गोपीचंद पडळकरांच्या इशाऱ्याला खासदार विशाल पाटील यांनी सुनावले (Photo Credit- X)
पाटील म्हणाले, “गेल्या लोकसभा निवडणुकीत पडळकरांना माझ्यापेक्षा कमी मते मिळाली होती. आता जातीयतेचा आधार घेऊन आणि वैयक्तिक टीका करून विजय मिळविल्याचे ते सांगत असले, तरी अशा प्रकारच्या राजकारणावर माझा विश्वास नाही.” त्यांनी आपल्या विकासाभिमुख कामकाजाचा पुनरुच्चार करत, “मी नेहमीच मतदारसंघातील विकासकामे, जनतेच्या समस्या आणि योजनांची अंमलबजावणी यावर लक्ष केंद्रित केले आहे,” असे सांगितले.
Sangli Politics: जयंत पाटील यांना मोठा दणका; सांगली बाजार समितीचे त्रिभाजन लागू
काल सांगलीत झालेल्या भाजप मेळाव्यात पडळकरांनी आक्रमक भूमिका घेत २०२९ च्या निवडणुकीसाठी आतापासूनच तयारी सुरू असल्याचे सांगितले होते. “भाजपचा विजय निश्चित करण्यासाठी आम्ही जीवाचे रान करू,” असा इशारा देत त्यांनी सांगलीसह पलूस-कडेगाव आणि इस्लामपूर भागातही जोर लावणार असल्याचे जाहीर केले होते.
यावर प्रतिक्रिया देताना पाटील म्हणाले, “लोकशाहीत मतदारच सर्वश्रेष्ठ असतो. त्यामुळे कोणत्याही आव्हानांना उत्तर देण्यापेक्षा मी जनतेचा विश्वास संपादन करण्यावर भर देणार आहे.” या आरोप-प्रत्यारोपांमुळे सांगलीच्या राजकारणात पुन्हा एकदा वातावरण तापले असून, आगामी २०२९ च्या निवडणुकांच्या पार्श्वभूमीवर हा वाद अधिक तीव्र होण्याची शक्यता व्यक्त होत आहे.
तुमचा काळा इतिहास बाहेर काढायला लावू नका; संजय पाटलांचा जयंत पाटलांना इशारा
