्यानंतर सर्वच राजकीय पक्ष जोरदार तयारीला लागले आहेत. राष्ट्रवादी अजित पवार गटाने मुंबईमध्ये 50 जागा लढवण्याचा निर्णय घेतला असून या संदर्भात बैठक देखील पार पडली. याचबरोबर नवाब मलिक यांच्याकडे राष्ट्रवादीचे मुंबई नेतृत्व असणार आहे. मात्र यासाठी भाजपचा विरोध कायम असणार आहे.
17 Dec 2025 11:40 AM (IST)
माणिकराव कोकाटे यांच्याविरोधात आज अटक वॉरंट निघण्याची शक्यता आहे. मंगळवारी झालेल्या सुनावणीवेळी नाशिक जिल्हा न्यायालयाने सदनिका घोटाळाप्रकरणातील त्यांची दोन वर्षांची शिक्षा कायम ठेवली आहे. त्यामुळे माणिकराव कोकाटे यांच्या मंत्रिपदावर टांगती तलवार आहे.
17 Dec 2025 11:30 AM (IST)
स्थानिक स्वराज्य संस्थांच्या निवडणुकांमध्ये स्थानिक समीकरणांप्रमाणे युती केली जाते. मुरुडमध्ये शिवसेना शिंदे गट आणि कॉंग्रेस पक्षामध्ये युती झाली आहे. मात्र कॉंग्रेससोबतच्या युतीवर नाराजी व्यक्त करत एकनाथ शिंदे यांनी शिवसेनेमध्ये बंडखोरी केली. त्यामुळे आता झालेल्या युतीवर शिवसेना ठाकरे गटाने टीका केली. अंबादास दानवे यांनी लिहिले आहे की, धारशिवच्या उमरगा नंतर सादर आहे शिंदे-काँग्रेस युतीचे नवे पर्व, 'द मुरुड फाईल्स'. शिंदेंची अंतुलेना साथ.. बाण-पंजा एक साथ.. यंदा 'बाळासाहेबांचे विचार' खुंटीऐवजी थेट समुद्रात का मग? असा सवाल अंबादास दानवे यांनी विचारला.
धारशिवच्या उमरगा नंतर सादर आहे शिंदे-काँग्रेस युतीचे नवे पर्व, 'द मुरुड फाईल्स'.
शिंदेंची अंतुलेना साथ..
बाण-पंजा एक साथ..यंदा 'बाळासाहेबांचे विचार' खुंटीऐवजी थेट समुद्रात का मग, @mieknathshinde जी? @AmitShah pic.twitter.com/lrGNfKiLq8
— Ambadas Danve (@iambadasdanve) December 17, 2025
17 Dec 2025 11:20 AM (IST)
उद्धव ठाकरे यांची शिवसेना आणि महाराष्ट्र नवनिर्माण सेना यांच्यात जागावाटपासंदर्भातील चर्चा अंतिम टप्प्यात आल्या आहेत. मुंबई ही अतिशय महत्वाची आहे, कालही आमची सविस्तर चर्चा झाली आणि बहुतेक आज या चर्चेला पूर्णविराम मिळेल. कालही बराच वेळ मनसे आणि शिवसेनेचे नेते हे अंतिम चर्चेसाठी बसले, आज मुंबईचा विषय संपेल अशी अपेक्षा आहे. चर्चा, येत्या 1-2 दिवसांत सगळं फायनल झाल्यावर उद्धव ठाकरे आणि राज हे बसून बोलतील. तुम्हाला ज्या घोषणेची (युतीच्या) उत्सुकता आहे, ती घोषणा होईल, असे विधान खासदार संजय राऊत यांनी केले.
17 Dec 2025 11:10 AM (IST)
राजकीय घराणेशाहीचा वारसा असलेल्या देशमुख कुटुंबातून असलेल्या व्यक्तीने बॉलीवुडमध्ये स्वतःची वेगळी ओळख निर्माण करणारा अभिनेता म्हणजे रितेश देशमुख. प्रत्येक मराठी माणसाच्या घरामध्ये आणि हिंदी चित्रपटसृष्टीमध्ये घर करणारा अभिनेता रितेशचा आज वाढदिवस. अनेक हिंदी चित्रपटांमध्ये कॉमेडी भूमिका साकारणाऱ्या रितेशने 2014 साली मराठी चित्रपटसृष्टीकडे आपला मोर्चा वळवला. ‘लय भारी’, ‘माऊली’, ‘वेड’ सारख्या मराठी चित्रपटातून त्याने मराठी प्रेक्षकांची मने जिंकली. आता तो मराठी बिग बॉसचे सूत्रसंचालन देखील करतो. मराठी बाणा जपणाऱ्या अभिनेता रितेश देशमुखवर वाढदिवसाच्या शुभेच्छांचा वर्षाव होत आहे.
