बुधवार, 4 नोव्हेंबर 2026
मुंबईत प्रतिबंधात्मक आरोग्यसेवेचा विस्तार! नऊ महिन्यांत १.८० लाख नागरिकांची तपासणी; मधुमेह, कर्करोगावर दिले विशेष लक्ष
Mumbai News: आजार बळावल्यानंतर रुग्णालयात धाव घेण्याऐवजी आजाराचा धोका सुरुवातीलाच ओळखून उपचार सुरू करण्यावर मुंबई महापालिकेने भर दिला आहे. मधुमेह, उच्च रक्तदाब, कर्करोग आणि मानसिक आरोग्याच्या समस्या लक्षात घेऊन विभागीय दवाखाने, हिंदुहृदयसम्राट बाळासाहेब ठाकरे आपला दवाखाना आणि आरोग्य केंद्रांच्या माध्यमातून प्रतिबंधात्मक आरोग्यसेवेचा विस्तार करण्यात येत आहे. जानेवारी ते सप्टेंबर २०२६ या नऊ महिन्यांत तब्बल १ लाख ८० हजार १०३ नागरिकांची असंसर्गजन्य आजारांसाठी तपासणी करण्यात आली.(फोटो सौजन्य – istock)
या उपक्रमात केवळ आजारांचे निदान नव्हे, तर संशयित रुग्णांना पुढील उपचारांशी जोडण्यावरही भर आहे, प्राथमिक तपासणीत संशयित आढळणाऱ्यांना महापालिका रुग्णालयांत संदर्भित केले जाते.मधुमेह आणि उच्च रक्तदाबाच्या रुग्णांना जीवनशैलीत बदल करण्यासाठी आहारतज्ज्ञांचे मार्गदर्शन दिले जाते. जानेवारी ते सप्टेंबर २०२६ मध्ये ६५ हजार ८५ नागरिकांना आहारविषयक समुपदेशन देण्यात आले.
Mumbai News : चेंबूरमध्ये होमलेनचे नवे एक्स्पिरियन्स सेंटर; मुंबईतील उपस्थिती आणखी मजबूत
कर्करोगाचे निदान लवकर व्हावे यासाठी २०२५ मध्ये मुख कर्करोगाच्या २ लाख ७२ हजार ४२८, स्तन कर्करोगाच्या २७ हजार ७७४, तर गर्भाशयमुख कर्करोगाच्या ११ हजार ६८९ तपासण्या करण्यात आल्या. मानसिक आरोग्यालाही प्राधान्य देण्यात आले आहे. ‘मनशक्ती’ कार्यक्रमांतर्गत २०२५ मध्ये १ लाख ६८ हजार ६८७, तर २०२६ च्या पहिल्या नऊ महिन्यांत ७२ हजार १८ नागरिकांना समुपदेशन देण्यात आले. महाविद्यालयीन विद्यार्थ्यांसाठी हेल्दी कॅम्पस’ उपक्रमातून आहार आणि जीवनशैलीविषयी जागृती केली जाणार आहे. महापालिकेच्या या प्रयत्नांमुळे प्राथमिक आरोग्यसेवेच्या माध्यमातून आजारांचे लवकर निदान आणि उपचारांची उपलब्धता वाढविण्याचा प्रयत्न सुरू आहे.
Ans: मुंबईत गेल्या नऊ महिन्यांत सुमारे १.८० लाख नागरिकांची प्रतिबंधात्मक आरोग्य तपासणी करण्यात आली.
Ans: या मोहिमेत मधुमेह आणि कर्करोग यांसारख्या गंभीर आजारांच्या तपासणीवर विशेष लक्ष केंद्रित करण्यात आले.
Ans: मधुमेहाचे वेळीच निदान झाल्यास योग्य आहार, व्यायाम आणि वैद्यकीय उपचारांच्या मदतीने रक्तातील साखर नियंत्रणात ठेवता येते.
