मंगळवार, 27 ऑक्टोबर 2026
घाटकोपरमधील खंडोबा टेकडीचे रूपडे पलटणार! महापालिकेकडून ५.७१ कोटींचा विकास आराखडा
Mumbai News: घाटकोपर पश्चिम भागातील ऐतिहासिक ओळख असलेल्या खंडोबा डोंगर परिसराचे रूपडे पालटण्यासाठी मुंबई महानगरपालिकेने पाऊल उचलले आहे. डोंगराळ भागातील नागरिकांचा सुरक्षित वावर आणि पायाभूत सुविधांचा दर्जा सुधारण्यासाठी पालिकेने ५ कोटी ७१ लाख रुपयांच्या विकासकामांची आखणी केली आहे. या कामांसाठी कंत्राटदाराची निवड प्रक्रिया पूर्ण झाली असून, अंतिम मान्यतेसाठी हा प्रस्ताव लवकरच स्थायी समितीच्या पटलावर ठेवला जाणार आहे. पालिकेच्या ‘एन’ विभागामार्फत हाती घेण्यात आलेल्या या प्रकल्पांतर्गत परिसरातील वाहतूक सुरळीत करण्यासाठी सिमेंट काँक्रिटचे अंतर्गत रस्ते तयार करण्यात येणार आहेत.(फोटो सौजन्य – AI)
Mumbai Crime: पतीच्या क्रूरतेने मुंबई हादरली; पत्नीशी भांडण अन् ९ महिन्यांच्या बाळाला उंचावरून फेकले
पावसाळ्यात पाण्याचा निचरा योग्य रीतीने व्हावा यासाठी नवी पावसाळी गटारे बांधली जातील. तसेच टेकडीचा भाग असल्याने दरड किंवा माती खचण्याचा धोका टाळण्यासाठी आवश्यक त्या ठिकाणी मजबूत संरक्षक भिंती उभारल्या जाणार असून, सुरक्षेच्या दृष्टीने ठिकठिकाणी संरक्षक जाळ्याही बसवल्या जाणार आहे
पावसाळ्यासह सहा महिन्यांच्या मुदतीत हा संपूर्ण प्रकल्प पूर्ण करण्याचे उद्दिष्ट ठेवण्यात आले आहे. कंत्राटदार नियुक्तीचा प्रस्ताव स्थायी समितीसमोर मंजुरीसाठी सादर करण्यात येणार असून, समितीचा हिरवा कंदील मिळताच प्रत्यक्ष कामाला सुरुवात होणार आहे.
कंत्राटदारांपैकी कागदपत्रांची पूर्तता करू न शकलेल्या तीन कंपन्यांना अपात्र ठरवण्यात आले, तर तीन कंपन्या तांत्रिकदृष्ट्या पात्र ठरल्या. पात्र या प्रकल्पासाठी पालिकेने ई-निविदा प्रक्रिया राबवली होती. यात सहभाग घेतलेल्या सहा कंपन्यांच्या आर्थिक निविदा तपासल्यानंतर ‘मे. एस. के. महालिंगम कन्स्ट्रक्शन’ या कंपनीने पालिकेच्या अंदाजित दरापेक्षा ३.३३ टक्के कमी बोली लावल्याचे स्पष्ट झाले. त्यामुळे या कामाचे कंत्राट संबंधित कंपनीला देण्याची शिफारस करण्यात आली आहे.
