मायणीत नागपंचमीचा उत्साह; नागदेवतेच्या पूजेसाठी भाविकांची मोठी गर्दी

Mayani Nag Pancham celebration : मायणीत नागपंचमीचा सण भक्तिभाव, उत्साह आणि पारंपरिक पद्धतीने साजरा करण्यात आला. चांदीच्या व मातीच्या नागोबांच्या मूर्तींची पूजा, ढोल-ताशांच्या गजरात नगरप्रदक्षिणा तसेच मंदिरांमध्ये भाविकांची मोठी गर्दी पाहायला मिळाली.

• मायणीत नागपंचमीचा उत्साह
• नागदेवतेच्या पूजेसाठी भाविकांची मोठी गर्दी
• परंपरा आणि भक्तीचा अनोखा संगम

मायणी : श्रावण महिन्यातील पहिला सण आणि नागदेवतेच्या पूजेचा पवित्र दिवस म्हणून साजरी होणारी नागपंचमी मायणीत भक्तिभावाने, उत्साहाने आणि पारंपरिक पद्धतीने साजरी करण्यात आली. यंदा नागपंचमीचा योग श्रावणातील पहिल्या सोमवारी आल्याने मायणीतील पुरातन आणि ऐतिहासिक हेमाडपंथी महादेव मंदिर परिसरात भाविकांनी महादेवाचे दर्शन घेण्यासाठी तसेच नागदेवतेची पूजा करण्यासाठी भाविकांची गर्दी झाली होती.

‘महा वॉकेथॉन-वॉक फॉर वॉटर’मध्ये मोठ्या संख्येने सहभागी व्हा; देवेंद्र फडणवीस यांचे आवाहन

येथील श्री संत सेना महाराज नाभिक मंडळाच्या वतीने नागपंचमीच्या दिवशी सकाळी मातीच्या तसेच चांदीच्या नागोबांच्या मूर्तीची विधिवत प्रतिष्ठापना करण्यात आली. पूजा-अर्चा आणि धार्मिक विधी पार पडल्यानंतर या दोन्ही नागोबांच्या मूर्तींची ढोल-ताशांच्या गजरात, वाजत-गाजत आणि जयघोषात नगर प्रदक्षिणा काढण्यात आली.त्यानंतर धनगर विठोबा मंदिर व पुरातन हेमाडपंती महादेव मंदिरातील नागोबा मंदिरात चांदीच्या नागोबासह मातीपासून तयार केलेल्या नागोबाच्या प्रतिमेची विधिवत पूजा करण्यात आली.

भाविकांनी महादेवाला जलाभिषेक करून बेलपत्र, फुले आणि इतर पूजासाहित्य अर्पण केले. नागदेवतेला दूध, लाह्या, दुर्वा, फुले आदी अर्पण करून महिलांनी पारंपरिक पद्धतीने नागपंचमीची पूजा केली.नाभिक समाजाच्या पुढाकाराने जपली जाणारी ही परंपरा केवळ धार्मिक विधी नसून मायणीच्या सांस्कृतिक आणि सामाजिक एकतेचे प्रतीक मानले जाते. भाविकांच्या गर्दीमुळे संपूर्ण परिसर गजबजून गेला होता. विविध मंदिरांमध्ये व सार्वजनिक ठिकाणी महिला झिम्मा फुगडी फेर आदी खेळ खेळताना दिसत होत्या.

औरंगजेबाच्या तावडीतून सुटका अन् स्वराज्याची गरुडझेप! आग्र्यात घुमला छत्रपती शिवाजी महाराजांच्या शौर्याचा जयघोष