17 Dec 2025 10:43 AM (IST)
Donald Trump Praises India : वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी पुन्हा भारतविरोधी धोरणात बदल केल्याने चर्चेत आले आहे. काही दिवसांपीर्वी ट्रम्प यांनी भारतावर टॅरिफ वाढवले होते. तसेच अनेक आंतरराष्ट्रीय उपक्रमांपासून भारताला दूर ठेवले होते. यामुळे भारत आणि अमेरिका संबंधामधये तणावपूर्ण वातावरण निर्माण झाले होते. मात्र आता ट्रम्प यांचे सूर अचानक बदलले असून त्यांनी पंतप्रधान नरेंद्र मोदी (Narendra Modi) यांच्यावर कौतुकांचा वर्षाव केला आहे. त्यांच्या या व्यक्तव्यामुळे आंतरराष्ट्रीय राजकीय वर्तुळात पुन्हा एकदा गोंधळ उडाला आहे.
17 Dec 2025 10:18 AM (IST)
Pune Weather Update
17 Dec 2025 10:05 AM (IST)
अकोल्यात बोलताना भाजपचे माजी महानगराध्यक्ष अशोक ओळंबे यांनी भाजपवर गंभीर आरोप केले आहेत. ‘आम्हाला निवडून दिले नाही तर लाडकी बहिणीचा १५०० रुपयांचा निधी बंद होईल,’ असे सांगून भाजपकडून मतदारांचे ब्लॅकमेलिंग केले जात असल्याचा आरोप त्यांनी केला.
अशोक ओळंबे हे अकोल्यातून भाजपकडून विधानसभा निवडणूक लढवण्यास इच्छूक होते; मात्र तिकीट न मिळाल्याने त्यांनी अपक्ष निवडणूक लढवली. यामुळे भाजपची मते विभागली गेली आणि त्याचा फायदा काँग्रेसला झाला. निवडणुकीनंतर भाजपकडून ओळंबे यांच्यावर निलंबनाची कारवाई करण्यात आली. सध्या ते काँग्रेसमध्ये कार्यरत असून महापालिका आणि जिल्हा परिषद निवडणुकांत काँग्रेसच्या विजयासाठी प्रयत्न करत आहेत. प्रचारादरम्यान त्यांनी भाजपवर तीव्र टीका केली.
17 Dec 2025 10:00 AM (IST)
चंद्रपूर : शेतकऱ्यांना अनेक प्रश्न भेडसावत असतात. शेतीसाठी बँका अथवा खाजगी सावकाराकडून कर्ज घेतले जाते. मात्र, त्याची परतफेड करता आली नाहीतर अनेक अडचणी येतात. अशीच परिस्थिती असल्याने शेतकऱ्याने चक्क स्वत:ची किडनी विकल्याचा धक्कादायक प्रकार नागभीड तालुक्यातील मिंथूर येथे घडला. एक लाखाचे कर्ज 74 लाखांवर पोहोचले असून, किडनी विकूनही कर्जाची परतफेड मात्र झाली नसल्याचेही उघडकीस आले आहे.
17 Dec 2025 09:55 AM (IST)
बीडच्या आंबाजोगाईत नृत्याची आवड असलेल्या तरुणीला कलाकेंद्रात काम व पैशाचे आमिष दाखवून आणत तिच्यावर सामूहिक बलात्कार केल्याची धक्कादायक घटना उघडकीस आली आहे. याप्रकरणी पीडितेच्या आईने बारामती तालुका पोलीस ठाण्यात तक्रार दाखल केली असून एका महिलेसह चार जणांविरोधात गुन्हा नोंदवण्यात आला आहे. सदर गुन्हा आंबाजोगाई ग्रामीण पोलीस ठाण्यात वर्ग करण्यात आला असून पुढील तपास सुरू आहे. या घटनेमुळे बारामतीसह बीड जिल्ह्यात खळबळ उडाली आहे.
17 Dec 2025 09:50 AM (IST)
वादग्रस्त वक्तव्यांमुळे चर्चेत राहिलेले आणि अधिवेशनादरम्यान सभागृहात रमी खेळत असल्याच्या आरोपानंतर कृषीमंत्रीपद गमावलेले अजित पवार गटाचे नेते माणिकराव कोकाटे यांचे मंत्रिपद दुसऱ्यांदा धोक्यात आले आहे. नाशिक जिल्हा न्यायालयाने सदनिका घोटाळा प्रकरणात प्रथम वर्ग न्यायालयाचा दोषी ठरवणारा निकाल कायम ठेवत कोकाटे यांना दोन वर्षांची शिक्षा सुनावली आहे.
