Senior Citizen Rehabilitation : MDL च्या CSR उपक्रमांतर्गत वांद्रे येथे PMD-VK केंद्राचे उद्घाटन

Senior Citizen Rehabilitation : मुंबईतील वांद्रे येथील AYJNISHD परिसरात माझगाव डॉक शिपबिल्डर्स लिमिटेडच्या (MDL) CSR उपक्रमांतर्गत प्रधानमंत्री दिव्याशा केंद्राचे (PMD-VK) उद्घाटन करण्यात आले. या केंद्रासाठी MDL ने ₹3.79 कोटींचे अर्थसहाय्य दिले आहे.

• दिव्यांग व्यक्ती आणि ज्येष्ठ नागरिकांना विविध प्रकारची सहाय्यक उपकरणे 
• शिक्षण, रोजगार आणि सामाजिक जीवनात अधिक सक्रिय सहभाग घेता येईल  
• सहाय्यक तंत्रज्ञान आणि पुनर्वसनविषयक उपाययोजना पोहोचवणे  

Senior Citizen Rehabilitation : दिव्यांग व्यक्ती आणि ज्येष्ठ नागरिकांसाठी सहाय्यक तंत्रज्ञान व पुनर्वसन सेवा अधिक सुलभ करण्याच्या दिशेने एक महत्त्वपूर्ण पाऊल म्हणून, माझगाव डॉक शिपबिल्डर्स लिमिटेड (MDL) यांच्या कॉर्पोरेट सामाजिक दायित्व (CSR) उपक्रमांतर्गत मुंबईतील वांद्रे येथील AYJNISHD परिसरात प्रधानमंत्री दिव्याशा केंद्राचे (PMD-VK) उद्घाटन करण्यात आले आहेत.

या केंद्रामार्फत सहाय्यक उपकरणे आणि साधने उपलब्ध करून देण्यासाठी MDL ने ₹3.79 कोटींचे CSR अर्थसहाय्य दिले आहे. या उपक्रमात MDL आणि कृत्रिम अवयव निर्माण निगम (ALIMCO) यांचा सहभाग आहे. ALIMCO हा दिव्यांगजन सक्षमीकरण विभाग (DEPwD), सामाजिक न्याय व अधिकारिता मंत्रालय, भारत सरकार यांच्या अंतर्गत कार्यरत असलेला मिनीरत्न श्रेणी-II केंद्रीय सार्वजनिक क्षेत्रातील उपक्रम आहे. योग्य सहाय्यक साधनांपर्यंत पोहोच वाढवणे आणि लाभार्थ्यांना स्वावलंबी जीवन जगण्यासाठी प्रोत्साहन देणे, हा या संयुक्त उपक्रमाचा प्रमुख उद्देश आहे.

दिव्यांग व्यक्ती आणि ज्येष्ठ नागरिकांना विविध प्रकारची सहाय्यक उपकरणे

वांद्रे येथील PMD-VK केंद्रामार्फत भारत सरकारच्या संबंधित योजनांनुसार गरजू दिव्यांग व्यक्ती आणि ज्येष्ठ नागरिकांना विविध प्रकारची सहाय्यक उपकरणे व साधने उपलब्ध करून दिली जातील. या केंद्रात मोटारचलित ट्रायसायकली, व्हीलचेअर्स, श्रवणयंत्रे, सुगम्य काठ्या, चालण्यासाठीच्या काठ्या आणि दिव्यांग व्यक्तींसाठी इतर गतिशीलता व सहाय्यक उपकरणे उपलब्ध असतील.

ज्येष्ठ नागरिकांसाठीही व्हीलचेअर-कमोड, आसनाची सुविधा असलेल्या चालण्याच्या काठ्या, कंबरेसाठीचे LS बेल्ट, गुडघ्यांचे ब्रेस, पाठीच्या कण्याला आधार देणारी साधने आणि दैनंदिन जीवन सुलभ करण्यासाठी इतर सहाय्यक उपकरणे उपलब्ध करून दिली जातील.

