SIR Voter List: मतदार यादीतून नाव वगळले? पुन्हा नाव नोंदवण्याची संधी; मात्र मतदारांच्या अनास्थेमुळे BLO हैराण!

SIR Voter List: एसआयआर अर्थात विशेष सखोल पुनरीक्षण मोहिमेच्या दुसऱ्या टप्प्यात जिल्हा प्रशासनासमोर मोठे आव्हान निर्माण झाले आहे. जिल्ह्यातील १५ विधानसभा मतदारसंघांमध्ये तब्बल १० लाख २७ हजार मतदारांची नावे स्थलांतर, मृत्यू, दुबार नोंदणी यांसह विविध कारणांमुळे प्रारूप मतदार यादीतून वगळण्यात आली आहेत.

• मतदार यादीतून नाव वगळले?
• निवडणूक आयोगाच्या विशेष शिबिरांना अत्यल्प प्रतिसाद
• मतदानाच्या हक्कावर टांगती तलवार

SIR Voter List: नाशिक प्रारूप मतदार यादीतून नावे वगळलेल्यांना पुन्हा पुरावे सादर करून मतदार यादीमध्ये नाव समाविष्ट करण्याची संधी असतानाही बहुतांश मतदारांमध्ये मात्र याबाबत अनास्था दिसून येत आहे. एसआयआर अर्थात विशेष सखोल पुनरिक्षण मोहिमेचा जिल्ह्यात सध्या दुसरा टप्पा सुरु आहे. या टप्यात प्रशासनासमोर मोठा पेच निर्माण झाल्याचे दिसून येत आहे. नावे वगळलेल्यांना नोटीसा बजावून तसेच विशेष शिबिरे घेऊनही मतदार प्रतिसाद देत नसल्याने बीएलओंपुढे कामे पूर्ण कशी करायची, असा प्रश्न निर्माण झाला आहे. (SIR Voter List)

जिल्ह्यातील १५ विधानसभा मतदारसंघात तब्बल १० लाख २७ हजार मतदारांची नावे प्रारूप यादीतून विविध कारणांमुळे वगळण्यात आली आहेत. स्थलांतर, मयत, दुबार नोंदणी, अशा कारणांचा यात समावेश आहे. मात्र, यातील अनेक मतदारांचे आक्षेप किंवा पुरावे तपासल्याशिवाय मतदार यादीमधून नावे कायमस्वरूपी वगळता येणार नाहीत. त्यामुळे निवडणूक आयोगाने या मतदारांना आवश्यक पुरावे सादर करून मतदारयादीमध्ये समाविष्ट होण्याची पुन्हा संधी उपलब्ध करून दिली आहे.

SIR आंदोलनात आता सोनम वांगचुक यांची एंट्री! उद्यापर्यंत नेत्यांना सोडलं नाही तर… सरकारला दिला मोठा इशारा

केंद्रनिहाय विशेष शिबिरांचे आयोजन

जिल्हा प्रशासनाकडून गेल्या एक महिन्यापासून मतदारसंघनिहाय आणि मतदान केंद्रनिहाय विशेष शिबिरांचे आयोजन केले जात आहे. शनिवार आणि रविवार बीएलओना मतदान केंद्रावर उपस्थित राहून नवमतदार नोंदणी, पत्त्यात किंवा नावात दुरुस्ती आणि नोटीस बजावलेल्या मतदारांचे कागदपत्रे तपासण्याचे आदेश आहेत. १२ ऑक्टोबरपर्यंत आवश्यक पुरावे सादर करून नाव समाविष्ट करण्याची शेवटची राहणार आहे. मात्र, प्रत्यक्षात शिबिरांना अत्यल्प प्रतिसाद मिळत असून शनिवारी शहरात झालेल्या शिबिरातही फारसे मतदार फिरकलेच नाहीत. वारंवार फोन करून, घरी जाऊन संपर्क करूनही मतदार प्रतिसाद देत नसल्याची कैफियत बीएलओंनी मांडली आहे. दुसरीकडे, एकही पात्र मतदार मतदानाच्या हक्कापासून वंचित राहणार नाही, अशा पद्धतीने काम करण्याच्या सक्त सूचना देण्यात आले आहे.

अखेर ६५ हजार नवमतदारांची नोंदणी पूर्ण

शिबिराच्या माध्यमातून १ ऑक्टोबर २०२६ रोजी किंवा त्यापूर्वी वयाची १८ वर्ष पूर्ण केलेल्या पात्र युवकांनाही मतदार म्हणून नोंदणीची संधी उपलब्ध करून देण्यात आली आहे. आतापर्यंतच्या प्राप्त आकडेवारीनुसार ६५ हजार नवीन मतदारांनी नमुना ६ भरून नोंदी पूर्ण करून घेतली हा अजून वाढण्याची शक्यता आहे.

SIR आंदोलनाचा देशभर भडका! मुंबईपासून दिल्लीपर्यंत राजकीय घमासान, आता काँग्रेसने आखली देशव्यापी रणनीती