17 Dec 2025 09:45 AM (IST)
Ambernath Crime: अंबरनाथ येथून गोळीबाराची एक घटना समोर आली आहे. भारतीय जनता पार्टीचे उमेदवार पवन वाळेकर पॅनल क्रमांक चार यांच्या कार्यालयावरती गोळीबार झाल्याची घटना मध्यरात्रीच्या सुमारास घडली आहे. भाजपच्या उमेदवाराच्या कार्यालयावर गोळीबार करून दहशत पसरवण्याचा प्रयत्न करण्यात आला आहे. ही घटना सीसीटिव्ही कॅमेऱ्यात कैद झाली आहे. ही घटना मध्यरात्री १२ वाजण्याच्या सुमारास घडल्याची माहिती समोर आली आहे. आता राज्यात निवडणुकांची जोरदार तयारी सुरु आहे आणि झालेल्या या हल्ल्यामुळे शहरात खळबळ उडाली आहे.
17 Dec 2025 09:39 AM (IST)
बारामती येथील एका मुलीला काम व पैशाचे आमिष दाखवून आंबेजोगाईत आणत तिच्यावर सामूहिक बलात्कार केल्याचा धक्कादायक प्रकार उघडकीस आला आहे. नृत्याची आवड असलेल्या या मुलीला कलाकेंद्रात काम देण्याच्या बहाण्याने आणून अत्याचार करण्यात आल्याचा आरोप आहे. याप्रकरणी पीडितेच्या आईने बारामती तालुका पोलीस ठाण्यात तक्रार दाखल केली असून एका महिलेसह चार जणांविरोधात गुन्हा नोंदवण्यात आला आहे. सदर गुन्हा अंबेजोगाई ग्रामीण पोलीस ठाण्यात वर्ग करण्यात आला असून पुढील तपास सुरू आहे. या घटनेमुळे बारामतीसह बीड जिल्ह्यात खळबळ उडाली आहे.
17 Dec 2025 09:38 AM (IST)
Nagpur News : महापालिका निवडणुकीसाठी महाविकास आघाडीत एकमत होत आहे. ही निवडणूक सोबत लढण्यावर चर्चेची एक फेरी पूर्ण झाली असून, काँग्रेसने यावर सकारात्मकता दाखवली. राष्ट्रवादी शरद पवार गट व ठाकरे सेनेकडूनही तसे संकेत मिळाले. त्यामुळे तूर्तास महायुतीत जागावाटपावरून खलबत होत नसताना महाविकास आघाडीतील एकीमुळे निवडणुकीत रंगत येईल, असे चित्र आहे.
17 Dec 2025 01:00 AM (IST)
Pimpri-Chinchwad News: भोसरी प्रभाग क्रमांक सहा मध्ये पूर्वी एकत्र असणारे मात्र सध्या वेगवेगळ्या पक्षात प्रवेश केलेले रवी लांडगे आणि राजेंद्र लांडगे यांच्या पॅनल मध्ये जोरदार फाईट होणार आहे. भारतीय जनता पार्टीचे नेते दिवंगत अंकुश लांडगे यांचे पुतणे रवी लांडगे आणि विद्यमान आमदार महेश लांडगे (Mahesh Landge) यांचे कट्टर समर्थक राजेंद्र लांडगे यांच्या पॅनल असणार आहे. या प्रभागात राष्ट्रवादी, शिवसेना नेते एकत्र लढतील असे चित्र दिसत आहे. 2017 च्या निवडणुकीप्रमाणे प्रभाग “रचना जैसे थे” आहे.
Maharashtra Breaking News Live: Politics, Crime, Weather: राज्यातील २९ महानगरपालिकांच्या निवडणुकांचे बिगुल वाजल्यानंतर राजकीय हालचालींना वेग आला आहे. मुंबई महानगरपालिका निवडणुकीच्या पार्श्वभूमीवर एकनाथ शिंदे यांची शिवसेना आणि उद्धव ठाकरे यांची शिवसेना पहिल्यांदाच थेट आमनेसामने येणार असल्याने राजकीय वातावरण तापले आहे. या निवडणुकीत दोन्ही शिवसेनांची प्रतिष्ठा पणाला लागली आहे. दरम्यान, उद्धव ठाकरे यांच्या शिवसेनेनं नवी रणनीती आखली असून उमेदवार निवडीत ७० टक्के नव्या तरुण चेहऱ्यांना संधी देण्याचा निर्णय घेतला आहे. युवा सेनेतील अनेक कार्यकर्ते मुंबई महापालिका निवडणुकीत उमेदवार म्हणून मैदानात उतरण्याची शक्यता आहे.
.png "Videos"){kind=small}