Mumbai Ayodhya Special Train 2026 : मध्य रेल्वेचा स्वच्छता पंधरवाडा उत्साहात संपन्न  

याशिवाय, या केंद्रात कृत्रिम अवयवांच्या निर्मितीसाठी 3D स्कॅनिंगची सुविधा उपलब्ध असेल. या तंत्रज्ञानाच्या मदतीने डिजिटल पद्धतीने मोजमाप व मूल्यमापन करून, वैद्यकीयदृष्ट्या योग्य ठिकाणी लाभार्थ्यांच्या गरजेनुसार कृत्रिम अवयवांची रचना करता येईल. यामुळे कृत्रिम अवयवांची अचूकता वाढण्यास, त्यांचा योग्य आकार व आरामदायी वापर सुनिश्चित करण्यास आणि पुनर्वसनाचे परिणाम सुधारण्यास मदत होण्याची अपेक्षा आहे.

शिक्षण, रोजगार आणि सामाजिक जीवनात अधिक सक्रिय सहभाग घेता येईल

या सहाय्यक उपकरणांच्या उपलब्धतेमुळे दिव्यांग व्यक्तींना हालचालींमधील आणि दैनंदिन कार्यांमधील अडचणींवर मात करण्यास मदत होईल. तसेच शिक्षण, रोजगार आणि सामाजिक जीवनात अधिक सक्रिय सहभाग घेता येईल आणि स्वावलंबी उपजीविकेच्या संधी साधता येतील.

ज्येष्ठ नागरिकांसाठी ही उपकरणे सुरक्षितपणे हालचाल करण्यास, दैनंदिन कामे अधिक सहजतेने पार पाडण्यास आणि नियमित जीवनातील विविध क्रियांसाठी इतरांवरील अवलंबित्व कमी करण्यास मदत करतील. परिणामी, त्यांचे स्वातंत्र्य, आत्मसन्मान आणि जीवनमान उंचावण्यास हातभार लागेल.

सहाय्यक तंत्रज्ञान आणि पुनर्वसनविषयक उपाययोजना पोहोचवणे

PMD-VK केंद्राच्या माध्यमातून ALIMCO चे उद्दिष्ट म्हणजे गरजू लाभार्थ्यांपर्यंत आवश्यक सहाय्यक तंत्रज्ञान आणि पुनर्वसनविषयक उपाययोजना पोहोचवणे. प्रत्येक लाभार्थ्याच्या वैयक्तिक गरजा आणि भारत सरकारच्या लागू योजनांमधील तरतुदींनुसार योग्य उपकरणे उपलब्ध व्हावीत, यासाठी हे केंद्र कार्य करेल.

MDL आणि ALIMCO यांच्यातील हा सहकार्यपूर्ण उपक्रम सुलभ, समावेशक आणि सर्वांना समान संधी उपलब्ध करून देणाऱ्या भारताच्या निर्मितीच्या व्यापक दृष्टिकोनाला बळकटी देणारा ठरेल. प्रत्येक व्यक्तीला सन्मानाने, स्वातंत्र्याने आणि स्वावलंबनाने जीवन जगण्यासाठी अधिक संधी उपलब्ध करून देण्याच्या दिशेने हे एक महत्त्वपूर्ण पाऊल आहे.

या उद्घाटन समारंभास MDL चे कार्यकारी संचालक व विभागप्रमुख (CSR) श्री. अरुण के. चंद, उपमहाव्यवस्थापक (HR/CSR) श्री. प्रदीप महादेश्वर आणि AYJNISHD चे संचालक डॉ. सुमन कुमार उपस्थित होते. तसेच ALIMCO चे महाव्यवस्थापक (विपणन) श्री. शशी त्रिपाठी आणि ALIMCO मुंबईचे प्रभारी श्री. मृणाल कुमार यांचीही उपस्थिती होती.

Kalyan Dombivli News : कल्याण-डोंबिवलीत युतीत बिघाडीचे संकेत? प्रभाग समिती सभापतीपदासाठी १८ उमेदवारांचे अर्ज