Akola News: ठाकरेंना मोठा धक्का: अकोल्यात शिवसेना ठाकरे गटाला खिंडार; जिल्हाध्यक्षांसह ४ नगरसेवकांचा राजीनामा

अकोल्यात शिवसेना UBT ला मोठे खिंडार पडले असून जिल्हाध्यक्षांसह ४ नगरसेवकांनी पक्षाचा सामूहिक राजीनामा दिला आहे. हे सर्व नेते मुख्यमंत्री एकनाथ शिंदे यांच्या नेतृत्वाखालील शिवसेनेत सामील झाल्याने ठाकरेंना मोठा धक्का बसला

• ठाकरे गटाच्या विद्यमान जिल्हाध्यक्षांसह चार नगरसेवकांनी शिवसेना गट सोडून शिवसेना शिंदे गटात प्रवेश
• जिल्हाध्यक्ष आणि चार नगरसेवकांनी शिंदे गटात प्रवेश केल्यानंतर आता अकोल्यात ठाकरे गटाकडे फक्त दोनच नगरसेवक
• शिवसेना शिंदे गटानेही महानगरपालिका निवडणूक स्वतंत्रपणे लढवली होती, पण त्यांना फक्त एक जागा जिंकता आली.

Shiv Sena UBT Resignation: अकोला महानगरपालिका निवडणुकीची रणधुमाळी संपून अवघा काही अवधी लोटला आहे. अशातच अकोल्याच्या राजकीय वर्तुळातून एक धक्कादायक बातमी समोर आली आहे. शिवसेना ठाकरे गटाला अकोल्यात मोठा धक्का बसला आहे. ठाकरे गटाच्या विद्यमान जिल्हाध्यक्षांसह चार नगरसेवकांनी शिवसेना गट सोडून शिवसेना शिंदे गटात प्रवेश केला आहे. मंगळवारी (१७ मार्च) रात्री मुंबईत अकोला शिवसेना ठाकरे गटाच्या जिल्हाध्यक्षांसह चार नगरसेवकांनी शिंदे गटात प्रवेश केला. ही बातमी अकोल्याच्या राजकीय वर्तुळात पसरल्यानंतर एकच खळबळ उडाली आहे.

जिल्हाध्यक्ष आणि चार नगरसेवकांनी शिंदे गटात प्रवेश केल्यानंतर आता अकोल्यात ठाकरे गटाकडे फक्त दोनच नगरसेवक उरले आहेत. त्यानतंर आता अकोल्याच्या ८० सदस्यीय महानगरपालिकेतील त्यांचे संख्याबळ जवळपास संपुष्टात आले आहे. उपमुख्यमंत्री एकनाथ शिंदे यांच्या उपस्थितीत,ठाकरे गटाचे जिल्हाध्यक्ष मंगेश काळे आणि चार नगरसेवक, मनोज पाटील, सागर भारुका, सोनाली सरोदे आणि सुरेखा काळे हे सर्वजण शिवसेना शिंदे गटात सामील झाले.

Meta च्या ‘या’ घोषणेमुळे 3,000,000,000 इन्स्टाग्राम युजर्सची Privacy धोक्यात, काय आहेत नेमकं बद्दल?

अकोला महानगरपालिका निवडणुकीत, महाविकास आघाडीपासून वेगळे झालेल्या शिवसेना ठाकरे गटाने ५४ जागांवर स्वतंत्रपणे निवडणूक लढवली. त्यात त्यांनी सहा जागा जिंकल्या. पण चार नगरसेवकांच्या फुटीमुळे आता आता महापालिकेत ठाकरे गटाचे फक्त २ नगरसेवक उरले आहेत.

शिवसेना शिंदे गटाचा प्रभाव वाढला

शिवसेना शिंदे गटानेही महानगरपालिका निवडणूक स्वतंत्रपणे लढवली होती, पण त्यांना फक्त एक जागा जिंकता आली. भाजपसोबत सत्तेत आल्यानंतर, चार नवीन नगरसेवकांच्या समावेशामुळे शिंदे गटाचे संख्याबळ पाच झाले असून, महानगरपालिकेत त्यांचा प्रभाव वाढला आहे.

Maharashtra Rain Alert: सणाच्या दिवशी पण पाऊस! पुणे शहरात वरूणराजाने लावली हजेरी

शिवसेनेच्या ठाकरे गटात फक्त दोन नगरसेवक उरले

यावेळी नगरपालिका निवडणुकीत चित्र बदलण्याचा प्रयत्न करणाऱ्या ठाकरे गटाला अपेक्षित यश मिळाले नाही. ठाकरे गटाने ५४ जागांवर निवडणुका लढवल्या. पण केवळ सहा जागा जिंकल्या, तर अनेक जागांवर त्यांना थोड्या फरकाने पराभव पत्करावा लागला. या सहापैकी चार नगरसेवकांनी आता गट सोडला असून, ठाकरे गटाकडे अकोल्यात फक्त दोन नगरसेवक उरले आहेत. यामध्ये नगरसेवक अभय खुमकर आणि विजय इंगळे यांचा समावेश आहे.

मंगेश काळे यांची जिल्हाप्रमुखपदी नियुक्ती होणार?

या राजकीय घडामोडीशी संबंधित माहितीनुसार, शिवसेनेच्या ठाकरे गटाचे जिल्हाप्रमुख मंगेश काळे यांची आता शिवसेनेच्या शिंदे गटाच्या जिल्हाप्रमुखपदी नियुक्ती होण्याची चर्चा आहे. नगरसेवकांना त्यांच्या संबंधित विभागांच्या विकासासाठी भरीव निधी मिळू शकतो, असेही सांगितले जात आहे.