Raj Thackeray on Ganeshotsav 2026: ‘गणेशोत्सवात दंगल घडवणार…’ राज ठाकरेंच्या दाव्याने उंचवलेल्या सर्वांच्या भुवय्या

Raj Thackeray on Ganeshotsav 2026: ठाण्यातील राम गणेश गडकरी नाट्यगृहात मनसेचा राज्यस्तरीय मेळावा आयोजित करण्यात आला होता. या मेळाव्यात मनसे प्रमुख राज ठाकरे यांनी गणेशोत्सवाच्या काळात दंगली घडवल्या जाऊ शकतात, असा दावा केला. सोशल मीडियावरील चर्चांचा उल्लेख करत त्यांनी कार्यकर्त्यांना आणि नागरिकांना सावध राहण्याचे आवाहन केले.

• राज ठाकरेंचा गणेशोत्सवात दंगलींचा दावा
• ठाण्यातील मनसे मेळाव्यात केलं वक्तव्य
• दंगलींमुळे मूळ प्रश्नांपासून लक्ष विचलित होण्याचा दावा

Raj Thackeray on Riots: आज ठाण्यातील राम गणेश गडकरी नाट्यगृहात मनसेचा राज्यस्तरीय मेळावा आयोजित करण्यात आला होता. या कार्यक्रमात मनसे प्रमुख राज ठाकरेंनी एक असे वक्तव्य केले. त्याने सर्वांच्या भुवय्या उंचवल्या आहेत. गणपती उत्सवात दंगल घडवण्याचा डाव असल्याचे राज ठाकरेंनी म्हटले. त्यानंतर मात्र पूर्ण महाराष्ट्रात खळबळ उडाली आहे. त्यांचा रोख नेमका कुणावर?

नेमकं काय म्हणाले राज ठाकरे?

आज ठाण्यातील राम गणेश गडकरी नाट्यगृहात मनसेचा राज्यस्तरीय मेळावा आयोजित करण्यात आला होता. या कार्यक्रमात मनसे प्रमुख राज ठाकरे म्हणाले की, “तुम्हाला मुद्दाम गुंतवूण ठेवलं जातंय. सध्या सोशल मीडियावर पण हाच विषय सुरू आहे. आता 14 तारखेला गणपती येणार मात्र मला सगळ्यात जास्त भीती हीच आहे की गणपतीच्या दिवसात दंगली घडवल्या जातील. मी फक्त महाराष्ट्राबद्दल बोलत नाहीये, देशात दंगली घडतील. जेणेकरून तुम्ही त्यात अडकून पडाल आणि मूळ प्रश्नांकडे तुमचं लक्ष जाणार नाही.” Raj Thackeray on Ganeshotsav 2026:

ते पुढे म्हणाले की, “मुंबईत त्याची झलक तुम्ही आत्ताच पाहिली. एक-दोन घटना घडल्या, ही तर फक्त सुरुवात आहे. यामागे मोठी यंत्रणा काम करत आहे. भाजपमधली लोकं पण यावर बोलू शकत नाहीत अशी परिस्थिती आहे. राज ठाकरेंनी सगळ्या लोकांना आवाहन केलं आहे. ते म्हणाले, जो सुजाण हिंदू आहे आणि जो सुजाण मुस्लीम आहे, त्या दोघांनाही मी सांगतोय की सतर्क राहा.”

Chala Shaalet Jauya Campaign: CJPच्या स्कूल ठीक करो मोहिमेचा इम्पॅक्ट; राज्य सरकारकडून ‘चला शाळेत जाऊया’ विशेष अभियान घोषणा

पुढे ते म्हणाले की, “तुमच्या आणि त्यांच्या नावाने कोणीतरी घुसखोरी करेल आणि दंगली घडवेल. त्यात आपलीच सुद्धा पोरं जातील आणि त्यांची पण पोरं जातील. तुम्हाला एकमेकांचा द्वेष करायला लावून मूळ प्रश्नांपासून दूर ठेवण्याचा हा सगळा खेळ आहे. देशाची परिस्थिती सध्या खूपच वाईट आहे. त्यांचं म्हणणं असं आहे की देशात बेरोजगारी, महागाई असे खूप प्रश्न आहेत. त्या प्रश्नांपासून लक्ष हटवण्यासाठी मुद्दाम दंगलीचा डाव आखला जात आहे.”

मराठी-हिंदी वादावर पण बोलले

याच भाषणात राज ठाकरेंनी मराठी-हिंदी वादावर पण भाष्य केलं. ते म्हणाले की “काही अमराठी लोकांना मुद्दाम मराठीबद्दल वाईट बोलायला लावलं जातंय. ‘आम्ही मराठी बोलणार नाही, तुमचं काय उखडायचंय ते उखडा’ असं बोलायला लावतात, जेणेकरून मराठी माणूस त्यात अडकेल आणि भांडणं होतील.नवी मुंबईत होणाऱ्या हिंदी संमेलनावर पण ते बोलले. ते म्हणाले की तिथे अमित शाह येणार आहेत म्हणून बातम्या सुरू झाल्या आहेत की महाराष्ट्रात हिंदी संमेलन होतंय. पण याकडे लक्ष देऊ नका. ते होऊन जाऊ द्या. दुर्लक्ष करा.”

Maharashtra Education Department: शिंदे गटाला धक्का? मंत्री दादा भुसेंचे अधिकार कमी केले, मंत्रालयात खळबळ

अमित शाह यांना टोला

म्हणाले की, अमित शाह हिंदी संमेलनात आले तरी त्यांचं हिंदी सुधारणार नाही, कारण ते पण ‘परेस, जयेस’ वालेच आहेत.एकंदरीत राज ठाकरेंच्या या भाषणामुळे राजकीय वातावरण तापलं आहे. गणेशोत्सवाच्या तोंडावर त्यांनी दंगलीचा दावा केल्यामुळे आता पोलीस आणि प्रशासन पण अलर्ट झाले आहे. त्यांनी केलेल्या आवाहनानुसार लोकांनी शांत राहणं आणि कोणत्याही अफवांवर विश्वास न ठेवणं गरजेचं आहे.”