SIR Voter List
Voter List 2026 : आगामी निवडणुकांच्या पार्श्वभूमीवर मतदार यादीत पात्र नागरिकांची नावं समाविष्ट व्हावीत, यासाठी महाराष्ट्रात विशेष मोहीम राबवण्यात येत आहे. मुख्य निवडणूक अधिकारी, महाराष्ट्र आणि भारत निवडणूक आयोगाच्या वतीने 17, 18, 24 आणि 25 ऑक्टोबर 2026 रोजी राज्यातील सर्व मतदान केंद्रांवर विशेष शिबिरांचं आयोजन करण्यात आलं आहे. या संधीचा लाभ घेऊन नागरिकांनी मतदार यादीतील आपलं नाव तपासावं आणि आवश्यक असल्यास 26 ऑक्टोबरपर्यंत दावे व हरकती सादर कराव्यात, असं आवाहन करण्यात आलं आहे.
या मोहिमेसाठी राज्यातील 36 जिल्हा निवडणूक अधिकारी, 288 मतदार नोंदणी अधिकारी, 7,100 सहायक मतदार नोंदणी अधिकारी आणि 1 लाख 253 केंद्रस्तरीय अधिकारी कार्यरत आहेत. शिबिरांदरम्यान मतदान केंद्रांवर अधिकारी उपस्थित राहून नागरिकांना नोंदणी, दुरुस्ती आणि अर्ज भरण्याबाबत मार्गदर्शन करतील.
मतदार नोंदणी किंवा अर्ज प्रक्रियेत अडचण आल्यास नागरिकांनी ‘1950’ या हेल्पलाइन क्रमांकावर संपर्क साधावा. जिल्हानिहाय मदत केंद्रांची माहिती मुख्य निवडणूक अधिकारी, महाराष्ट्र यांच्या अधिकृत संकेतस्थळावर उपलब्ध आहे.
मतदार यादीतील नाव आणि तपशील वेळेत तपासून आवश्यक अर्ज सादर केल्यास पुढील प्रक्रियेत अडचणी टाळता येऊ शकतात. त्यामुळे पात्र नागरिकांनी विशेष शिबिरांचा लाभ घ्यावा आणि निर्धारित मुदतीत आपले दावे व हरकती नोंदवाव्यात.
Ans: 17, 18, 24 आणि 25 ऑक्टोबर 2026 रोजी राज्यातील सर्व मतदान केंद्रांवर विशेष शिबिरांचं आयोजन करण्यात आलं आहे.
Ans: नवीन मतदार नोंदणीसाठी नमुना अर्ज क्रमांक 6 भरता येतो.
Ans: नागरिक ‘1950’ या मतदार हेल्पलाइन क्रमांकावर संपर्क साधू शकतात.
.png "Videos"){kind=small}
